Chapter 6

Tuwang-tuwa si Reina habang kasama si Melody na noo'y abala sa pakikipagtawaran sa mga mangingisda.

"Kuya Natoy! Kuya Natoy! Nandito na kami!"

"Uy, Melody! Kumusta? Murag malipayon man ka karon ah."

"Siyempre! May kasama kasi akong espesyal!" nakangiting sabi ni Mel.

"Espesyal? Kinsa na siya?" tanong pa ni Nate kay Mel, questioning if sino umano ang kasama nito.

"Kuya Natoy, meet Maureen. Ate Maureen, si Kuya Nate. Siya ang best fisherman dito!"

"Hello." Tipid na pakilala naman ni Maureen.

Nasa likuran lang siya habang nakikinig sa pag-uusap ng mga ito sa dayalektong Bisaya.

"Oh sige na maam, okay na raw kay kuya Natoy." Sabi pa ni Melody kay Reina, also known now as Maureen.

Tumango lang ang dalaga. Halatang hindi makapaniwala na tig-150 lang ang lahat ng isdang napamili nila.

"Lahat na 'to?" tanong pa ulit niya.

"Yes, ma'am." Ngisi pa ni Mel.

Napansin din niya ang lalaking kanina pa nakatingin sa kaniya. 'Natoy' umano ang pangalan ng lalaki. Tantya ni Maureen ay mga nasa twenty-eight na ito. Moreno at may magandang katawan ito, maskulado at halatang batak sa trabaho sa dagat. May pagka-Robin Padilla ang kilos nito, at halatang mahiyain.

"Magandang hapon, Ma’am Maureen. Ako nga pala si Nate. Masaya po ako na dito po kayo nagbakasyon." Sabi pa ni Nate na halatang gustong makipagkaibigan sa kanya.

"Hapon din, Nate. Huwag mo na akong tawaging Ma’am. Maureen lang, okay na."

Nate scratched the back of his head, slightly shy.

"Ah, sige… Maureen. So, ah, kung kailangan mo ulit ng ulam, ipanghuhuli kita, ano ba ang gusto mo? Meron kaming bangus, tilapia, at sariwang pusit dito." Paliwanag pa ni Nate sa kaniya.

"Oo, kapag kay kuya Nate, siguradong sariwa ‘yan, ‘di ba?" Dugtong naman ni Mel sa kaniya. Halatang sinusuportahan ang binata.

"Siyempre naman! Kagabi pa namin hinuli ang mga ‘yan. Amoy dagat pa nga eh." Paliwanag pa ni Nate.

"Amoy dagat talaga? Parang hindi naman ako sanay sa ganito." Sabi pa ni Maureen.

"Ay, taga-syudad ka siguro? Mukhang hindi ka madalas dito sa tabing dagat." Tanong ni Nate sa dalaga.

"Oo, bihira lang. Pero ang tahimik pala dito. Ang ganda ng view."

"Kuya Nate, magaling ka magluto di ba? Baka pwede mo siyang bigyan ng tips kung paano ang perfect na ihaw." Magiliw na sabi pa ni Mel habang proud na sinisiko si Nate. 

Hindi tuloy maiwasan na mapatawa si Maureen sa sandaling iyon. Matagal na rin siyang hindi nakakatawa ng gaya ng ganito.

"Ah, ganun ba? Sige, Maureen, ganito ‘yan: dapat tamang-tama ang apoy, hindi masyadong malakas. At ‘wag kalimutang lagyan ng brush ng butter para mas malasa!"

"Parang eksperto ka nga, Natoy. Sige, susubukan ko ‘yan." Sabi pa ni Maureen.

"Ate, baka pwede ka ring turuan ni Kuya Natoy maglinis ng isda." Dugtong pa ni Melody sa dalawa.

"Hala ka, Melody. Hindi ko naman sinabi na gusto kong maging fisherman." Nakangiting sabi pa ni Melody.

