CHAPTER 006 - Gonna End Up An Oldmaid

"SLUTTY, CONSERVATIVE, O NEUTRAL?"

Bagot na nilingon ni Gene ang kaibigan nang bigla na lang itong sumulpot sa entry ng workshop. Pagkalingon ay nakita niya ang hawak-hawak na tatlong magkakaibang damit ni Trini.

"I need to finish some work, Trini. Pwede bang ikaw na ang magpasiya kung ano ang damit na isusuot mo?" He growled in annoyance as he swifted his attention back to the car. May inaayos siyang piyesa sa engine at malapit na niyang matapos iyon. Kukunin ng may-ari ang sports car mamayang gabi at kailangan mahabol niya ang deadline.

"Anim na damit ang pinagpilian ko, Heneroso. Nauwi ako sa tatlo, pero hindi ako makapili kaya kailangan ko ang opinyon mo."

"Just choose the one you like most." Tutok na tutok siya sa ginagawa kaya hindi niya namalayan ang paglapit nito.

"This one's the conservative style. Turtle neck sleeveless na hanggang talampakan ang haba. Do you want to see me try?"

"I think you'd look like a conservative teacher in that. Choose something sexy pero kagalang-galang pa rin," aniya nang hindi man lang tinatapunan ng tingin ang damit. Sa paraan pa lang ng pagkaka-larawan ni Trini ay alam na niya ang itsura niyon. And he could see the color of the dress through his peripheral vision.

"So... how about this neutral style? Off shoulder at lampas tuhod ang haba. Hapit nang bahagya sa katawan ko pero hindi naman mahalay tingnan. Do you want me to fit it for you to see?"

"No need to fit, Trini. Kung gusto mo'y 'yan ang isuot mo."

Sa sinabi niya'y inis na napa-padyak si Trini sa sahig bago nito ni-hampas sa kaniya ang mga bitbit na damit. Mangha niya itong binalingan, at doon ay nakita niya ang iritasyon sa mukha nito.

"May dalaw ka na naman ba? Ano ba ang problema mo?"

"Ikaw ang nag-set up ng date na ito, at kahit ayaw kong kitain si Deewee ay pumayag ako dahil sinabi mo. Ang gusto ko lang ay tulungan mo akong pumili ng maisu-suot tapos heto ka't walang pakialam!" Napabuga ito ng hangin at inis na sumandal sa kotseng inaayos niya. Bahagya iyong umuga na sandali niyang ikina-bahala.

"Geez, lumayo ka r'yan sa ginagawa ko't baka lalong masira ang kotse." Banayad niya itong hinila sa isang braso upang paalisin sa pagkakasandal sa kotse.

"Gusto kong magsuot ng pangit na damit para ma-turn off si Deewee, pero ayaw ko namang magmukhang tanga sa ibang guests ng restaurant kaya gusto kong maging maganda kahit papaano. So, just help me choose the better-looking dress. You know what looks good on women, so I really need your opinion."

"Fine." Sandali niyang itinigil ang ginagawa saka sinulyapan ito. "Isukat mo at titingnan ko. And as you put the dress on, I'll continue working. Happy?"

Malapad na ngumiti si Trini.

"Do it quickly. Go."

Mabilis na kumilos si Trini at umalis sa kinatatayuan bitbit ang mga damit. Napa-iling siya at ibinalik ang pansin sa ginagawa. Makalipas ang ilang minuto ay napa-igtad siya nang muling marinig ang tinig ni Trini hindi kalayuan sa kaniyang likuran.

"Okay, game. Suot ko na ang neutral style."

Salubong ang mga kilay na lumingon siya. "Bakit ang bilis mong—" Then, he stopped when he realized something.

Trini never left the workshop!

She changed her outfit in front of the widely-opened entrance, not caring if somebody would see her!

Manghang nagpalipat-lipat ang kaniyang tingin sa hinubad nitong tattered maong shorts at oversized t-shirt sa sahig ng workshop, at sa suot nitong off-shoulder dress.

"What do you think you're doing, Trinidad?!"

"Susme naman, walang tao sa labas nang maghubad ako! Besides, private subdivision ito at wala pang nakatira sa katapat na bahay; sino ang makakakita sa akin?"

Mangha siyang napatitig dito, at bago pa niya napigilan ang sarili ay lumapit siya sa kaibigan, inilapag ang hawak na wrench sa portable table na nadaanan niya, saka hinila sa braso si Trini at initabi sa gilid ng roll up door upang ikubli ito roon.

