CHAPTER 91 - NURSE

Kasalukuyang nag-uusap si Teh Sheng at Shane sa Veranda ng mansyon nito ng biglang nag-ring ang telepono. Inubos munang inumin ni Shane ang Chinese tea at inilapag iyon sa maliit na mesa, bago tumayo at sinagot ang tawag.

“Hello Lady S, makinig kang mabuti,” bungad agad nito ng sagutin niya ang tawag. Nagtataka siya kung ano na naman ang plano nitong gawin, bakit naisipan nitong tawagan siya.

“Bakit, Python Queen?” tipid niyang tanong.

“Nagbago ang isip ko. Gusto kong patunayan mo sa akin ang sinabi mo noong isang araw na makakaya mong kunin ang chip mula sa kamay ni Dustin. Ngayon mo na patunayan sa akin ang kakayahan mo upang maging ganap ka ng miyembro ng Blue Python. Alamin mo rin kung kailan ang kasal nila. Nabalitaan ko ang pagpaplano ni Dustin ng engrandeng kasal para kay Rihanna.”

“Paano mo nalaman ang pagpaplano niya ng kasal?” tanong ni Shane.

“Lady S, marami akong mga mata sa paligid, at kahit wales ito, marami akong source rito. Nalaman ko na lihim na naghahanap si Dus