Chapter 8

"Ano 'to?" Gumuhit ang matinding inis sa mukha ni Gab. Nagpalipat-lipat ang tingin n'ya sa mukha ng asawa at sa nakahaing sunog na pagkain.

"Ahm breakfast mo." Ang tamis ng ngiti ni Irish. 

"Anong klaseng pagkain?!"

"Fried rice with bacon, egg and hotdog, hindi ka ba kumakain n'yan?"

"Pagkain ang tawag mo dito?" Pinasadahan nito nang tingin ang sunog na pagkain na hindi na halos matukoy kung ano? Namumula ang mukhang tinalikuran nito ang asawa at tinungo ang sala. Nakasunod sa kan'ya si Irish.

"Sorry Gab, hindi talaga ako marunong magluto."

"Ano bang alam mo? My God, simpleng luto hindi mo kayang gawin."

"Eh, bakit ba kasi ayaw mong kumuha ng maid?" Nagkandatulis ang nguso ni Irish na lalong ikinainis ni Gab.

"Hindi ka matututo kung aasa ka sa maid! Magbihis ka!" 

Namilog ang mga mata ni Irish. "Sa labas na lang tayo kakain?"

"No! Sa opisina tayo pupunta!" Muli niyang nakita ang pagnguso nito. Pero mabilis na sumunod. Naiinis na iniligpit ni Gab ang inihain nito, lahat ng laman ng plato ay dumeretso sa trash can. 

"Let's go!" Ani Irish.

Bihis na ito at nakaplaster pa rin ang ngiti. Pinasadahan n'ya ng tingin ang ayos nito. Nakasuot ito ng knitted blouse na pinatungan ng Jumpsuit, suot na naman nito ang paborito nitong rubbershoes. Lalo itong nagmukhang bata sa ayos.

"Magpalit ka ng damit!" Ayaw n'yang magmukhang tito nito.

"Why naman, so kainis!" Maktol nito. 

"Ayaw mo?"

"Eh, sa ganito ako komportable eh!"

"Pwede ba Irish, matuto kang magdamit ng tama! Mukha kang teen-ager na papasyal sa park!"

"Alright!" 

Naiiling na sinundan n'ya ito ng tingin at nauna ng lumabas ng bahay. Mabilis naman itong nakabalik at tumabi sa ka'nya sa driver seat. Pinalitan lang nito ng mini-skirt ang pang-ibaba. 

"Irish!" 

"Hep hep...we're late!" 

Wala nang nagawa si Gab kundi paandarin ang sasakyan at pigilan ang mas matinding inis.

Nakangiting mga empleyado ang sumalubong sa kanilang mag-asawa. Ang luwang ng ngiti ni Irish habang kasabay si Gab. Kabaligtaran ng seryosong si Gab na ni hindi man lang gumaganti ng pagbati. Sanay na ang mga empleyado sa Boss dahil kilala nilang suplado ito.

Nakita ni Irish na pumuwesto na ito sa harap ng mesa, habang nanatili s'yang nakatayo.

"Hindi man lang ba tayo magbi- breakfast?" 

"Dadalhan tayo ni Alma ng matinong pagkain." Ni hindi nito tinitingnan ang asawa.

Napahalukipkip si Irish at tinungo ang sariling mesa. May sarili s'yang computer na sinimulan n'ya nang buksan. Mabilis na tinungo ang You Tube Channel at naghanap ng bagong movie ni Ji Chang-Wook, ang paboritong korean actor. Napangiti s'ya nang makitang may bago itong pelikula. Bahagya n'yang sinulyapan ang asawa na abala na sa pagtatrabaho. Nasapo n'ya ang d****b na tila pinipigilang kiligin nang ngumiti ang kan'yang idol. Sumandal s'ya sa swivel chair at komportableng nakatutok ang paningin sa pinanonood na k-drama.

"What?!" 

Muntik nang mapatalon si Irish. Hindi n'ya namalayang lumapit ang asawa at galit na nakatayo ito sa gawing likuran.

"Irish naman, nandito ka para magtrabaho hindi para magmovie marathon!" 

"Eh, hindi ko nga alam kung saan ako mag uumpisa?"

Napakamot sa ulo si Gab, pigil ang inis na tinitigan ang asawa.

"Fine!" 

Marami pa sanang gustong sabihin si Gab pero pumasok na si Alma na may dalang tray ng pagkain. Inilapag nito sa kalapit na mesa ng Boss.

"Alma, pagkatapos naming kumain paki-guide ang Ma'am Irish mo. Turuan mo s'yang matutunan ang pasikot-sikot sa kompanya." 

