I PAID YOU 26 - REVELATIONS

PAST MIDNIGHT na ngunit wala pa rin si Drake. Kanina pa siya pabiling-biling sa higaan ngunit hindi pa rin siya dinadalaw ng antok. Nagtataka siya kung bakit hanggang ngayon hindi pa rin ito umuwi. Kanina pa niya tinatawagan ang cellphone nito ngunit hindi nito sinasagot. Nagring pa ito kanina, ngunit ngayon out of coverage na. Hindi niya maipaliwanag kung ano ang nararamdaman niya sa mga oras na ito. Ang sabi nito kanina, susunduin siya sa opisina ngunit hindi naman nito ginawa. Pinasundo lang siya kay Tim at ito na lang ang naghatid sa kanya pauwi. Tinanong niya si Tim kung nasaan si Drake, ngunit sinagot lang siya na hindi raw nito alam. Kung si Gavin naman ang tatawagan niya at tanungin, ganun ang sagot at halata na umiiwas ito sa mga tanong niya. Naguguluhan na siya sa mga nangyayari. Naghalo na ang kaba at pag-alala niya na baka nalaman na ni Drake ang kinakatakutan niyang mangyari.

"Dii, saan ka na ba? Masyado na akong nag-alala sayo." Hindi na niya kayang bilangin kung ilang te