CHAPTER 39: The Neighbor

DAHIL SA KINASASANGKUTANG problema ni Liberty, ilang araw na siyang hindi makapasok sa kanyang trabaho. Kung sarili lamang ang iniisip niya, ay kaya niya pang pumasok. Ngunit, nang madamay ang kompanyang pinapasukan niya, siya na mismo ang nagsabi kay Charles na liliban muna hanggang sa mabigyan ng kasagutan ang kanilang problema.

May naghahanap na rin sa tatay ni Miss Rodriguez ngunit hanggang ngayon ay hindi pa rin nila ito matagpuan na lalong dumadagdag sa kanilang suspetsa.

Nakausap niya na rin nang personal si Miss Rodriguez nang magpunta siya sa presinto ngunit wala siyang nakuhang kahit na anong sagot dito.

Para sa kanya, mababaw ang rason na away lamang iyon sa trabaho dahil normal lamang iyong nangyayari.

Gusto rin siyang samahan ni Ruffa sa kanyang apartment ngunit siya na mismo ang tumanggi dahil may mahalaga itong business trip sa ibang bansa na kailangang puntahan. Sa dami ng pang-aabala niya sa kaibigan, ayaw niya na iyon dagdagan pa.

Sa dalawang araw na nakalipas ay h