KABANATA 26

“K-KUYA...” Humagulhol si Carry ng makita si Anton na nakatayo sa labas ng pinto ng kwarto ng kaniyang Ina.

Mahinang tumawa si Carry ng makita ang gulat sa mukha ni Anton. Sino ba namang hindi mabibigla kung ang nakilala mong asawa ng kaibigan mo ay tinawag kang kuya? Paano pa kaya kapag nalaman nito ang totoo na magkapatid sila? Matanggap kaya siya nito? Hindi niya nakakalimutan ang sinabi nito tungkol sa Ina kaya alam niyang hindi siya nito matatanggap ng ganu'n kadali.

“A-anong ginagawa mo dito? Paano mo nalaman na nandidito ako?” Tumayo siya at hinarap ang binata.

Umiling ng bahagya si Anton at gumuhit sa labi nito ang munting ngiti bago inisang hakbang ang palitan nila at dinamba siya ng mahigpit na yakap. Nagulat siya sa ginawa nito kaya nanatili siyang nakatayo na parang poste ngunit mas nagulat siya sa sinabi nito...

“Tahan na, nandito na si Kuya...”

Gumanti siya ng yakap sa binata at umiyak sa dibdib nito. Sa kabila ng sakit na naramdaman niya sa araw na ito may ilang bahagi