Kabanata 3

Slave.

Those were the memories I shared with Kylo. Minsang may umaway sa akin sa classroom because of a petty reason and Kylo was there to protect.

"Bida-bida ka masyado!" Singhal sa akin ng babae sa aking harapan.

Kylo told me that she is one of the top students in this section. Baka kaya siya nagagalit dahil nasasagot ko ang tanong ng teachers.

"What are you saying?" Malumanay kong tanong. "I just answered the teacher's question. Anong mali ro'n?"

"Mapapel ka! Kahit hindi ikaw ang tinatawag, lagi kang sumasagot!" Singhal niya.

"Nagtataas ako ng kamay bago sumagot. Kung hindi mo iyon nakikita, pwedeng maupo ka sa tabi ko," sagot ko.

"Zyra, tumigil ka na," rinig kong bulong ng kaibigan niya.

"Nakakairita na kasi itong babaeng 'to. Magmula nang dumating dito, hindi na ako nakakarecite," sagot niya.

"Is that my fault?" Tanong ko.

Kasalanan ko bang nauuna akong makaproduce ng answer bago siya? Kasalanan ko pa bang active ako masyado sa class? I just don't understand her arguments, it's ridiculous for me.

"Hoy! Ano 'yan!"

Nilingon ko si Kylo na dala ang tumbler ko. Nagpapa-refill kasi siya lagi ng tubig sa Guidance office. Ang sabi niya, pwede naman daw iyon dito.

"Inaaway ni Zyra si Chime," sagot ng isa sa aming classmate.

"Ano? Bakit!" Inis na sigaw niya.

Mabilis siyang lumapit sa akin. Hinawakan niya ang braso ko saka ako itinago sa likod niya. Hinarap niya ang babaeng nasa harapan ko na mukhang natahimik na.

"Hoy! Anong problema mo, Zyra? Hindi ka naman talaga matalino! May kodigo ka lang kaya ka laging nakakasagot sa exam," singhal ni Kylo sa kaniya.

"A-Ano? Hindi totoo 'yan," sagot ng babae.

"Kylo, stop it."

Hindi niya pinansin ang sinabi ko. Hinawakan ko ang braso niya para pigilan pa ang pagsasalita niya. Saglit niya akong nilingon bago muling balingan ang babae sa harapan.

"Umalis ka sa harapan ko! Baka sabihin ko sa lahat dito na naglalagay ka ng kodigo sa ilalim ng palda mo tuwing exam!" Malakas na sigaw niya.

Narinig ko ang singhapan ng mga classmates namin sa sinabi ni Kylo. Umiiyak na lumabas ng classroom si Zyra. Salubong pa ang kilay ni Kylo nang harapin ako.

"That was harsh. Hindi mo na dapat pinahiya," saway ko sa kaniya.

"Iyon ang napapala niya," sagot niya. "Kung lalaki 'yon, baka sinapak ko siya. Pasalamat siya at babae siya."

"Hindi maso-solve ng pagiging violent ang isang problema, Ky. You always need to calm yourself kahit nasa gano'n kang sitwasyon," sabi ko pa.

"Yes, Miss. Noted! Sorry na," sabi niya sabay lapag ng tumbler ko sa lamesa niya.

Naupo siya sa upuan niya saka uminom sa sarili niyang tubigan. Ininuman ko rin ang akin.

"Dito mo 'yan ilapag sa table ko para hindi mabasa ang lamesa mo," sabi niya.

"Sa lapag na lang, mababasa naman ang sa'yo," sagot ko.

Nagpunit siya ng scratch paper saka inilapag sa sahig. Doon niya pinatong ang tumbler naming dalawa. Iyon ang iilan niyang ginagawa for me. Kahit ang maliliit na bagay, pinagtutuunan niya ng pansin.

"Sure ka bang same lang tayo ng inaaral? Bakit parang mas mahirap itong sa amin?"

Binasa ko ang notes ni Kylo. Kunot-noo ko pa itong paulit-ulit na binasa dahil magulo ang kaniyang sulat.

"Ahead kami ng two topics sa inyo. Kuhanin mo ang notes ko sa Math, aralin mo. May solution naman sa notebook ko," sagot ko.

Nalipat ako sa highest section pagtuntong namin ng Grade 9 kaya hindi na kami masyadong nagkakasama ni Kylo dahil may mga group works kami, gano'n din siya.

"Ang sakit sa ulo. Ayaw ko na," reklamo niya kahit na hindi pa binubuklat ang notebook ko.

