28. Kiro

Hindi lamang ang barista ang natawa, maging ang katabi niyang lalaki na naka-sumbrero din.

“Mukhang may galit ka yata sa boss mo.”

“Anong ako ang may galit sa kanya? Siya kamo ang may galit sa akin.” Nakairap niyang tugon.

Natigilan siya… sandali… bakit parang pamilyar ang boses ng katabi niya? Sinubukan niyang sumilip sa mukha nito, pero tumalikod na ito at umalis.

Sinundan niya ito ng tingin.

Matangkad, matipuno ang katawan… kaboses pa ni Adius.

Lumapit ang barista sa kanya ng nakangiti. “Miss, nanununtok na kape para sayo.” Anito sabay lapag ng kape sa harapan niya.

Pagka-amoy niya dito ay ilang beses siyang napa-hatsing. At ng tikman niya ito, sunod-sunod siyang napaubo ng hindi maipinta ang mukha.

Nag alala ang barista. “Miss, ayos ka lang ba? Ang sabi mo kasi—“

Nag-thumbs siya. “G-good job, kuya… ito nga ang kailangan ko.”

Ewan nalang niya kapag hindi pa makontento sa kapeng ito ang ‘hudyong lalaking iyon.

“Sir, narito na ang kape mo.” Nilapag niya sa harap