ATTORNEYS DESIRABLE CONTRACT C31

REESE DOMINIQUE...

"Hmmmm," ungol n'ya at pilit na iminumulat ang mga mata. Masakit ang kan'yang ulo ngunit pinipilit n'ya ang sarili na magising.

Kailangan n'yang makita si Creed, kailangan n'ya itong tulongan. Namimigat ang kan'yang talukap ngunit hindi s'ya tumigil hanggang sa nagawa n'ya ang gustong gawin.

Nang dahan-dahan na bumukas ang kan'yang mga talukap ay bumungad sa kan'ya ang lugar na parang bodega. Maraming mga karton at mga lumang gamit ang nakatambak sa loob.

"Nasaan ako?" mahinang tanong n'ya sa sarili at pilit na inaalam kung nasaan s'ya ngayon.

Inilibot n'ya ang tingin at akmang tatayo ngunit hindi s'ya makaalis at doon n'ya lang napagtanto na nakagapos pala ang kan'yang mga kamay at paa.

"Shit! Nasaan ako? At sino ang nagdala sa akin rito?" tanong n'ya ngunit natigil din ng maalala ang nangyaring ambush sa daan kasama ang asawa.

"Creed," tawag n'ya sa pangalan ng lalaki ng maalala ito. Inilibot n'yang muli ang mga mata para hanapin si Creed ngunit wala s'yang makit