CHAPTER 92 - HIS PRECIOUS WIFE

Sinigurado muna ni Shane na walang nakakakita sa kanya habang paakyat ng palasyo, ayaw niya na maraming nakakakita sa kanya at baka, may nakakakilala pa at maudlot ang pinaplano niya. Nagpaturo pa siya sa isang maid, upang ihatid siya sa loob ng silid ni Rihanna at Dustin. Dahan-dahan niyang pinihit ang doorknob at sumilip sa loob. Gusto niyang magdiwang ng makita na nag-iisa lang si Rihanna habang nakahiga sa kama. Nagtataka siya, bakit wala si Dustin ngayon sa loob ng palasyo. Ngunit pabor sa kanya ito, ibig sabihin, nakiki-ayon sa kanya ang pagkakataon. Nakita niyang nakabukas ang TV ngunit mahimbing nang natutulog si Rihanna.

Hinay-hinay siyang naglakad palapit sa kama nito. Sumilay ang demonyong ngiti sa labi niya habang pinapasadahan ng tingin ang kabuuan ni Rihanna. Medyo halata na ang umbok ng tiyan nito, dahil sa manipis nitong suot na silk night dress at naabot lamang hanggang sa mapuputi nitong mga binti. Kahit natutulog, wala pa ring kapantay ang kagandahan nito, na animo