KABANATA 4

"FRIEND, okey ka lang?" haplos ni Kelly ang likod ng kaibigan nang makita itong nakatanaw sa bintana sa loob ng kanilang silid.

"A-aray!" di mapigilan ni Rose ang mapaigik na nang mahaplos ni Kellyang kanyangpasa sa kanyang likod.

"Bakit, Friend? Anong masakit sa'yo?"

" W-wala, Kelly."

Ngunit hindi kumbinsido si Kelly. Napansin din nitong nakasuot ng mahahabang manggas at naka-pajama.

"Umamin ka, Rose, anong nangyari? Makikinig ako."

Walang anu-ano ay napahagulgol na lang si Rose at napayakap ito nang mahigpit sa kaibigan.

"Hayop siya, hayop siya!"

"Sino? Bakit? Ano ba kasi ang nangyari?"

Kumalas sa pagkakayakap si Rose at hinubad ang kanyang suot na pang-itaas.

Natutop naman ni Kelly ang bibig. Sobrang nagulat siya sa nakitang mga pasa at pantal sa katawan ng kaibigan.

"Sinong may gawa sa iyo niyan, friend?" naluluhang usisa ni Kelly. Kaagad nitong kinuha ang kanyang medicinal kit at pinahiran ng ointment ang mga pasa ng kaibigan.

Ikinuwento ni Rose ang buong pangyayari. Awang-awa naman ang kanyang kaibigan sa kanyang sinapit.

"Bumalik na pala ulit ang hayop na iyon, at malas mo Rose dahil ikaw ang natipuhan niya." ani Dessy nang kalauna'y nagising sa pag-uusap ng mga kaibigan.

"Siya ang unang naging costumer ko noon dito sa club. Sadista ang hayop na iyon kaya isinumpa ko sa sarili ko na gagantihan ko siya kung sakali mang bumalik siya ulit, kaso ikaw pala ang natipuhan ngayon." Mahabang lantiya ni Dessy.

"Naku, huwag naman sana ako ang susunod." si Kelly.

"Paano yan, friend, alam na ba ni Perlas ang tungkol diyan?" usisa ni Dessy.

"Oo, Dess, Sabi niya na magpahinga muna ako kahit isang gabi. Malaki ang bigay ng instik na 'yon eh."

"Hays! Kahit na gaano kalaki kung papatayin ka naman niya! Puputulan ko talaga iton kung ako ulit ang napagdiskitahan!" gigil na wika ni Dessy.

"Matulog na tayo, tanghali na." yaya ni Kelly.

Mahihiga na sana si Rose nang makaramdam siya ng pagsusuka. Agad niyang tinungo ang banyo.

Nagkatinginan si Dessy at Kelly

"Hindi kaya buntis talaga si Rose?" hinuha ni Dessy.

"Hindi pwedeng mabuntis si Rose o ang sinuman sa atin. Alam niyo naman ang ginawa niya dati kay Amy di ba?" wika ni Monique na kanina pa pala nakikinig sa kanilang usapan.

"Oo, di ko iyon makakalimutan. Kawawa nga si Amy dahil hindi niya nakayanan." si Dessy.

"Sinong Amy? At anong nangyari sa kanya?" usisa ni Mabelle na bagong kasama nila na dumungaw mula sa itaas ng double deck. Katulad ni Rose ay hindi niya matanggap ang kanyang kinalalagyan ngayon at galit ang kanyang nararamdaman sa gumawa nito sa kanya. Sa tulong lang ng mga ibang katrabaho nila kaya unti-unti niyang tinanggap ang kanyang estado ngayon.

"Katulad din natin siya, biktima ng mga hayop. Nabuntis siya at pinalaglag ang kanyang dinadala. Wala pang isang linggo ay namatay si Amy, dahil mula nang ipalaglag nila ang bata, hindi na siya tumigil sa pagdudugo." mahabang lantiya ni Dessy. Halata sa kanyang tinig ang galit at lungkot.

"Mga hayop talaga sila!" galit na sambit rin ni Mabelle. "Kung mayparaan lamang upang makaalis tayo dito eh."

Kinilabutan naman si Rose sa narinig pagkalabas niya sa banyo. Walang imik siyang naupo sa sariling higaan. Saka pasimpleng hinimas ang manipis na tiyan.

"Paano kung totoo? Paano ko ito maililihim kay Perlas?" mg katangunan sa kanyang isipan.

Kung bakit kasi hindi gumagamit ng proteksyon ang ilan sa kanyang mga parokyano, lalo na si Mr. Corpuz. Isa sa pinakamadalas niyang costumer at hindi ito gumagamit ng anumang proteksyon sa tuwing kukunin nito ang serbisyo ni Magda.

Humiga siya pero nakaharap sa pader. Blangko ang isipan pero ang tanging sinasambit ng kanyang mga labi ay ang mga katagang, "Bakit mo ako pinabayaan?"

Nagdaan ang mga araw. Dalawang kababaihan na naman ang naidagdag sa kanila at pareho silang mga menor de edad. Tila walang katapusang kamunduhan ang nagaganap sa bawat araw. Habang patagal nang patagal, nawawala na rin ang kanilang pag-asang makaalis sila lugar na iyon.