Napairap ako sa sinabi niya. Tinigil ko ang pagbabasa ng notes ko bago siya balingan. Nakasalumbaba siya habang pinapanood ako.

"Sige na. Mag-aral ka na. Kaya ko 'to. Kailangan ko lang ng konting energy," sabi niya.

Sabay naming nilingon si Papa nang pumasok ito. May dala itong pizza na agad niyang inilapag sa lamesa na katapat namin ni Kylo.

"Kumain na muna kayong dalawa," sabi nito bago dumiretso sa kusina.

Tumayo naman ang kasama ko at mukhang susunod sa kay Papa.

"Tito, ayaw ko nang kasabay mag-aral si Chime..." Rinig kong sabi ni Kylo habang sinusundan si Papa.

"Aba't bakit?" Natatawang tanong ni Papa.

"Kahit linggo nag-aaral? Buong week na siyang nag-aaral, Tito. Dapat kapag weekends, nagpapahinga siya..." Sagot nito.

Humalakhak si Papa sa sinabi niya, maging si Mama na naglalaba ay narinig kong natawa rin. Napanguso na lang ako. Ilang beses niya na itong inireklamo sa akin. Dapat daw at marunong akong magchill. Marunong daw dapat akong magpahinga sa pag-aaral.

"Pag-aaral daw ang pahinga niya, Tito!" Malakas na reklamo ni Kylo.

May dala na siyang pitcher na may lamang Juice paglabas ng kusina. Mukhang nagtimpla si Papa...

"Chime, ipahinga mo naman ang mga mata mo. Kung gusto mo, gumala kayo nitong si Kylo sa mall. Mamasyal naman kayo. Kailangan niyong magpahinga kahit isang araw sa pag-aaral," sabi ni Papa.

Naguilty naman ako sa mga naririnig kong sinabi nila kaya itinabi ko na muna ang mga gamit ko. Ang gamit ni Kylo ay inayos ko na rin sa loob ng kaniyang bag. Iniiwan niya na rito ang bag niya dahil dito naman daw siya gumagawa ng assignment.

Every Sunday ang dayoff nina Mama at Papa kaya lagi kaming nagsisimba, syempre kasama si Kylo.

"Gosh! May competition pa para sa Buwan ng Wika tapos kailangan pa nating gumawa ng damit para sa fashion bash. Hindi kasi natuloy ang event last year kasi nagpalit tayo ng principal pero ngayon, itutuloy na raw..."

Sabay-sabay kaming umangal sa sinabi ng class president namin. Nabigla ako nang malaman ko na kakaiba pala ang paraan ng program nila tuwing Buwan ng Wika. Each section, kailangang magparticipate sa magaganap na Speech choir. May Spoken word poetry rin na bawat class at dapat may isang representative. Excepted ako sa dalawa dahil ako ang representative para sa fashion bash.

I was surprised when they told me about the details of that event. Ang fashion bash daw ay labanan ng mga muses (which obviously, is me). Ang mga susuotin namin ay gawa sa recycled materials. Hindi naman raw iyon pageant pero kailangan daw naming i-describe ang suot namin.

May two weeks pa kami para paghandaan ang gagawin namin. Masyado iyong bitin dahil sa rami ng gagawin namin kaya minabuti naming magplano muna ng script para sa speech choir habang ang ilan ay nags-sketch ng design para sa susuotin ko.

"You think kaya mong dalhin kung didikitan ng disks ang gown?" Tanong ni Yuna.

Marahan akong tumango. "I think so. Siguro naman hindi iyon masyadong mabigat," sagot ko.

"Madali sana ang newspaper pero I doubt na mananalo tayo kung iyon ang gamit," sabat ni Liam.

"Mabilis ding masira iyon. Baka hindi pa nakakatapak ng stage si Chime, punit na ang suot niya. Hindi ka pa ba nadadala?" Inis na tanong ni Yuna.

"No'ng grade seven, anong ginawa niyo?" Tanong ko.

Sabay-sabay nilang nilingon si Yuna. Umismid ang pangalawa saka umirap sa ere.

"I already told you na hindi ko kayang bitbitin ang gown na ginawa niyo," singhal niya.

"Gown ang pinasuot namin kay Yuna. Tapos dinikitan namin ng tansan, masyado palang mabigat..."

Ngumuso si Yuna saka ako binalingan. "Kaya nga tinatanong kita kung kaya mo iyong disk."

