Chapter 34

Pagkalabas ko ng bahay, nadatnan kong naglalaro na ang mga ito ng basketball. Ngunit hindi naman naglalaro ang anak ko. Nanonood lang ito sa dalawang naglalaro sa dalawang ama ng anak ko. Ang isang tunay na ama at ang isang pekeng ama. Hindi ko alam kung kanino ba kumakampi si Johann. Pero hindi ko masisisi si Johann kung kay Jeho siya kumakampi dahil mas magaling itong magshoot ng bola.

"Ang galing talaga ng Jeho ko," sabi ni Monette na pabigla bigla ang dating nito na may dala dalang tray na may lamang juice at pagkain na cookies. "Ang galing niyang mag-shoot noh!" Napalunok ako bigla ng laway sa sinabi niya. "Ganun din kaya siya kagaling magshoot sa gabi? Maka score nga din sa kan'ya," sabay halakhak nito.

"Baliw ka talaga Monette. Tatapatan na kita ha," sabay pamewang ko sa kan'ya. "Hindi siya marunong magshoot. Magaling lang siya tsumamba kaya nagagawa niyang maipasok ang bola sa ring. Saka kung may balak kang magpashoot sa kan'ya, huwag mong susubukan dahil magsisisi ka lang."