Chapter 81

(Sera POV)

Di napapagod si Nathaniel na ihatid-sundo ako palagi kung saan man ako pumunta. Kung hindi man siya makakasundo sa akin, si Secretary Taki ang sumasalubong sa pintuan ng aking opisina. Palaging binabati ako nito ng ngiti at sabay na inaabot ang kanyang phone, dahil nasa kabilang linya ang kanyang boss.

Umiling ako sa kanya.

“Uuwi ako at sasabay ako sa inyo. Pakisabi na lang sa boss mo.”

Kaya sa buong dalawang linggo, pinapakita ni Nathaniel sa labas na maayos kaming dalawa. At di ito maganda. Wala bang ginagawa si Wilma sa ginagawa ng asawa ko. Ang tagal ko ng hinihintay ilapag sa harapan ko ang divorce document.

Kaya kinagabihan, naghanda ako ng hapunan para sa amin ni Nathaniel. Umuwi naman ito na nadatnan ako sa kusina. May pagod sa kanyang mukha, at magkasalubong ang kanyang kilay. Ngumiti ako sa kanya.

“Sana naman ang laman ng briefcase na dala ng iyong tauhan, yung divorce documents na.”

Ngumisi siya. Saka walang sinabi. Lumapit sa fridge at kumuha ng malamig na tubig