Chapter Ten

Mag-isa akong naglalakad pauwi, pinipisil ang sintido ko. Masakit ang ulo ko mula pa kanina sa klase, siguro dahil napuyat na naman ako. Bago ako matulog, ang dami kong tanong sa isip ko. Hindi ko maintindihan kung bakit tuwing magkakatitigan kami ni Kuya Miguel o mapapalapit ako sa kanya, parang sasabog na ang puso ko sa dibdib.

"Ano ba ang nangyayari sa akin?" bulong ko sa sarili.

Parang may sariling buhay ang puso ko, hindi ko mapigilan ang pagwawala nito.

Hindi kaya dahil dati ko siyang crush, kaya naaapektuhan pa rin ako pag malapit siya sa akin?

Napailing ako. “Hindi, imposible,” bulong ko. Pero bakit ganito ang nararamdaman ko?

Hindi ko namalayan na nasa tapat na pala ako ng gate, kaya binuksan ko ito at pumasok na sa loob.

“Nandito na ako,” sabi ko, tinanggal ang sapatos ko pagkauwi mula sa paaralan. “Kumusta, anak? Ginabi ka na, maghugas ka na ng kamay at sumabay ka ng kumain,” sabi ni Mommy.

Nakita ko si Kuya Miguel na tumutulong sa pag-aayos ng mesa para sa hapunan.