CHAPTER 56

   NILALAMIG ako... nanunuot ang lamig sa loob ng katawan ko kaya naman namaluktot ako upang mabawasan ang nararamdaman kong lamig. Pero ganoon pa rin, kaya naman nagmulat na ako ng mata at hinila ko ang kumot na nasa paanan ko lang. Isinaklob ko iyon sa aking katawan hanggang sa aking leeg, kaya naamoy ko ang kakaibang aroma na naamoy mula sa kumot. 

Napangiti ako dahil kakaiba ang amoy at nakaka-refresh ng pakiramdam. Iba rin pa lang maglaba si Donna. 

Pero napansin ko na parang iba ang paligid ng kuwarto. Kulay puti ang ding-ding at nakikita ko sa gilid ko ang mga kagamitan na parang hindi pamilyar sa akin. 

Doon ako napabalikwas nang bangon at kaagad na pinagmasdan ng maayos ang paligid. 

Nananaginip ba ako? Bakit ang ganda ng kuwartong tinutulugan ko? bulalas ko sa sarili. Pinisil-pisil ko pa ang pisngi ko upang magising ako, ngunit hindi... dahil totoo lahat ang nakkita kot nararanasan. O my God! Anong nangyari? Nasaan ak