Tumango ako sa kaniya. They said that Yuna is the best when it comes to planning for the costume. Medyo nagduda nga lang daw sila dahil sa nangyari last year.

"Ang naisip ko kasi na design ng damit mo..."

"Chime!"

Automatikong bumaling kami ng mga kaklase ko sa tumawag. Nakita ko si Kylo na kumakaway sa pintuan ng classroom namin. May dala siyang snacks na mukhang dinala niya para sa akin.

"Oh, great! Your slave is here again," sarkastikong bulong ni Yuna.

"Wait lang, ha?"

Tumango sila. Sanay na sila sa araw-araw at maya't mayang pagsilip ni Kylo. Minsan, kinukuha niya ang tumbler ko para refill-an kahit naman may laman pa. Minsan din siyang naki-sit-in sa class namin dahil homeroom nila.

"Anong ginagawa mo rito? English subject mo, ha?" Tanong ko.

"Oo, alam ko. Dumaan lang ako kasi alam kong homeroom mo. Nagdala rin ako ng snacks..." Sabi niya.

"Thank you," sabi ko.

Kinuha ko ang isang maliit na styrofoam na mukhang burger ang laman. May hawak pa siyang cup na may lamang Maja de Blanca.

"Ubusin mo 'yan! Huwag mong bibigyan ang classmates mo," paalala niya.

Natatawa akong tumango sa kaniya. "Sige na, pumasok ka na. Makinig ka sa class mo, ha?"

"Yes, Ma'am!" Ngumiti siya saka sumaludo sa akin. "Pumasok ka na sa loob. Papasok na rin ako."

Ngumiti ako saka tumango sa kaniya. Naupo ako sa inuupuan ko bago tumingin sa kaniya at ngumiti.

"Aba! Bakit sa sahig ka nakaupo?" May kalakasang singhal niya.

"Hoy, Fortunato! Nag-aaral kami rito kaya tigilan mo 'yang panliligaw mo kay Morin!"

Nagtawanan ang mga classmates ko sa sinabi ni Gian na president namin. Namula ang pisngi ko sa sinabi niya. Ilang beses nilang pinupuna ang pag-aalaga sa akin ni Kylo. Ngunit nilinaw ko sa kanilang magkaibigan lang kami. Ayaw kong masira ang espesyal na relasyon namin kung sakaling bibigyan ko ng kahulugan ang mga ginagawa niya.

"Ayusin niyo 'yan, Gian! Hindi ko pinapadapuan ng lamok 'yan—"

"Ang daldal mo talaga! Sige na! Maghahanda ako ng red carpet para sa reyna mo!" Singhal ni Gian habang sinesenyasan siyang umalis na.

Nakangusong kumaway sa akin si Kylo bago siya tuluyang umalis ng classroom. Mabagal kong kinakain ang binili niyang pagkain habang nagb-brainstorming kami ng mga classmates ko.

"Hindi naman maipagkakailang gwapo talaga si Kylo. Actually, pinipilit siya ng teachers na ilaban sa mga pageants pero ayaw niya. He told them na magbubulakbol siya lalo kapag pinilit pa nila ito," sabi ni Gian.

"I heard galing siya sa private school, right?" Tanong ni Samantha.

"Oo! Lumipat dito second grading ng grade seven kasi masyadong matigas ang ulo. Akala nila titino rito pero nagrecruit pa ng mga tropa para may kasama siya magcutting," sagot ni Gian.

Hindi na ako nagulat sa kwento nila. Nakwento naman na sa akin ni Kylo ang tungkol sa mga ganitong bagay sa buhay niya. Mabuti nga at tumino na siya kahit papaano ngayon.

"Gusto kong Filipiana ang suot mo since Buwan naman ng Wika ang program..." Sabi ni Yuna matapos sawayin si Gian sa pagku-kwento tungkol kay Kylo. "Maghahanap tayo ng tela na hindi mabigat para kapag dinikitan na natin ng disk ang dress mo, hindi ka mahihirapan."

Nakwento ko na kay Mama ang tungkol sa gawain namin sa school. Baka kasi magkaroon kami ng biglaang overnight dahil halata namang iyon ang kailangan naming lahat.

"Saan ba tayo pwedeng mag-overnight?" Tanong ni Liam.

Iniabot sa akin ni Kylo ang tumbler ko saka naupo sa tabi ko. Pakiramdam ko kaklase na rin namin si Kylo dahil lagi siya sa aming nakasabay tuwing breaktime. Mas mga pinag-uusapan pa kasi kaming details kaya hanggang breaktime ay magkakasama kami.

