Chapter 114

(Wilma POV)

Natigilan si Ria sa kanyang paglalakad. Lumapit ako dito na naka-cross arm at lumampas sa kanya ng bahagyang para harapin ito.

“Tama lang na mainis ka sa akin dahil inagaw ko ang posisyon mo bilang nag-iisang anak ng Valeria na hindi naman talaga kadugo. Pasensya ka na. Nalaman ko kasi na ako talaga ang tunay na anak nila. Kung ginalingan mo kasi ang pag-arte mo na ikaw ang anak nila eh di hindi sana hahanapin ng mag-asawang Valeria ang tunay nilang anak. Hindi mo kasi napunan ang pangungulila nila sa akin. Kaya pasensya na.”

Napangisi ito sa akin tila ba hindi siya nadadala sa sinabi ko. May alam ba siya? Tss. Impossible. Siguro naman alam ni Sera kung paano itikom ang bibig niya. Maalalahanin siya sa mga taong mahahalaga sa kanya lalo na ang kanyang kaibigan na si Gail. Tsk. Wag na wag kang magkakamali Sera na magsalita. Dahil magkakaroon ako ng plano kung paano itikom ang bibig mong yan!

“Ayo