Kabanata 118

Pagkatapos maihatid ni Calex si Krissy at ang kanyang mommy Liezel sa isang maganda at komportableng kwarto ng resort ay kinausap din siya kaagad ng kanyang mommy ng masinsinan, na sila lang dalawa. Nasa labas sila ngayon samantalang si Krissy ay nasa kwarto na at nagpapahinga.

"Hanggang kailan mo balak ilihim sa akin ito anak?" Mahina ngunit emosyonal na tanong ni Liezel kay Calex. Sadyang dismayado ang ginang sa ginawang paglilihim ng anak.

"Mom, It was just an accident." Nakayukong sagot ni Calex sa ina.

"Aksidente man o hindi, nagbunga yung ginawa niyong kapusukan anak. So, ano ganoon na lamang yun? Wala kang balak panagutan ang magiging anak mo? Tatakbuhan mo yung responsibilidad mo kay Krissy at sa bata?" Sunod-sunod na tanong ng kanyang mommy. Napahawak pa ito sa kanyang sumasakit na sintido.

"Mom it's not like that. May balak na kasi talaga akong magpropose kay Venice bago ko pa nalaman na nagdadalang-tao yung Krissy na yun kaya isinantabi ko na muna yung tungkol sa bata." Pal