"Yes, Sir." 

"Sige, iwan mo na kami."

Mabilis na lumapit sa pagkain si Irish at nauna nang kumain. Sarap na sarap ito sa dalang pagkain ng sekretarya. Nang mapansing hindi pa kumakain si Gab ay tumingala ito sa asawa.

"Hindi ka kakain?" 

"Hindi na, mukhang kulang pa sayo!" Naiiritang bumalik ito sa swivel chair.

"Madami 'to ah!" Ipinagpatuloy nito ang pagkain at tila hindi na nito napapansin ang presensya ng asawa.

Pumindot sa intercom si Gab para tawagin si Alma ng makita nitong tapos nang kumain si Irish. Naiiling na sinulyapan ang asawang sinimot ang laman ng plato at bahagya pang nagtakip ng bibig nang dumighay.

"This way, Ma'am." Nakamuwestra ang kamay ni Alma habang sinasabayan si Irish sa hallway ng opisina. Isa-isa nitong ipinakita ang laman ng bawat pinto. Pero mas nagtagal sila sa HR department. 

"Ice, right?" 

"Yes, Ma'am Irish. Ang Dyosa sa departamentong ito." Umikot pa ito at kumendeng. Ang lakas ng tawa ni Irish. Mabilis na naging komportable ang mga empleyado kay Irish. Malayong-malayo ito sa asawa nitong laging seryoso at istrikto.

"Alam mo Ma'am Irish, ang gaan ng loob namin sayo." 

Walang halong-pambobola na saad ni May. 

"Ako 'din he he..." 

"Ma'am, turuan mo kayang ngumiti si Sir Gab." Humahagikgik na sabad ni Aliyah.

"Sige he he..." Parang mga High School lang sila na nagkukwentuhan. Pakiramdam ni Irish nakahanap siya ng mga bagong kaibigan sa katauhan ng mga empleyado. Ilang minuto pa s'yang nakipagkwentuhan sa mga ito bago nagpasyang bumalik sa opisina nila ni Gab. 

"Thanks, Alma." Baling n'ya sa sekretarya na dama n'yang nakuha n'ya na 'din ang loob.

"Welcome po." 

Bumungad sa kan'ya ang asawang subsob sa pagtatrabaho. Nakadama s'ya ng awa nang maalalang hindi pa ito kumakain. Nahagip nang tingin n'ya ang coffe mug sa side-table malapit rito. Ni hindi s'ya nito napansin nang kunin n'ya. Tinungo n'ya ang pantry at nagtimpla ng kape para sa asawa. 

"C-coffe..." Nginitian n'ya ito nang mag-angat ng tingin. Nagkasalubungan ang tingin nila, muli n'yang naramdaman ang pagtahip ng d****b habang nakatitig ito sa kan'ya. Inabot ni Gab ang mug, nasapo nito ang kamay n'yang nakahawak sa tasa. Muntik na s'yang mapaso ng biglang umalog ang laman nito.

"Hayaan mong si Alma ang gumawa nito." Ibinalik ni Gab ang tingin sa harap ng computer. Bakit ba tila araw-araw na gumaganda sa paningin niya ang asawa? Kahit nakakainis ito?

"Ako na ang gagawa mula ngayon."

Nagkibit-balikat lang si Gab sa tinuran ng asawa pero tila may bahagyang kilig s'yang naramdaman dahil sa narinig. Awtomatikong dinampot n'ya ang tasa at humigop. Pero mabilis n'ya 'ding naibuga. Mabuti na lamang at may malapit na trash-can sa ilalim ng mesa.

Naguguluhang lumapit si Irish.

"Anong nangyari? Are you okey?" 

"My God, Irish! Pati ba naman pagtimpla ng kape hindi mo magawa ng tama?!" Tinapunan n'ya ito ng masamang tingin.

"S-sorry..."

"Magkaka-diabetic ako sayo!" 

"Sorry, next time less sugar na promise!" 

Naiinis na muli n'ya itong tinapunan ng tingin. Ngunit matamis na ngiti ang ibinalik nito. 

"Ipagtitimpla na lang kita ulit."

"Irish, please! Huwag mo ng subukan, gusto ko pang mabuhay ng matagal."

"Alright. Nasa table lang ako ha." 

"Magtrabaho ka!" 

"Oo!" 

Pero nang makita nyang subsob na sa trabaho si Gab, mabilis n'yang binalikan ang kanina'y pinanonood na latest movie ni Ji Chang-Wook.