"Kung gusto mong magbihis ay h'wag sa harap ng nakabukas na pinto—dito ka sa hindi ka makikita!"

Ahh, damn this woman. Minsan ay hindi na talaga niya alam kung ano ang initatakbo ng utak nito.

"Naka-cycling shorts naman ako at tube top, kaya kumalma ka."

"Kahit na." Itinaas niya ang index finger na puno ng grasa at ini-dikit sa labi ng kaibigan nang akma itong magdadahilan. "Shush-- alam mong mali ang ginawa mo."

Inis nitong tinabig ang kamay niya. "Ano ba, 'yang daliri mo naman!"

He gave her a warning look, pointing his index finger to her face. "Sundin mo ang sinabi ko. No buts."

Trini said nothing and just made a face.

Binalikan niya ang kotse saka inis na hinablot ang wrench mula sa portable table na pinag-iwanan niya. Imbes na balikan ang inaayos na piyesa ay yumuko siya sa sahig at humiga sa roller creeper at pumailalim sa sasakyan. Kailangan niyang madaliin ang pag-aayos ng engine ng kotse, pero uminit bigla ang ulo niya kay Trini kaya minabuti niyang sandaling umiwas dito sa ganoong paraan. He needed a minute or two to calm his nerves. Kadalasan ay lumalamig ang ulo niya kapag inilalayo niya ang sarili ng ilang minuto.

"Ano ba 'yan, Heneroso! Hindi mo man lang tiningnan itong suot ko!"

Humugot muna siya nang malalim na paghinga bago napilitang irolyo palabas ang creeper at sumilip mula sa ilalim ng kotse. Doon ay nagawa niyang makita ang kabuoan ng katawan ni Trini. He silently studied her dress.

Tama ito, hapit iyon sa katawan at nakikita nang malinaw ang hubog ng bewang at balakang nito sa suot. Trini was only five feet and three inches tall and she had nice curves. The dress looked alright, pero sa tingin niya'y masyadong nakaaagaw ng pansin.

"Change it," aniya bago pa niya napigilan ang sarili. "Try the conservative one for me."

"Okay." Mabilis na nahubad ni Trini ang unang damit. May inabot ito mula sa likuran ng damit hanggang sa humulagpos iyon sa katawan nito. Bumagsak ang off-shoulder dress sa sahig at doon niya nakita na totoong may suot itong cycling shorts na hanggang kalahati ng hita ang haba at padded tubed top. Kahit maghubad ito sa harap ng roll up door ay walang problema, pero kahit na. She was still a woman and she needed to act like one. Walang matinong babae ang naghuhubad at nagbibihis sa harap ng nakabukas na pinto!

Sunod na ini-suot ni Trini ang turtle neck sleeveless dress, at hindi niya napigilang lihim na matawa. Buti na lang at nasa ilalim siya ng kotse at nakasilip lang, dahil kung nasa harapan siya ni Trini ay baka sinikmuraan na siya nito.

"That looks awful—para kang pupunta sa binyag."

"See? Sabi ko na't kailangan ko ng opinyon mo." Muli nitong hinubad ang suot at nagpalit.

The next thing Trini put on was a red silky dress that sparkled in his eyes. He didn't know why, but the color attacted him. Sinundan niya ng tingin ang bawat pag-galaw ng manipis na tela habang inisusuot iyon ng kaibigan. The fabric moved as Trini did, and it looked lovely on her.

There was always something in red that makes men crazy. It was the sexiest color amongst all others. Either red or black. At dahil maputi si Trini ay bagay sa balat nito ang ganoong mga kulay. Nalipat ang kaniyang tingin mula sa damit patungo sa katawan ng kaibigan. How many times did he see here change clothes in front of him? Countless. Wala itong hiya pagdating sa kaniya. Saulado na rin niya ang mga peklat nito sa katawan, ang mga balat, ang mga nunal. Not all of them, but he could place a number for each kind. He knew she had a two inches scar just below her rib cage that she got from playing badminton back in gradeschool. She also had a scar as big as a centavo coin just behind her left knee; she burnt herself when they were camping back when they were in college. May peklat din itong kasing laki ng squash seed sa kanang binti sanhi ng bulutong, and there were more others on the rest of her body he lost count.

