Chapter 6 FEAR

ERICA 

Hindi ko na namalayan ang oras dahil sa pagsusulat lumingon ako sa bintana "Tanghali na pala." Usal ko. Tumingin ako sa orasan na nakasabit sa dingding at mag-aalauna na ng hapon. Pagkatapos ko sa library ay pumanhik muna ako sa kwarto para magpahinga. Mamaya na lang siguro ako kakain pagbaba ko iidlip lang muna ako saglit dahil medyo masama rin ang pakiramdam ko. Ang bigat ng katawan ko baka dala ng stress nitong mga nakaraang araw. Naalimpungatan ako dahil sa pagbukas ng pintuan and I saw Fatima. 

She has access sa lahat ng sulok ng bahay na ito at hindi ko alam kung bakit okay lang kay Troy. Hinahayaan niya lang si Fatima kaya hinahayaan ko na lang din baka dahil siguro sekretarya siya ng asawa ko. Pumasok siya at umupo sa tabi ko sa may gilid ng kama. Bumangon ako at sumandal sa headboard ng kama parang umiikot ang paningin ko."Anong nangyari sayo Erica? Bakit ang lamlam ng mga mata mo teka may sakit ka ba?" Sunod-sunod niyang tanong." At saka malapit ng gumabi hindi ka pa raw nagtatanghalian hindi ka pa bumababa sabi ni manang. Sigurado akong pag nalaman ito ng asawa mo magagalit yun sayo."Tsk. Magagalit? Eh palagi namang galit yun sakin ng walang dahilan.Sa loob-loob ko.

Hinawakan niya ko sa noo. "Teka ang init mo ah may lagnat ka,saglit lang, diyan ka muna, kukuha ako ng gamot sa baba mabilis lang ako, babalik ako agad." Natataranta niyang sabi. Akmang tatayo siya pero hinawakan ko siya sa braso para pigilan. "Ayoko ng gamot Fat gusto kong uminom ng alak gusto ko munang makalimot kahit sandali man lang." Sagot ko sa kanya.Nagulat siya. "Ha? ano? Kelan ka pa umiinom? Hoy Erica lakas rin ng tama mo ah? Dapat kasi hindi ka nagpapalipas ng gutom at iba ang epekto sa utak mo. Kung ayaw mong bumaba para kumain magpapadala na lang ako ng pagkain rito." sabi niya "Eh gusto ko nga uminom ng alak eh ano bang pakialam mo?!" Naiinis kong sigaw sa kanya."Really Erica? Nababaliw ka na ba? O sadyang wala ka na sa tamang katinuan? Gusto mo ba talagang mas lalong magalit si Troy sayo ha? At saka may lagnat ka tapos iinom ka. 

Think it twice Erica." Naiinis na rin ang tono niya sa pagtatanong. In short sinisermonan na niya ako. "Bakit ayaw mo na lang kasi alagaan ang sarili mo paano kapag tuluyan kang magkasakit aber edi problema na naman yan. Erica please huwag mo ng dagdagan ang problema ng asawa mo." Dagdag niya.Napatulala ako sa sinabi niya dinaig pa ni Fatima ang nanay ko sa mga litanya niya. Hindi ko alam kung sakin ba talaga siya concern o kay Troy. Hindi ko namalayan bigla na lang akong napaiyak sa harapan niya hindi ko alam kung bakit bigla-bigla na lang tumulo ang luha ko baka dala lang ng lagnat. Ewan ko. "Natatakot ako Fat. 

Natatakot akong mawala sakin si Troy kaya naman pinili kong itago ang mga bagay na alam kong masasaktan siya." Sambit ko sa kanya. "A-anong ibig mong sabihin?" Hindi niya inaasahan ang sasabihin ko." Palagi kong itinatago ang tunay kong nararamdaman kahit nalulungkot ako sa sitwasyon namin ngayon ni Troy. Pinipilit kong maging mukhang masaya kapag kaharap siya. Inililihim ko lang ang pangamba at takot ko na iyon para hindi niya mahalata. At mas lalo pang lumala ng ibinunyag niya sakin ang kwento tungkol sa rose garden. 

