KABANATA 4

SA CLUB...

"Okey girls, mag-ready na kayo," maarteng wika ni Perlas, ang baklang katiwala ni Mr. Choi sa bar na iyon.

"Oh, Magda, ano pang ginagawa mo diyan nagsimula na ang tugtog, umayos ka ha! Kung ayaw mong makatikim na naman," singhal ni Perlas kay Rose. Agad namang tumalima ang dalaga pero tinitigan niya muna nang matalim si Perlas bago umakyat sa entablado.

Muli na naman niyang suot ang kapirasong telang tumatakip sa kanyang kabuoan. Pikit -matang humarap sa mga kalalakihag nanonood, lahat ay uhaw na uhaw sa laman. Muling dumaloy ang mainit na likido sa kanyang pisngi habang sinasabayan ng kanyang katawan ang mapang-akit na musika.

"Sige igiling mo pa!" sigaw ng isang nanonood sa kanyang pagsasayaw.

"Tanggalin mo na yan!" sigaw rin ng isa pa. . Ngunit tila wala siyang naririnig. Patuloy ang ang pagindayog ng katawan kasama ang malamig na posteng bakal sa gitna ng entablado.

Tila bingi na siya sa mga hiyawan. Pinilit niyang huwag marinig ang mga nakakarinding tawa ng mga uhaw sa laman. Agad niyang nilisan ang entablado pagkatapos ng tugtog na iyon.

Tinungo ang kwarto at agad niyang tinakpan ang kabuoan. Mahigit isang taon na niya ginagawa iyon ngunit tila ba hindi pa rin siya nasasanay.

"Sana huwag na muling sumapit ang dilim." usal niya habang dumadaloy ang saganang luha sa kanyang mga mata.

"NASAAN na si Magda? Naghihintay na ang costumer niya!" Tinig iyon ni Perlas mula sa labas ng silid. Batid niyang galit na naman ito base sa tono ng bose. Kaagad siyang nagkunwaring nag-aayos ng make up sa harap ng salamin dahil alam niyang papasukin siya roon ng bakla. At kagaya nga inaasahan ay pumasok nga si Perlas sa kwarto.

"Ano ba, Magda? Hindi ka pa ba tapos diyan? Naiinip na si Mr. Corpuz!" mataray na sabi ni Perlas habang kinakalampag pinto.

"O-opo, lalabas na ako." Dali-daling lumabas si Rose Marie upang hindi na siya mapag-initan pa ni Perlas. Paano ba naman kasi, araw-araw na lang na mainit ang ulo ng bakla, at madalas siya ang napagbubuntunan ng galit.

Inaasahan na niya iyon dahil sa tuwing pagkatapos niyang sumayaw ay agad na ipinapatawag siya. Isa siya kasi sa mga binabalikan ng mga mayayamang costumer ng club na iyon na si Mr. Corpuz.

TIPID ang ngiti sa mga labi ni Rose Mari e nang humarap si Mr. Corpuz. Walang salitang namagitan. Katulad ng dati. Hindi rin nakikipag-usap ang dalaga sa sinumang gumagamit sa kanyang katawan.

Hindi pa naman gaanong matanda si Mr. Corpuz, nasa apatnapu at isa ang kanyang edad, hindi kagaya ng iba na mga ceñor citizen na. Sa katunayan, si Mr. Corpuz ang palaging bumabalik-balik sa kanya.

Naging madalas si Mr. Corpuz sa sikretong, club na iyon simula nang makita niya si Magda na nagsasayaw sa entablado, limang buwan tatlong buwan na rin ang nakakalipas simula nang gabing una nilang pagniniig. At simula noon ay halos tatlo hanggang apat na beses sa loob ng isang linggo ay naroon siya para kay Magda.

Hinawakan ni Mr. Corpuz ang kamay ng dalaga ay iginiya sa isang pribadong silid na may malamlam na ilaw.

Katulad ng dati, hinahayaan lang ni Rose Marie na gawin ni Mr. Corpuz ang nais niyang gawin sa kanyang katawan hanggang sa mapagod o magsawa siya.

"Thank you, " ani Mr. Corpuz kinintalan ng halik si Rose Marie sa labi. Sa lahat ng costumer ng dalaga ay si Mr. Corpuz lamang ang gumagawa ng gan'on sa kanya. Kadalasan kasi, basta-basta na lamang siya iniiwan ng mga ibang parokyano pagkatapos siyang gamitin.

Pagkatapos makapagbihis ni Mr. Corpuz ay isang sobre ang iniwan niya sa kama.

