Kabanata 77

HINDI ko na kaya.

Mas lalo kong na-miss si Yevhen noong hinalikan niya ako, pero kasi . . .

Hindi ba siya galit sa akin?

Maraming beses ko siyang sinaktan, bakit hinalikan niya pa ako? Ano’ng ibig sabihin niyon?

“Balak mo ba talagang patayin ’yang atay mo, pare koy?” tawag-pansin ni Klein sa akin nang bigla na lamang siyang sumulpot sa loob ng aking kwarto.

Hindi ko namalayan na pumasok na siya rito, siguro ay dala na ng sobra kong kalasingan pati na rin ng pag-iisip ko tungkol sa aking dating asawa.

“Tama na iyan,” saway ng aking kapatid pagkatapos ay tumabi siya sa akin ng upo sa sahig at ginaya niya rin ang aking pwesto.

Isinandal niya rin ang kaniyang likod sa aking kama at saka siya tumingala sa kisame.

Ngunit sa halip na pansinin at kausapin siya ay itinaas ko lang ang bote ng alak at tinitigan iyon nang mabuti.

Ilang bote kaya ang mauubos ko ngayong gabi? Kailangan ko kasi munang malasing dahil iyon na ang nagsisilbing pampatulog ko gabi-gabi.

“Nakita kita kanina sa