"O hayan! Pumili kayo ng mga isusuot niyo mamaya, bago lahat iyan kaya pagbutihin ninyo ang trabaho niyo!" wika ni Perlas. "Maliwanag ba?" Dadagdag pa niyang tila isang malditang anak mayaman.

"Opo," sabay-sabay nilang sagot.

"Boys tara na," ani ni Perlas sa mga kasama nitong mga lalaki na tila ba ayaw umalis dahil sa mga nakikitang mga naggagandahang dalaga sa kanilang harapan. Kumindat muna ang mga ito at ngumisi na parang aso bago tuluyang isinara ang kwarto.

Wala namang gana ang mga dalaga na kumuha sa loob ng karton. Magaganda ang mga ito ngunit kapirasong bahagi ng katawan lamang nila ang matatakpan.

"Magbihis na tayo friend malapit nang magsimula," paalaala ni Kelly.

Walang gana namang kumuha si Rose ng isusuot. Hindi na niya sinuri pa kung anong itsura nito.

Napabuntong hininga siya habang pinagmamasdan si Monique na kanina pa ikot ng ikot sa salamin. Tila tuwang-tuwa pa ito sa kanyang suot na halos wala nang natatakpan sa kanyang katawan.

"Wala ka na rin lang namang magagawa para makatakas eh di mag-enjoy na lang total libre naman lahat ng kailangan mo at ibat-ibang Papa pa ang nakikilala mo!" iyan ang mga salitang hindi makakakalimutang sinabi noon ni Monique.

Sa totoo lang si Rose lamang ang madalas na kasundo niya dahil hindi pinapatulan ng dalaga kapag sinusumpong ang kanyang pagkamaldita.

Pero kahit ilang beses na ipagsiksikan sa utak ni Rose na tanggapin nalang ang sinapit ay hindi niya kaya. May kung anong bumubulong sa kanya na "huwag kang mawalan ng pag-asa. "

Pero saan nga ba siya huhugot ng lakas upang huwag mawalan ng pag-asa, na isang araw ay makakaalis din siya sa putik na kanyang kinasadlakan.

Hindi siya nararapat sa lugar na iyon. Mayroon siyang talentong maipagmamalaki ngunit pinapakinabangan ng mga mapagsamantalang mga tao.

"USE YOUR talent always for the glory of God," tila ba umaalingawngaw sa kanyang pandinig ang boses ni Pastor Rodney habang kasalukuyang sumasayaw ng isang mapang-akit na sayaw sa gitna ng maliit na entablado.

Muli na namang gumilid ang mga luha. Sinubukan niyang pigilin iyon kaya pumikit ng bahagya. Pagdilat niya ay si Mr. Corpuz ang kanyang nakita. May kung anong ideyang pumasok sa kanyang isipan. Pasimple niyang pinahid ang kanyang luha at ngumiti ng makahulugan.

Pagkatapos na pagkatapos niyang sumayaw ay agad siyang hinila ni Mr. Corpuz sa isang kwarto. Inaasahan na iyon ni Rose. Tanging siya lang naman ang dinadayo roon ni Mr. Corpuz.

Pagkapasok na pagkapasok ay agad na naglikot ang mga kamay ni Mr. Corpuz gaya ng inaasahan. Napatigil lamang siya nang napansin niyang tila nakikisama na si Rose. Hindi na katulad dati na parang isang manikin lamang ang kanyang kapareha, walang emosyon. Sinubukan ni Mr. Corpuz na halikan si Rose ngunit iniwas ng dalaga, bagkus ay itinulak niya si Mr. Corpus sa kama.

Napangiti ang lalaki si ginawa ni Rose

"I like you today, Magda," wika ni Mr. Corpuz na may matamis na ngiti. Hindi na nag-abala pang tugunin iyon ni Rose bagkus ay sinimulan na niyang magtrabaho. Ginaya niya ang mga ipinanood sa kanila noon na mga malalaswang panoorin.

Tuwang-tuwa sa kanya si Mr. Corpuz dahil kahit na hindi pa rin ito halos nagsasalita ay sulit ang ibabayad niya dito.

Ngunit sa loob ni Rose, diring-diri siya sarili, ngunit kailangan niyang sikmurain iyon para sa nabuong plano sa kanyang isipan.

"Makakaalis din ako rito," sambit niya pagkalabas ni Mr. Corpuz. Tiningnan niya ang sobre, mas makapal ito kaysa dati. Ngunit hindi siya masaya. Alam naman niyang hindi niya iyon mapapakinabangan.

Paglabas niya ng kwarto, naroon muli si Rodel. Kinuha ang sobre na ibinayad sa kanya.

"Parang nag enjoy ang suki mo ah," ngisi niya kay Rose. Kailan mo ba ako pagbibigyan, Magda." dagdag pa niya sabay hawi sa nakalaylay na bihok sa kanyang balikat ngunit tinabig niya ito.

Tila umakyat naman sa ulo ni Rodel ang kanyang dugo.

"Bakit ba napakaarte mo!" nanggigigil ning wika saka mahigpit na hinawakan ang braso ng dalaga. Ngunit papalapitna sa kanila si Perlas kaya pinakawalan niya rin ito. "Matitikman din kita!" aniya bago sinalubong si Perlas.