Hindi na nagtagal si Rose sa kwartong iyon. Pagkatapos niyang makapagabihis ay kaagad siyang lumabas ngunit sa pintuan ay nag-aabang si Rodel. Nakakaloko ang ngisi nito sa kanya ngunit binalewala na lamang niya iyon at naglakad siya nang tuloy-tuloy ngunit pinigilan siya ni Rodel.

"Akin na," sabay lahad niya ng palad. Inilagay naman ni Rose Marie ang sobre sa kanyang kamay at kaagad niyang iniwan ang lalaki.

"Hoy Rodel, akin na yan, " agaw ni Perlas sa sobre. "Sigurado kang walang bawas to ha, kung hindi wala kang ipapadala sa magulang mo." dugtong pa ni Perlas na bumaling kay Rose.

"Ikaw naman Rodel, asikasuhin mo ang costumer mo," utos ni Perlas. "Baka kung ano pang binabalak mo diyan." dugtong pa niya.

"Sa susunod ako naman," sigaw ni Rodel sa papalayong dalaga mula sa kaniyang kinatatayuan.

"MAGDA, come here, may costumer ka ulit, naku very good ka tonight, you're so lucky! At dahil diyan may bonus kang maidagdag na ipadala sa pamilya mo!" maarteng wika ni Perlas nang dumating si Rose Marie sa mesa nito.

"Malas! Gusto ko nang magpahinga eh, hindi pa ba sapat ang bayad ni Mr. Corpuz?!" sigaw ng isip ni Rose Marie pero hindi niya iyon ipinahalata kay Perlas dahil tila ba maganda ang mood nito ngayon.

Nais niyang tumanggi ngunit alam niyang masasaktan lamang siya kapag hindi siya sumunod. Walang imik niyang sinundan si Perlas upang dalhin siya sa kanyang panibagong costumer.

Isang Tsino ang ang nadatnan nila sa isang private room.

"Hello, dear." pukaw ni Perlas sa lalaki pagkapasok nila sa silid.

Paglingon ng lalaki ay kaagad na napukaw ng kanyang pansin si Rose Marie na nasa likod lamang ni Perlas.

Habang nagpapaliwanag si Perlas sa mga kailangang malaman ng bagong costumer ay hindi maalis ang malagkit na tingin nito kay Rose.

Disente itong tignan mula ulo hanggang paa. Ngunit napaatras si Rose Marie dahil sa hindi maipaliwanag na kaba lalo na nang tumayo ang lalaki at hinapit siya sa kanyang baywang.

Gusto niyang umayaw o humingi ng saklolo ngunit kanino. Panay ng kausap ng Tsino kay Rose Marie ngunit tanging tango lamang ang tugon ng dalaga.

Sa isang pinakasulok na silid ang napili ng lalaki na dalhin si Rose Marie Sa dalawang taon niya na nakakulong sa club na iyon ay noon lamang siya nakapasok sa kwartong iyon. Huminga nang malalim ang dalaga upang maibsan ang hindi maipaliwanag na kaba.

Malamlam ang silid na kanilang pinasukan. Halatang pang-VIP ang kwartong iyon.

"Take your seat, Lady Magda." anang Tsino. Naupo naman sa gilid ng kama si Rose.

"Ngayon lang ako naka-encounter ng ganito ka-maginoong manyak!" naisaisip ni Rose.

Mahinahon ang bawat kilos ng lalaki. Maamo din ang mukha nito at kung iisipin ay hindi siya nababagay sa isang lugar na kanilang kinalalagyan ngayon. Binuksan nito stereo na nasa malapit sa pintuan pagkatapos ay kinuha niya ang wine sa side table at nagsalin.

Maya-maya pa ay nagtanggal na ng polo at pantalon ang lalaki habang tahimik lang si Rose na nakaupo.

So Rose Marie naman ay tinungo ang banyo at nag-shower. Hindi mawala-wala sa kanyang isipan ang kabang nararamdaman kahit na kita sa ikinikilos ng lalaki ay mahinahon naman.

Paglabas ni Rose Marie sa banyo ay nadatnan niya ang lalaking tanging boxer shorts na lamang ang suot at nakasandal sa headboard ng kama. Pumapailanlang din ang isang malamyos na musika.

"Now, dance for me." utos nito. Sumunod lang si Rose. Relax na relax ang Tsino na habang pinapanood siya. Maya-maya pa'y lumapit sa ito sa kanya at pinasimsim siya ng wine. Matapang ito hindi katulad ng ordinaryong alak na palagi niyang natitikman. Alam niyang mahala ang alak na iyon dahil sa lasa pa lamang ay may ibang pakiramdam kapag dumaan na iyon sa lalamunan.

Hinayaan na lamang ng dalaga ang mga sumunod na kilos ng lalaki. Nagsawa ito sa kanyang katawan .

"Satisfy me." Bulong ng lalaki.