Chapter 34- Pwede ba kitang makausap?

Bawat suntok ni Juancho sa mga kamay ni Dom ay katumbas ng isang baldeng pawis ni Dom.

Gusto niyang sabihin, bro sparring lang to. Dahan dahan lang.

Pero di niya mabuka ang labi niya sa takot na baka bugahan siya ni Juancho ng apoy.

Napapaatras na siya dahil lumalakas at tumitindi na ang bawat suntok ni Juancho sa kaniya.

'Sparring lang naman to diba?' tanong ni Dom sa utak niya.

Ang bilis ng mata at galaw niya, masabayan lang niya niya ang galaw ni Juancho. Takot siyang isang maling galaw niya ay baka madala siya agad sa ER.

'Katapusan ko na ba Lord?' tanong pa niya.

Kagabi, muntik ng masira ang phone niya. Hindi niya alam kung anong sinabi ni Ark para mas lalong magalit si Juancho ng ganito.

Basta alam niya sa sarili niyang delikado ang buhay niya. Dahil siya ang kasama ni Juancho ngayon, siya ang napagdidiskitahan.

"Bro tama na." Sabi niya pero parang walang narinig si Juancho. Sige pa rin ito sa pagsuntok sa kaniya.

Nasa dulo na sila ng ring.

"A-Ayoko na