CHAPTER FIFTY-NINE

FEW months later...

"Leona ko, bakit mukhang hindi ka mapakali? Hindi ka ba natutuwang sa wakas ay nanganak na ang manugang natin?" tanong at panunukoy ni Patrick Niel sa manugang ng asawa sa pamangkin nito.

Tatlong buwan ding nasa Los Angeles California ang mga ito sa piling nila. Sa pagamutan din kung saan siya nagtrabaho noon at kasalukuyang pinagtatrabahuan ni Adams ito na-admit.

"Kung nagkataong nasa ibang pagkakataon tayo ay baka kanina ka pa lumipad na walang pakpak. Natural masaya ako para sa kanilang mag-asawa. Lalo at hindi naging maganda ang pagbubuntis ni Isadora sa pagkakataong ito. Ngunit alam mo ba kung ano ang ibinalita ng pinsan kong balo?" inis at patanong nitong tugon.

"Kaya nga ako nagtatanong, Leona ko. Dahil kanina mo pa naibaba ang telepono pero mukhang nais mo na yatang basagin. Kung nakakatunaw nga lang ang paraan nang pagtitig mo ay natunaw na iyan. Ano ba kasi ang dahilan at mukhang nanginginig ka na naman sa galit?" muli niyang tanong.

Samantalang sa mulin