8. REALIZE 2

GANI

Nakatingin ako sa babaeng sumasayaw sa entablado. Maganda at mestiza, parang si Willow, pero wala akong maramdaman na kahit ano. Muli kong itinaas ang bote ng beer sa bibig ko at tinungga ang laman niyon. Masama ang loob ko. Masakit ang ginawa sa akin ni Willow. Ngayon lang ako tinamaan ng ganito tapos ang baba lang pala ng tingin niya sa akin.

Isang milyon. Iyon pala ang halaga ko para kay Willow? Galante nga siya pero masakit sa pride ko ‘yon. Aaminin ko na ngayon lang ako nagkaroon ng isang milyon pero pakialam ko sa isang milyon, si Willow ang gusto ko. At kung nasaktan ako sa insultong binigay sa akin ni Willow ay dinagdagan pa ng Powerpuff Girls. Ang mga pinsan niyang masasamang ugali gaya niya.

Pagkatapos nila akong pilitin na samahan sila sa WEI mall, at ituro kung sino sa mga lalaki sa CCTV ang sinasabi ko na gustong gawan ng masama si Willow, ay para akong basahan na tinapak-tapakan nila sa kakaulit sabihin na kahit anong gawin ko ay hindi talaga ako magugustuhan ng