Chapter 53- Do it Pan

Sa pagmamadali ni Juancho na makarating sa bahay ni Pan, hindi niya napansin ang motor na papasalubong sa kaniya.

Bigla niyang iniliko ang sasakyan niya kaya siya pa ang nabangga sa poste.

Nagtamo siya ng konting sugat, pero hindi na niya yung ininda.

Ni hindi na niya inaksayahan ng oras ang motor na huminto pa para sana tulungan siya.

"S-Sir, dalhin ko po kayo sa hospital!" Sigaw no'ng driver ng motor na muntik niyang makabanggaan.

"Si Pan. Kailangan kong mapuntahan si Pan."

Pinaharurot na niya agad ang sasakyan niya papunta sa bahay ni Pan.

Ang importante sa kaniya ngayon ay makita kung maayos lang ba ang kalagayan nito.

Samantala, si Pan naman ay nakaupo sa tabi ng anak niya at marahan niyang sinusuklayan ang buhok nito.

Hihiga na sana siya para matulog nang biglang nagring ng phone niya.

Nang tignan niya kung sino ang tumatawag, nanlaki ang mata niya nang makita ang pangalan ni Juancho.

Agad niya yung sinagot at tumayo.

"Juancho?"

Kumabog ang puso niya