Kabanata 2

"Aalis ka?" Takang tanong ni Manang Celia nang makita akong nakabihis.

Tattered pants at black T-shirt lang naman ang suot ko na pinaresan ng sneakers. Rugged outfit lang kumbaga dahil sa mahabang biyahe.

"Ahh oo Manang, may pupuntahan lang akong kakilala." Sagot ko para di na siya mag-usyuso pa.

Totoo naman talaga na may pupuntahan ako, ang di niya lang alam ay si Zander ang tinutukoy kong kakilala.

"Saan naman? Tsaka bakit may dala kang bag? Magtatagal ka ba roon?" Sunod- sunod na tanong pa ni Manang na bahagyang nakakunot ang noo na animo'y naguguluhan.

"Basta Manang saka ko nalang ikukwento sayo." Tanging naging sagot ko at tuloy- tuloy ng lumabas.

Napakamot na lamang siya sa kanyang ulo habang nakasunod para ihatid ako sa labas.

"Hay naku naguguluhan ako sayong bata ka. Sinong kakilala ba kasi yan at saan?" Pangungulit niya ulit pero tinawanan ko nalang siya.

"Basta po. Tsaka babalik pa rin naman ako rito Manang. Salamat po uli sa tulong mo." Kampanteng ani ko. Napailing na lama