Nagulat siya sa sinabi kong iyon bakas sa mukha niya ang pagkabigla ngunit hindi ko iyon pinansin. "Si-sinabi niya yun sayo?" Tanong niya.Tumango ako sa kanya at patuloy na nagsalita."Lahat ng takot ko ay mas nadagdagan pa hindi ko alam kung bakit. Natatakot ako na baka pag nalaman niya ang nararamdaman ko ay mas lalo pa siyang magalit. Baka paggising ko isang araw wala na siya sakin. Iiwanan niya na ako ng tuluyan at hindi ko kakayanin yon alam mo yan Fat. Alam mo kung gaano ko kamahal si Troy isa ka sa mga naging saksi sa pagmamahalan namin ni Troy. "Hinawakan niya ako sa balikat."Ahm, Y-yes I knew it.

 At sa pagkakakilala ko kay Troy, Oo maiksi ang pasensiya ni Troy mainitin pa ang ulo ganun rin naman siya sa opisina. Pero ang iwan ka hindi niya yon gagawin sayo intindihin mo na lang muna siya." Paliwanag niya. "So ako na lang ba palagi porket mahal ko siya? Ako na lang parati ang iintindi sa relasyon namin?magpapakumbaba kahit wala akong kasalanang ginawa? May feelings rin ako Fat at nasasaktan ako kapag binabaliwala niya ako. Kung mahal niya talaga ako at gusto niyang magwork-out ang marriage na to ay dapat pareho naming pangalagaan ang relasyong ito. Kung mahal niya ako dapat gagawin niya lahat ng ikakasaya ko tulad noong nanliligaw pa lang siya sakin. Ngunit nasaan na ang Troy na yon? Troy na minahal ko ng sobra katumbas ng buhay ko. Minsan napapaquestion na ako sa totoong ugali niya baka nagbabalat-kayo lang siya." Humagulhol na ako. "Pwede ba Erica huwag mong pagdudahan ng ganyan ang asawa mo mahal ka non. Uminom ka na ng gamot iba na yang tama mo kung ano-ano na ang pumapasok at lumalabas sa bibig mo.

 Sige na bababa muna ako para kumuha ng pagkain at gamot mo para makapagpahinga ka na.” Hindi ko pinansin ang mga sinabe niya. "Fat naranasan mo na bang magmahal ng buong puso na kahit ang buhay mo ay kaya mong isakripisyo?" Tanong ko sa kanya.Tinanggal niya ang mga kamay sa balikat ko at dahan-dahang tumingala sa picture frame na nakasabit sa wall ng kwarto namin ni Troy. “Nakaramdam ka na ba ng sobrang lungkot dahil lang sa pagmamahal sa isang tao?" Dagdag ko."Paanong hindi ko maranasan at maramdaman? Falling inlove with someone who will never love you back gaano iyon kasakit sa tingin mo? A man who treated you like a wind, Nandiyan at nararamdamam ka niya pero hindi ka naman pinapansin. 

Pero kahit ganun ang trato niya sakin kahit masakit kinakaya at hindi ko pa rin siya susukuan anuman ang mangyari at kaya ko ding itaya ang buhay ko para sa kanya. Mahal ko nga diba? tulad mo kay Troy, you're not giving-up on him kaya ako rin I'm gonna stick to it kahit sa anong paraan ay gagawin ko para mapasakin lang ang lalaking mahal ko." Mahaba niyang paliwanag. Hindi pa rin niya tinatanggal ang pagkakatitig sa frame. Hindi ko na iyon binigyan ng pansin at kahulugan. Hindi na ako nakaimik pa sa mga tinuran niya. Sino kaya ang lalaking tinutukoy niya? Base sa mga sinabi at reaksyon niya ay mahal niya rin ang lalaking ito. Niyakap niya muna ako bago tuluyang lumabas ng kwarto. 

* * * * 

FATIMA 

Lumabas ako ng kwarto nila at sa inis ko sa babaeng yun muntikan ko pang maibagsak ng malakas ang pintuan. Ano na naman kaya ang pumasok sa utak niya at kung mag-inarte ay wagas akala mo kung sinong reyna ng mansyon na 'to palibhasa kasi hindi niya alam na sampid lang siya rito. Grrrr! Mabuti na lang talaga nakapagpigil ako kanina dahil kung hindi nasabunutan ko na siya o di kaya naingudngod ko sa sahig ang pagmumukha, nakakairita na ang kaartihan at kadramahan niya. Akala siguro niya ay interesado ako sa mga drama niya sa buhay. Kumukulo talaga ang dugo ko sa babaeng yon.

