Chapter 33- Crush mo si ate noh?

Galit na galit si Juancho. Pinatay niya agad ang tawag kahit hindi pa tapos si Logan sa sinasabi niya.

Pinatay niya rin ang phone niya at bumalik sa mga documents na binabasa niya. Nawalan siya ng gana, nawala ang mood niya sa nalaman niya.

“Kung ayaw mong magparamdam then huwag.”

Buong araw na wala siya sa mood. Kahit si Dom na kakabalik lang galing labas e ramdam ang itim na awra na nakapalibot kay Juancho.

‘Ano kayang problema nito?’ tanong niya sa sarili niya.

Kahit no’ng kumain sila, hindi niya matawag si Juancho dahil nagmumura nalang ito bigla na para bang may kalaban.

Napapatalon pa si Dom sa kinauupuan niya at napapa-sign of the cross minsan. Pakiramdam niya, kung magkamali siya ay katapusan na niya.

"Shit! Dom!"

Napatalon siya mula sa couch. "Y-Yes bro?" hindi niya alam bakit pati siya ay kabado.

"Maling document ang ipinasa nila. Call them to send it now. Ang tatanga!"

"Oh okay.." nagmamadali si Dom na umalis sa tabi ni Juancho nang bigla siyang tumigil.