Trini would always complain about how flawed her skin was, pero hindi rin ito maawat sa pagsusuot ng maiiksing shorts at skirts, showing her skin off. She was confident with her body despite her complaints.

Trini was always like that, and that was one of many things he loved about her.

"Gah! I need to take these off."

Natigil siya sa pagsuri nang marinig ang sinabi ng kaibigan. Nakita niyang hinubad nito ang suot na pulang dress at ibinagsak sa sahig. At bago pa niya nahulaan ang sunod nitong gagawin ay nag-umpisa nang ibaba ni Trini ang suot na cycling shorts, leaving her black lacey panty on. Then, she turned her back on him and took off her tubed top.

Damn this woman; hindi na ginapangan ng hiya sa katawan!

Inilipat niya ang tingin sa labas ng roll up door upang siguraduhing walang darating na kliyente at abutan si Trini sa ganoong kondisyon.

"This one is a little slutty..." bulong ni Trini. Ibinalik niya ang tingin dito at nakita ang pag-dampot nito ng pulang dress sa sahig at ang muli nitong pagsuot niyon. Katulad ng ginawa niya kanina'y napamaang siya sa damit— it was a beautiful sexy dress, at kung hindi si Trini ang may suot niyon ay baka ginapangan na siya ng kilabot sa buo niyang katawan.

If a beautiful stranger would walk into the room wearing that red dress, he would probably get sweep off his feet. But this was Trini, and he couldn't look at his bestfriend the same way as—

Nahinto ang pagdaloy ng isip niya nang dahan-dahang humarap sa kaniyang direksyon si Trini. At nang makita niya ang kabuoan nito, suot-suot ang magandang damit na iyon, ay napahugot na lang siya nang malalim na paghinga.

He was... stunned.

And he couldn't find a word to describe how perfect she looked.

"This one is my fave, pero nag-aalala ako na baka masyadong OA at baka isipin ni Deewee na nilalandi ko siya."

Wala sa loob na ini-usog niya palabas ang roller creeper saka siya naupo at tinitigan ito nang diretso sa mga mata. Ilang segundo muna ang pinalipas niya bago nagsalita. "You look great in it."

"Talaga?"

He nodded and gave his best friend a gentle smile. "With the right amount of make-up and a pair of high-heel shoes, you would surely look incredible in that dress."

Satisfaction crossed Trini's face; mukhang nagustuhan nito ang sinabi niya. Yumuko ito at isa-isang dinampot ang mga damit na unang sinukat saka kinipkip ang mga iyon sa dibdib. "Okay, that settles it. Ito ang isusuot ko. Makikiligo na rin ako sa banyo mo, ha?"

"I'm surprised you even asked," tuya niya bago tumayo at hinarap ang inaayos na piyesa sa makina ng kotse.

"Remember, Heneroso, alas siete tayo aalis kaya dapat ay tapos ka na sa ginagawa mo pagdating ng alasei y media. Kailangan mo pang maligo pagkatapos no'n, so hurry up, okay?"

"Tapos ko na sana 'to kung hindi mo ako inabala, Trinidad."

He heard her giggle. "I'm leaving you alone na; ibabalik ko lang itong ibang damit sa kotse ko. Catch yah later, luv!"

He looked over his shoulder and saw Trini jumping off as she walked out of the roll up door. Napa-iling siya saka ibinalik ang pansin sa ginagawa.

"I just hope this one works out. Kung hindi na naman niya magustuhan si Deewee ay bahala na siya sa buhay niya."

Knowinng Trini, siguradong hahanapan na naman nito ng butas ang ka-date. Pupunta na naman sa kaniya at magre-reklamo.

He could see it happening already.

He could see this date turning as badly as the previous ones.

Napapailing na nagpakawala siya nang malalim na paghinga saka sinulyapan ang dalawang picture frames na nakapatong sa pinakatuktok ng shelf ng mga tools sa kanang bahagi ng workshop. Sa isang frame ay naroon ang larawan ng buo nilang pamilya kuha noong nabubuhay pa ang ama nila at kompleto pa silang magkakapatid na nakatira sa Asteria, sa isang frame naman ay noong nagtapos sila ni Trini sa high school; kasama nilang dalawa sa larawan ang mga magulang nito.

"Sorry, Uncle Tony and Tita Lanie, but your daughter is gonna end up an oldmaid."