 Kung hindi lang dahil kay Troy ay never kong pakikisamahan ang impaktang yon. Pero sige lang titiisin ko muna sa ngayon dahil nararamdaman ko na malapit na kaming magtagumpay. Maghintay ka lang Erica kulang pa yang dinaranas mong hirap ngayon dahil isasadlak kita sa impyernong dapat mong kalagyan. Hindi mo alam na impyerno ang pinasok mong buhay sa piling ni Troy. 

Gaga ka talaga, uto-uto, pinainan ka lang nagpabitag ka naman. I will ruin your life. I will make it miserable like you were living in hell and wait for it. It will serve on you soon. Mahirap din sa part ko ang magkunwaring mabait sa taong kinasusuklaman ko, sa babaeng kinamumuhian ko. Pasaan ba't matatapos rin ito at mapapaalis rin siya sa mansyong ito at gigising rin si Rix, makakabalik na siya rito dahil siya naman talaga ang totoong may-ari rito. Pinahupa ko muna ang puso ko. 

Pakakalmahin ko muna ang sarili bago pumunta sa kusina baka malagyan ko pa ng lason ang pagkain ng bruhang yon. At itong si Troy naman saan kaya nagpunta ang damuhong yon? Hindi niya alam na nagdadrama rito ang reynareynahan niya. Wala man lang pasabi kong saan pupunta at ng mahagilap agad siya. Bakit kaya niya binanggit sa babaeng yon ang tungkol sa rose garden. 'Wag niya lang sabihin na nasisiraan na rin siya ng bait. Wala sa usapan namin yon. Ang usapan maghintay ng tamang panahon pero ano itong ginawa niya?

Dapat naming pag-usapan to hindi na to maganda pero kanina ko pa siya tinatawagan ay hindi pa rin makontak hanggang ngayon. Saan ko siya hahagilapin?Huwag niya lang sabihin sakin na pinanghihinaan na siya ng loob dahil kung ganun ay walang patutunguhan itong sinimulan namin. Mauuwi sa wala at masasayang lang ang pinagpaguran namin.

No Troy you can't do that kung kelan malapit na tayo sa r***k ng tagumpay. Hindi pwedeng maawa ka kay Erica Troy dahil siya ang dahilan kung bakit nalagay sa alanganin ang buhay ni Rix at hindi pa rin nagigising hanggang ngayon baka kailangan ko pang ipaalala sayo yon. At hindi pwedeng malaman ni Erica ang totoong motibo natin sa kanya. Pagkatapos kung magmuni-muni at pakalmahin ang sarili ay pumunta ako sa kusina at sinabihan si manang Cecilia na dalhan ng pagkain at gamot si Erica. Alangan ako pa magdala sa kanya ano siya sinuswerte?

 * * * 

TROY 

Pagkatapos namin mag-usap ni Ryan sa cellphone ay dumeritso na ako sa bachelor's club kung saan palagi kami nag hahang-out ng barkada since college days.Pagdating ko ay naroon na kaagad siya. One of my friend na masasabi kong maaasahan at mapagkakatiwalaan ko. Kumaway siya sakin pagpasok ko lumapit ako sa mesa kung saan siya nakaupo.Pinatay ko muna ang cellphone ko para walang istorbo gusto ko munang mag relax. Umupo ako sa harap ng upuan niya. May mga alak na sa mesa it means umorder na siya.

 “Oh anong atin pare bakit bigla ka atang nagyaya rito sa paborito nating bar? Is there anything wrong?" bungad niya kaagad sakin.

"Bakit bawal ba? Naistorbo ba kita? Gusto ko lang mag relax kasama ka." Untag ko sa kanya. 

“Wow ang corny mo pare ha, teka, alam ba ng asawa mong narito ka baka hinahanap ka na non?" Dugtong niya.

"Bakit pa niya kailangang malaman? Sanay na yon na lagi ako wala sa bahay." Sagot ko. 

“Pare naman, syempre asawa mo yun natural lang na hanapin ka niya. Dapat ipinapaalam mo sa kanya lahat ng gagawin mo at kung saan ka pupunta kailangang alam niya lahat yon para hindi siya mag-alala sayo. Saan ka ba nanggaling at parang problemado ka?." Dagdag niyang tanong.

