Chapter 22 (Part 2)

TRENTA minutos nang tumatakbo ang kanilang service car papunta sa destinasyon na hanggang ngayon ay palaisipan kay Mabelle kung saan. Ibig man niyang kulitin si Navi subalit baka mainis lang sa kanya ang lalaki.

"Sana po maganda 'yong place na pupuntahan natin, Mommy," pabulong na sabi ni Paris sa ina.

"I'm sure it is. Magtiwala lang tayo kay Sir Navi, okay?" The girl replied with a nod. Idinikit naman ni Belle ang sarili sa anak at hinayaang yakapin siya nito.

After minutes of silence, biglang nagsalita si Navi. "We're here."

Huminto ang kotse sa entrance ng Cassiopeia Campgrounds, isa sa mga dinarayong campsite sa lungsod at kilala bilang perfect spot for stargazing. Naunang lumabas ng kotse si Navi at sinundan naman 'yon ni Earnest na siyang nagbukas ng pinto sa mag-ina.

At pagbaba ni Mabelle, kumunot ang kanyang noo at nagtaka. Bakit sila lang ang naroon? Well, baka may kinalaman si Navi rito. Marahil kinausap ni Navi ang may-ari ng lugar upang ipa-reserve ang campsite nang sa gay