Chapter 14

CHAPTER 14

MAAGANG nagising si Charlaine. Akala niya ay hindi niya maalala ang nagawa niyang pakipagtalik kay David. Akala niya hanggang sa paggising niya ay wala na ito sa kaniyang tabi pero mahimbing itong natutulog.

            Napabuntonghininga naman si Charlaine dahil naramdaman niya ang kamay nitong pumulupot sa tiyan niya. Dahan-dahan niyang inalis ito at dahil doon, nagising ito.

            “Aalis ka na ba?” mahinahong tanong nito.

            Noon lang na-realize ni Charlaine na kailangan na niyang umuwi sa bahay nila ni Harris baka hinihanap na siya nito at galit ito sa kaniya.

            “Mali itong ginagawa natin,” pagsasalita ni Charlaine. Alam niya iyon. Pero hindi niya itatanggi na mas ginusto niya ang nangyari sa kanilang dalawa ni David. Mas pipiliin niyang maging makasalanan habang nasa tabi nito.

            Ngumiti lamang si David. “Alam ko. Sige na umalis ka na baka hinahanap ka na ni Harris,”