"Simple lang naman maglinis ng isda, Maureen. Pero kung gusto mo, turuan kita minsan. Libre naman ang lessons." Ayaw paawat na sabi ni Natoy, gaya ni Melody, nakakahawa rin ang vibes nito, very loveable, sobrang friendly at super attractive din. Magkaibang-magkaiba ang attitude nito kay Gabriel. 

"Salamat, pero baka mabusog na lang ako sa amoy bago pa matapos." Sabi pa ni Maureen

"Ate, mukhang masyado kang sosyal para dito. Pero baka masanay ka rin… lalo na kung si Kuya Natoy ang magtuturo."

"Tigilan mo nga ako, Melody!"

"Hala, Melody, baka napapahiya si Maureen sa’yo."

"Eh Kuya Natoy, totoo naman na ang bait mo. At bagay kay Ate Maureen ang simpleng buhay dito, ‘di ba?"

Maureen just shake her head while softly laughing.

"Nate, magkano ang isang kilo ng bangus? Kunin ko na lang ‘yan para matapos na ‘tong usapan na ‘to."

"Para sa’yo? Libre na."

"Libre? Hindi pwede ‘yan."

"Pwede naman. Special promo ko lang para sa bagong bisita sa tabing dagat."

"Sabi ko na nga ba, espesyal ka, Ate Maureen!" mahinang siko pa ni Melody kay Maureen as if matagal na silang magkaibigan. Magaan ang loob ni Maureen sa bagong mga tao sa paligid niya, papasaan din at masasanay din siya sa buhay probinsya.

"Ayoko ng utang na loob, Natoy. Magbabayad ako." Sagot naman ni Maureen sa binata.

"Okay, sige. Pero discounted na ‘yan. Para mapadalas ang pagbisita mo dito." Ngiti pa ni Nate.

"Salamat, Natoy ah. Babalik kami ni Melody kapag kailangan pa namin."

"Babalik tayo… o babalik ka, Ate?" Pilyang tanong ni Melody sa kaniya.

"Tara na nga, bago ka pa magdrama dito!"

"Ingat kayo! Huwag kayong mahihiya bumalik, ha?" Ngisi ni Natoy suot ang maliwanag na mukha, masayang-masaya ito dahil nakilala niya si Maureen. Matagal na rin siyang walang lovelife pero parang naaamoy na niya na malapit na siyang magka-jowa ulit!

"Heto na nga ang sign, Lord! Salamat sa wakas!" sigaw pa niya sa kawalan.

Maureen and Melody walk away, their laughter blending with the gentle crash of waves. Nate watches them leave, a small smile lingering on his face as he returns to his work. For now, doon magsisimula ang panibagong buhay ni Reina bilang isang Maureen Lopez. 

Nang makarating sa bahay ay agad na nagluto sina Melody, hindi na rin nakatiis si Maureen na hindi tulungan ang dalaga. Masaya silang nagluto ng paksiw at sinabawang isda. Lasap sa lasa nito na preskong presko pa ito dahil sa manamis-namis na sabaw.

"Ang sarap mo magluto ate! Bagay talaga kayo ni kuya Natoy!" tili pa ni Melody.

"Naku, baka may asawa na 'yun ha! patay talaga ako!"

"Naku, wala ate oy! Binata pa si Kuya Natoy, namatay kasi ang nobya niya dati, si ate Emerald."

Nabigla si Maureen sa sinabi ng dalaga. Nalungkot siya sa nalaman, siguro'y hindi pa nakaka-move on si Natoy dahil hanggang ngayon ay hindi pa ito nakakahanap ng bagong nobya.

Naisip tuloy niya kung ngayon kaya, hinahanap kaya siya si Gabriel, kung may pakialam ba ito sa kaniya? 

Sumeryoso ang mukha niya.

Mahal niya ito, pero sa ngayon mas dapat niyang mahalin ang sarili niya.

Kailangan niyang maging matatag.

"Ate, okay ka lang? Ba't natahimik ka dyan?" untag pa ni Melody sa kaniya.

Umiling lang siya. "Pareho pala kami, namatay na rin kasi ang dati kong nobyo." Pagsisinungaling pa niya.

"Ay condolence ate. Sorry."