Kabanata 783

”Susunduin tayo ng isang private jet na mula sa Centrolis pagdating natin sa airport.” Dagdag pa ni Neil, “May trabaho pa akong gagawin sa Centrolis, kaya kailangan mo munang sumama sa’kin sa ngayon. Pero mas madali ang sitwasyon sa Centrolis. Pwede kang makitira sa mga Hamerton, kahit na wala kang immigration status doon…”

"Aabalahin ko nanaman si Cordelia?"

“Kung nakokonsensya ka, tulungan mo siyang mag-alaga ng bata.”

Ngumiti si Aurelia at hinila niya pataas ang kumot, at di kalaunan ay nakatulog siya.

Tahimik na tiningnan ni Neil ang natutulog na si Aurelia, hindi niya napigilan ang sarili sa paghaplos sa kanyang mahaba at kulay chestnut na buhok.

Ilang araw nang hindi naliligo ang dalaga, at buhol-buhol ang kanyang buhok. May mga bakas din ng dumi sa kanyang mukha. Nakakaawa ang itsura niya.

Naalala niya ang sandaling nakita niya si Aurelia sa deck. Para siyang isang mahina, at kaawa-awang na ligaw na kuting na puno ng takot ang mga mata. Kaya lang, hindi bahagi ng mundo niy