Chapter 9

CHAPTER 9

Three months later…

DUMATING na nga ang araw na kinakatakutan ni Charlaine. Ang araw kung kailan ay kailangan niyang maikasal kay Harris. Ito na nga siguro ang katapusan ng kaniyang masasayang araw. Sa loob ng maraming araw na lumipas, marami pa siyang nasaksihan kay Harris. Isa na doon ang pagdadala nito ng lalaki sa kanilang mansyon. Akala ni Charlaine noong una na babae lang ang kaya nitong ikama ngunit nagkamali siya. Nakita pa ni Charlaine kung paano ang ginawa ni Harris at ng mga lalaking dinadala nito.

Sa loob ng maraming araw, mas pinili ni Charlaine na hindi magtagpo ang kanilang mga landas. Mabuti lang din ay nagawa niya iyon sa mga araw na kailangan niyang iwasan ito. Naramdaman din naman niya na parang nakakahalata na si Harris pero hinayaan lang din siya nito. Ngunit gayunpaman, may pagkakataon pa rin na ginagambala siya ni Harris.

“Sana malagpasan ko rin ang danok na ito,” saad ni Charlaine sa kaniyang sarili habang nasa harapan siya ng malaking salamin.