"Pwede sa bahay," suhestiyon ni Kylo.

"At bakit doon? Baka kuhanin mo pa idey—"

"Hoy! Ang kapal mo, ha..." Singhal ni Kylo kay Gian. "Ni hindi ko nga pinapakialaman classmates ko sa ginagawa nila tapos kukuhanin ko idea niyo?"

"Hoy, joke lang naman 'yon! Don't tell me, naoffend ka?" Pang-aasar ni Gian sa kaniya.

"Nako! Ang sarap talaga bigwasan ng mukha mo," singhal ni Kyli habang umaambang sasapakin si Gian.

"Magrent na lang ulit tayo ng place," sabi ni Henry.

"Sa bahay na nga lang! Maraming rooms sa bahay," singhal ni Kylo.

"No, Ky. Section namin 'to baka anong sabihin ng classmates mo kapag nalaman na roon kami sa inyo ng overnight," sabi ko.

Tumango-tango ang mga classmates ko sa sinabi ko. "Oo nga! Warfreak pa naman ang ilan sa classmates mo!"

"Oh, edi after niyo mag-overnight sa bahay, sila naman! Is that a problem?" Sabi ni Kylo.

"Hindi ba magagalit Mommy mo?" Tanong ni Gian.

Umiling siya. "Bukod sa mga katiwala sa bahay, ako lang ang tao sa bahay! Magpapaalam na lang ako kay Mama. Papayag naman 'yon basta si Chime ang dahilan."

"Nako! Kulang na lang yata ay magsama kayo sa iisang bahay!" Sabi ni Gian.

Nagtawanan ang mga classmates ko, gano'n din ako. Sabado nang magdecide kami na mag-overnight sa kanila. Sa tagal naming magkakilala, hindi ko pa nakikita ang Papa niya. Busy raw kasi sa negosyo kaya gano'n. Ang kapatid niya naman na panganay ay nasa Cebu dahil may tinatayo raw silang panibagong negosyo roon. Si Tita Kayla ay nakilala ko na no'ng pumunta siya sa amin no'ng birthday ko. Totoo ngang pumayag si Tita Kayla na sa kanila kami tumuloy. Binilin niya pa sa tauhan nila na asikasuhin kami. Malawak ang garden area nina Kylo. Roon kami pumuwesto dahil may malaking solar light naman kaya malinawag doon.

"Unahin muna natin ang gown ni Chime. Para kapag may error, maayos agad..."

Pinagtulungan naming gunting-guntingin sa maliliit na bahagi ang disk na dala namin. Saglit pa akong napatigil nang maupo si Kylo sa tabi ko at may hawak na gunting.

"Tutulong ako, ha? I'm bored you know," sabi niya.

Hindi na siya naghintay pang may sumang-ayon sa sinabi niya. He indeed helped us a lot. Pati ang magdidikit sa gown ng ginupit naming disk, ginawa niya.

"Mag-iingat ka kapag sinuot mo 'to. Matalas ang disk baka masugatan ka," bulong ni Kylo sa akin.

Tumango na lang ako. Nasa kalahati na sila nang ipasukat sa akin ang gown. Sumasayad sa Bermuda grass ang gown na suot ko. Inayos ni Yuna ang laylayan ng gown sa likod saka namewang sa harapan ko.

"Mabigat?" Tanong niya.

Umiling ako. "Hindi pa naman."

Nagtawanan sila sa sagot ko. Pinagtulungan nilang hubarin sa akin ang gown. Si Kylo ay hawak ang t-shirt na suot ko para hindi ito umangat.

"Maghe-heels pa ba siya?" Nag-aalalang tanong ni Kylo nang balingan ang gown na sinisimulan na naman nilang gawin.

"Oo pero hindi masyadong mataas. 'wag kang kabahan dahil mukhang sanay si Chime rito," sabi ni Gian.

"Sa classroom niyo ako tatambay sa mismong program, ha?" Sabi niya.

"Ha? Paano ang speech choir niyo?" Tanong ko.

"Ako gumawa ng script. Iyon na ambag ko! Sinabi ko na kay Ma'am Padua 'yon," sagot niya.

"Oh, e anong gagawin mo sa room namin? Baka anong sabihin nila?" Nag-aalalang tanong ko.

Medyo hindi pa naman maganda ang relasyon namin ni Zyra na siyang president nila.

"Ano pa bang gagawin niya? Edi magpapa-alipin sa'yo!" Sabat ni Henry na nagpatawa sa aming lahat.