Chapter Fifty Eight

UNTI-UNTING nagsipagbagsakan ang mga luha sa mata ni Beatrice. Kanina pa niya pinipigilan maiyak sa harap ni Rudny.

Sa totoo lang ay masamang-masama ang loob niya magpahanggang ngayon dahil sa tuluyan siyang tinalikuran ni Rudny at mas pinili pa nitong makipagrelasyon sa kapatid niya.

Binalewala niya ang sakit, mas inisip na lang niyang mas mapapanatag siya kung magiging okay na sila ulit nito. Katulad ng dati, titiisin na lang niyang masaktan ng paulit-ulit basta hindi lang siya iiwasan ni Rudny.

"Beatrice? Anong nangyari?" tanong ni Seth na pumanaog sa hagdan na kahoy. Kakapatulog lang nito sa anak nitong si Xeena. Dahil maaga silang uuwi sa Manila para makapagpahinga at may pasok pa sila sa susunod na araw.

"W-wala ito." Umiling lamang si Beatrice habang pinupunasan ang luha sa pisngi niya maging ang sipon niya.

Kahit ang maganda tinutuluan din ng sipon kapag umiiyak.

Tuluyan na siyang nilapitan ni Seth at hinipo ang buhok ng dalaga. Hindi na napigilan ni Seth na kabigin palapit at