Chapter 73 - Ex But No Why's

Sunod-sunod na malalakas na pagkatok sa pintuan ng apartment nila Tamara ang nagpaangat sa kan’yang ulo buhat sa seryoso na pagtatrabaho sa kan’yang laptop sa may sala. Napakunot ang noo niya at natigilan. Iniisip ni Tamara kung si Wyatt na naman ba ang nanggugulo at kung ano-ano na naman na palabas ang ginagawa sa kan’ya. Ngayon kasi ang dapat na balik ni Wyatt sa Baguio, pero kanina lamang ay nag-text pa sa kan’ya ang lalaki na gagabihin sa pag-uwi dahil may tinatapos pa na meeting sa Maynila.

Akma na siya na tatayo nang lumabas naman si Lou buhat sa silid nito at nakataas din ang kilay na nakatingin sa kan’ya. "Huwag ka na kumilos diyan, sissy ko na buntis, ako na lamang ang magbubukas ng pintuan." Lumakad si Lou sa direksyon ng pintuan at patuloy pa rin sa pagsasalita. "Aba! Sino ‘yan at parang nagmamadali na mapagbuksan? Kapag si Papa Wy ito, humanda talaga siya sa akin at kukurutin ko siya sa kasingit-singitan niya sa pang-iistorbo niya at mga pa-epek niya."

Naiiling na lamang