Chapter 19

Alessia's POV

"LADY Alessia, kailangan mo pong uminom ng gamot." Saad ng isang boses nang magising ako at ramdam ko presenya nito.

Napaungol ako dahil nagising ako sa isang panaginip na tila nilalamon ako ng isang nakakahilong tubig, paikot ikot iyon at ngayon ay sumasakit ang ulo ko kahit kagigising ko lang.

Nagkasakit ba ako? Ngunit biglang pumasok naman sa aking ala-ala na ngayon na aalis sina Elijah kaya pwersahan kong minulat ang aking mga mata at akmang babangon ako ngunit hindi ko magawa. Masyadong nananghihina ang katawan ko. Masakit ang katawan ko, lalo na ang ibabang bahagi na pakiramdam ko parang sasabog iyon sa sakit.

Nakita ko si Estrebelle, medyo umiikot siya sa paningin ko. Nag-aalala ang kanyang mukha. Nahihilo pa rin ako kaya ilang beses kong ipinikit at iminulat ang aking mga mata ngunit wala pa rin nagbabago.

"Lady Alessia, huwag po kayong bumangon. Kailangan niyo pong magpahinga." Nag-aalalang saad niya sa akin habang may dala itong gamot na gusto niyang ipa-inom