Chapter 52

Tulala si Madame Conii na nakaupo sa sofa, kaaalis lamang ni Mr. D at ng mga tauhan nito.

"Mama! Gumawa ka ng paraan, 'wag mong hayaan makuha niya ang anak!" malakas na sigaw ni Dulce sa pagmamakaawa at bakas ang takot sa timing nito.

"Lola, ayaw kong magpakasal sa lalaking iyon!Please, ayaw ko!" umiiyak namang pagsusumamo ni Darlene habang nakatulala.

Umiiling-iling na lamang si Madame Coni. "Wala na akong magagawa pa, masyado siyang makapangyarihan. Wala akong laban sa kan'ya kaya nga sinabihan na kita na huwag kang pumunta sa lugar kung saan bali-balitang lagi siyang pumupunta," walang buhay na sabi nito sa apo.

Nasa gano'n silang tagpo nang marinig nila ang pagkalampag ng pinto sa kuwarto ni Fern. Nakakulong siya sa kuwarto, mabuti na lamang at hindi siya nakalabas kung hindi ay baka siya naman ang pag-interesan ng lalaking iyon!

Nabahala si Madame Coni kaya agad siyang tumayo at tinungo ang kuwarto ng apo. Pagkabukas niya ay ang namumutla at mugtong mga mata ni Fern ang rit