Chapter Seventy Four 

MASARAP matulog, ito ang napagtanto ni Hannah habang nakaunan siya sa braso ni GB at mahigpit itong nakayakap sa kanya. Hindi tuloy niya napigilan ang mangiti dahil talaga lang na tama na ang desisyon niya na makipag-ayos dito. Talaga lang kasi pinahihirapan lamang niya ang kanyang sarili nu'ng panahon na tinitikis niya ito. Ngunit, habang iniiwasan niya ito’y siya rin naman ang higit na nahihirapan at nasasaktan. 

Naitanong niya tuloy ang sarili, bakit ba kailangan niyang gawin iyon?

Napabuntunghininga siya nang makahagilap siya ng sagot sa kanyang katanungan. Bukod kasi sa may gusto siyang mapagbalingan ng sakit na kanyang nararamdaman, natatakot din siyang baka mawala si GB sa kanyang buhay. Mabuti na nga lang at agad niyang napagtanto na mas mawawala ito sa kanyang kung patuloy siyang mag-iinarte.&n