Kabanata 3

Sa sandaling iyon, biglang sumagot si Darcy ng tawag, matalim at iritado ang boses niya.

"Eh ano naman kung na-stuck ka dyan sa daan? Problema mo 'yan kung hindi ka makakarating. Bakit nga ba nagmamaneho ka pa, matandang laos?"

Binabaa niya agad ang tawag, pero nakilala ko ang takot na boses sa kabilang linya—si Mona iyon.

Nakaharang ang kotse ni Darcy sa kalsada, kaya hindi makabalik si Mona! Nagmamadali pa naman siyang umuwi para magluto, at kahit lakarin niya pauwi ang mga pinamili, matatagalan pa rin siya.

Wala na akong pag-asa.

Lumuhod si Darcy sa harapan ko, kumikinang sa kasamaan ang mga mata. "Tingnan mo ang ginawa mo sa villa ng boyfriend ko. Paano kaya kita paparusahan?"

Isa sa mga babae niyang kasama ang kumuha ng isang timba na puno ng makukulay na pintura at ibinuhos sa ulo ko.

"Mahilig siyang magpinta? Sige, bigyan natin siya ng totoong obra! Sobrang tanga niya na gayahin ka, Darcy!"

Sumali naman ang dalawa pang kasama niya sa pananakot. "Kailangang-kailangan niya bang magka-lalaki? Bakit hindi na lang tayo mag-imbita maraming lalaki para sumaya siya at hindi na niya pag-interesan ang boyfriend ng iba?"

"Magaan lang yon para sa kaniya. Haha! Kailangan niyang magbayad nang malaki hanggang sa ma-bankrupt siya. Baka pwede natin siyang ipakilala sa ilang clients. Magaling naman siyang mambighani ng mga lalaki, baka sakaling makabawi siya."

Nanatili ang matalim na titig ni Darcy sa mukha ko, habang lalong tumitindi ang kanyang galit. Bigla siyang tumayo at malakas akong sinipa sa sikmura.

"Ang kapal ng mukha mong maging kamukha ko! Panahon na para bawiin ko ang mukhang ito, hindi ba?"

Nakarinig ako ng nakakasukang tunog nang mabali ang ilong ko, dahilan para umikot ang aking paningin. Tumawa sila nang malakas; umaalingawngaw sa tenga ko.

"Syempre peke yan! Walang tunay na ilong na mababali nang ganoon kadali. Nakakatawa ka!"

"Pati hairstyle ni Darcy ginaya! Gupitin ninyo yan!"

"Tama! Pinilit pa niyang magsuot ng white dress na gaya ng kay Darcy. Alisin natin iyan!"

Sinubukan kong lumaban, pero mabilis nila akong napalibutan. Sinuntok at sinipa nila ako hanggang sa mahilo ako at hindi na makakilos.

Sa huli, kinuha nila ang kanilang mga cellphone at humalakhak sa kawalan ko ng laban habang kinukunan nila ako ng video.

Hindi pa tapos si Darcy. Kinuha niya ang isang utility knife at lumapit sa akin na may nakakatakot na ngiti.

"Hindi ko hahayaang gamitin mo ang mukha ko para maakit si Felix. Ginusto mong mangyari lahat ng 'to."

Sumama lang si Felix sa kaniya dahil sa kaniyang itsura, at ayaw niyang may kaagaw.

Natawa nang may halong kaba ang tatlo niyang alipores. "Darcy, tama na siguro yan. Huwag mo nang masyadong palakihin. Villa ito ni Mr. Palmer, baka magkaroon siya ng problema."

Napairap si Darcy. "Anong problema? Siya naman ang mananagot eh. Hindi ko naman siya papatayin; sisirain ko lang ang mukha niya! Kapag bumalik siya at nakita kung ano ang ginawa niya sa bahay, baka mas lalo pang lumala ang parusa sa kanya."

Pagkarinig niyon, mas lumakas ang loob ng tatlo. Pinuwersa nila akong humiga, hinawakan ang mga braso at binti ko. Naramdaman ko ang talim na humiwa sa mukha ko, at napahiyaw ako sa tindi ng sakit. Mas malakas pa silang tumawa habang nagdurusa ako.

Nang matapos ang kalbaryo, halos wala na akong boses. Nakahandusay ako sa lupa, napakahina para sumigaw.

Nagliliyab ang mga mata ni Darcy sa matinding galit. "Kailangan niya ang leksyon na 'to, dahil baka gayahin pa siya ng iba. Baka mawala pa ang posisyon ko bilang future Mrs. Palmer! Dahil gustong gusto mo akong gayahin, sisiguraduhin kong hindi mo na magagawa iyon!"

Hinawakan niya ang kamay ko at isa-isa niyang binali ang mga daliri ko, may malupit na ngisi sa kanyang mukha.

"Kasalanan mo lahat 'to. Huwag mo akong sisihin kung hindi ka na makakapagpinta!"

Nang mabali na ang lahat ng sampu kong daliri, wala na akong lakas para gumawa pa ng tunog.

Habang unti-unti akong nawawalan ng malay dahil sa sobrang sakit, may dumating sa wakas—si Felix.

Tumigil siya bigla, namumutla ang mukha dahil sa galit habang tinitingnan ang kaguluhang naganap. "Anong ginagawa mo? Sinong nagsabing pwede kang pumunta dito?"