CHAPTER 68

NANIBAGO ako ng tanghali ng pumasok sa trabaho si Josua, kaya naman ng makita kong tuloy-tuloy na ito patungo sa opisina niya’y sumunod na ako papasok.

“Sir, bakit tanghali ka na yata ngayon?” tanong ko rito na biglang kinairita naman niya.

Huminto ito sa harap ng table niya at hinarap ako na nakaarko ang mga kilay.

“Bakit mo kinu-question ang pagpasok ko sa trabaho? Baka nakakalimutan mo na boss mo ako at ano mang oras na naisin kong pumasok ay wala ka na roon!”

“Galit kaagad? Hindi ba puwedeng concern lang ako kasi ngayon ka lang pumasok ng ganitong oras?” tugon ko.

“Concern? Bakit?”

Natigilan ako sa tanong niya, bakit nga ba iyon ang nasabi ko? Kaagad akong umiwas ng tingin at bumaling sa aking dala-dalang mga folder.

“Ah... kasi ga-gawa nito sir, kailangan mo kasi itong permahan para maayos ko na kaagad ang iba ko pang gagawin,” nauutal kong pagdadahilan.

Napatingin naman ito sa dala-dala ko na kaagad kong inabot sa kaniya. Inis na inabot naman niya sa akin iyon bago ak