Chapter 67

Habang nasa iisang lugar sila ay paminsan-minsang nagkikita ng palihim si Allyana at Seb sa kompanya. Kahit na palihim silang nagkikita ay nakikita rin ni Dylan iyon, ngunit wala siyang boses upang magsalita sa kung anong ginagawa ng dalawa. Hindi rin nakaligtas kay Keane ang balitang isa sina Seb sa bagong investors ng kompanya nina Allyana at talagang hindi siya makapaniwala, na biglaan ang paglitaw nito kahit alam niyang posibleng makikita nila ito.

Kaya naman, nasisiguro rin niya na alam na iyon ni Albert.

Tatlong araw ang lumipas, ay naging tahimik ang mga buhay nila at naging abala sa trabaho. Si Chelsea ay pinabalik muna sa Canada ng kanyang ama upang asikasuhin ang trabaho na iniwan nito. Ngunit, babalik rin ito upang samahan si Allyana sa laban nito.

Kahit nagtatrabaho sina Allyana, bukod sa palihim silang nagkikita sa opisina ay may pagkakataon rin na nagkikita sila sa labas ng sila lang dalawa.

Kaya naman, nakikita rin sila ni Keane, na bahagyang sinusundan nito upan