"I visited Rix, pinuntahan ko siya sa ospital para kumustahin kay Ivan."

"Then what happened, may improvement na ba sa kalagayan ni Rix?" Tanong niya.

"Yun na nga eh wala pa ring progress hanggang ngayon hindi ko na alam ang gagawin ko." Saad ko. 

“Maghintay lang tayo pare pasasaan ba't magigising rin si Rix at babalik na sa normal ang lahat magtiwala lang tayo. Isa pa kayang lagpasan ni Rix ang lahat ng ito. Malakas at matapang na tao yang kapatid mo no." Sagot niya.

“Sana nga magdilang anghel ka pare dahil nakokonsensya na ako sa ginagawa ko kay Erica. Nahihirapan rin ang puso ko kapag nakikita kong nahihirapan at nasasaktan siya sa sitwasyon namin. Ayaw man niyang aminin pero hindi ako tanga para hindi yon mapansin. Parang hindi ko na kaya." Pagpapaliwanag ko sa kanya. 

“That's what you call love pare. Kasi nahuhulog na ang loob mo sa kanya, napapamahal ka na sa babaeng ang intensyon mo lang noon ay saktan siya para makapag higanti  ka sa nangyari kay Rix." Aniya. 

“No! hindi pwedeng mangyari yan. Sinira niya ang pamilya ko kailangan niyang magbayad sa ginawa niya sa pamilya ko lalong-lalo na kay Rix." Pagtatanggi ko. 

“Hindi mo ba naisip paano kung mali kayo ng akala paano kung wala siyang kasalanan?" Tanong niya ulit.

“Anong walang kasalanan? Siya lang ang huling kausap ni Rix sa cellphone  bago ito tumalon sa rooftop. Pangalan at numero ni Erica ang nakarehistro sa call logs niya. I've checked it at hindi pa ba yon ebidensya?" Medyo naiinis na 'ko. 

“Kulang ang basehan mo pare paano kung aksidente lang pala ang nangyari at naghahanap lang talaga kayo ng sisisihin para may managot?" Nakikipagtalo na siya. 

“Pwede ba Ryan wag mo ng dugtungan pa ang mga sinabi ni Ivan sakin at hindi baliw si Rix para tumalon sa ganun kataas." Umigting ang panga ko ng maalala ang tagpong iyon. 

“Kita mo pare kahit si doc Ivan ay tutol sa mga plano mo. Matanong ko lang sayo kaya mo ba talagang ituloy ang mga plano niyo kay Erica? O baka naman nagpapasolsol ka lang kay Fatima. Kung ako sayo hindi ako makikinig kay Fatima dahil gulo lang ang dala ng babaeng yon. Itigil mo na yang paghihiganti mo dahil walang maidudulot na maganda yan. Matuto na lang tayong magpatawad para hindi na lumala pa ang sitwasyon." Mahaba niyang paliwanag. 

“Sa tingin ko pareho niyo lang sinasaktan ang isa't-isa lalo ka na sa kanya. Alam naman natin kung gaano ka kamahal ni Erica diba?" Dugtong niya. 

“You're right I need to divorced her. Kailangan ko na siyang hiwalayan bago pa lumala tong nararamdaman ko para sa kanya. I need to give her the divorced paper para pirmahan na niya." Parang bigla akong natauhan sa mga sinagot ko sa kanya.

 “Sa tingin mo pipirmahan niya yon? Mapapapayag mo kaya siya?"

 “Kailangan niyang pumirma sa ayaw at gusto niya. Waiter! isang bote pa nga!"

"Pare tama na yan mahirap magdrive ng lasing baka maaksidente ka hindi ko alam ang sasabihin sa asawa mo. Waiter wag na!" Sabi niya sabay senyas sa waiter ang waiter bilang sagot." Sige na umuwi ka na baka hinahanap ka na ng asawa mo. Mag-usap kayo para maayos na yang gusot sa pagitan niyong dalawa." Dagdag niya. 

Tumayo ako at iniwan siya ewan ko ba para akong nahimasmasan sa mga sinabi niya sakin. Sumakay ako sa kotse at tinahak ang daan pauwi.I missed her! I missed my wife!