Chapter 10

Itinapat ni Irish ang h***d na katawan sa malakas na buhos ng tubig ng shower. Dama niya pa 'din ang mga labi ng asawa sa katawan, pilit niyang pinapatay ang init na hanggang sa mga oras na 'yun ay sariwa pa rin sa pakiramdam.

Nabitin s'ya ng bongga at hindi n'ya alam kung maiinis siya rito o hahanga sa tibay nitong makapagpigil pa para tuluyan siyang maangkin.

Sinabon n'ya ang kabuuan lalo na sa dako pa roon kung saan kagabi lang ay nagtampisaw ang asawa. Binilisan n'ya ang pagligo dahil tila sinisilaban na naman ang pakiramdam n'ya. Lahat ay bagong-bagay sa kan'ya.

Napapikit s'ya nang maalala ang bawat haplos ng asawa na naghatid sa kan'ya ng tila boltahe ng kuryente na bumubuhay ng kan'yang pagkababae. Mahihinang katok ang nagpagising ng kan'yang diwa. Mabilis s'yang nakapagbanlaw at mabilis n'yang nahila ang tuwalya at itinakip sa kahubaran.

"I-irish..." Binalot s'ya ng matinding kaba nang marinig ang boses ni Gab.

"L-lalabas na ako." Wala s'yang narinig na sagot mula rito. Lumabas na s'ya ng banyo at nakita n'yang nakatayo ito malapit sa kamang kagabi lang ay naging saksi sa mainit nilang sandali. Nakayukong dumaan siya sa tapat nito at kumuha ng damit sa closet katabi ng closet ng asawa.

"Yung n-nangyari sa'tin kagabi. . ." Atubili ito.

Pinilit n'yang bigyan ito ng matamis na ngiti tulad ng madalas n'yang gawin.

"Kalimutan na natin G-gab."

Humugot ito ng malalim na hangin at dahan-dahang lumapit, ilang pulgada mula sa kinatatayuan. Nahapit n'ya ang tuwalyang tanging nakabalot sa katawan, napasandal s'ya sa pintuan ng closet.

"G-gab..." Mabilis s'ya nitong hinapit at siniil ng h***k. Kinapos s'ya ng hangin ng bitiwan s'ya nito. Nagtatanong ang mga matang tiningnan niya ang asawa.

"Magbihis ka na baka hindi ako makapagpigil." Anas nito.

Namula s'ya nang makita kung saan ito nakatingin, sa katawang tanging maikling tuwalya lang ang nakatakip. Ngumiti ito na tuluyang nagpalusaw ng kan'yang agam-agam.

Grabe! Ang gwapo talaga ni Gab lalo na kapag nakangiti.

Gusto n'yang ulitin nito ang ginawa pero tumalikod na ito. Nagmadali s'yang nagbihis at inayos lang sandali ang sarili at sumunod na rito. Mukhang maaga itong nagising dahil bihis na ito.

Naging masigla s'ya sa opisina, mas masigla keysa dati. Unti-unti na s'yang nagma-mature sa tulong ni Gab. Hindi na s'ya masyadong nalulungkot na wala ang kan'yang yaya Meding sa tabi n'ya, nasasanay na s'yang ito ang kasama araw-araw at hindi ang kan'yang Mommy.

Pero pagdating sa opisina bumalik na naman si Gab sa pagiging seryoso. Matapos magpatawag ng meeting sa mga empleyado at i-discuss ang ilang agenda nito ay umalis ito at iniwan na s'ya nito kay Alma. Binisita nito ang patahian na nasa fourth floor.

"Naku Ma'am. . .Bakit ang galante ngayon ni Sir?" Si Charm, isa sa mga empleyado at nakapalagayang-loob n'ya mula nang magsimula s'yang maging Head ng HR department kung saan s'ya ini-assign ni Gab. Isa s'yang business partner at co-owner ng asawa pero pinag-simula s'ya nito sa mababang posisyon.

Nag-angat siya ng tingin. Komportable ang mga itong kausapin s'ya kapag wala si Gab.

"Ow?"

"Naku, Ma'am! Bumabaha ng pizza sa pantry, pinabili ni Sir Gab kay Mang Janno." Nagulat s'ya sa narinig. Kilala n'yang kuripot itong madalas pero hindi naman ito madamot at madali 'din namang lapitan. Pero hindi ito basta-basta gumagastos ng walang okasyon.

"Ang saya ni Sir today, naku Ma'am parang alam na namin." Si Ice, isa itong lay-out designer at pinaka-malapit sa kan'ya.

"Sa palagay mo, bakit aber?" Nakangiti si Irish. Halos mga kaedad n'ya na ang mga ito, matanda man sa kan'ya pero iilang taon lang ang pagitan. At masasaya namang kasama maliban na lang kapag nasa paligid si Gab. Dama niya ang takot at pagkailang ng mga ito sa Boss.

"Naka-tatlong round siguro si Sir." Humagikgik ito. Namula si Irish na lalong naging tampulan ng tukso.

"See... " Ang lakas ng tawanan at tuksuhan.

Pero nahinto ang masayang huntahan nang makitang paparating na si Gab. Nagkani-kaniyang balik ang mga ito sa pwesto. Naninibago s'ya dahil nang dumaan ito sa tapat niya, hindi ito nag-utos kundi may inilapag ito sa ibabaw na kan'yang mesa at walang lingon-likod na nilampasan s'ya sa kinauupuan. Madalas kasi, hihinto ito at mag-uutos ng kung anu-ano. Napangiti si Irish nang makita ang box ng ferrero chocolates at may munting card sa ibabaw. Palihim siyang kinilig.

"I think I'm falling in love with you. Can you be my date?" Napangiti si Irish, sinulyapan n'ya ang asawang kunwa'y abala na sa harap ng computer. Alam n'yang pasimpleng sinisilip nito ang reaksyon n'ya.

Tumayo siya at nilapitan ito. Tumingala ito, nanatili ito sa seryosong facial expression tulad ng dati.

"Nililigawan mo ba ako?" Nag-angat ito ng tingin at palihim na kinilig si Irish ng makitang tila natu-torpe ito.

"Ayaw mo ba?" Kumunot ang noo nito, tila hindi handang tanggihan kung sakali.

"Pagkatapos ng nangyari kagabi? Tinatanong mo ba ako kung gusto kita?" Pilyang ngumiti si Irish.

Namilog ang mga mata nito at napatingin sa direksiyon ng mga empleyado. Hindi naman sila maririnig pero nakikita sila mula sa division na yari sa salamin.

"Ano? Pwede ba kasi o hindi?" Malumanay pero may diin ang boses nito.

Mahinang tumawa si Irish. Sa lahat naman yata ng nanliligaw, si Gab lang yata ang galit.

"Sige na nga! Pumapayag na akong magdate tayo."

Awtomatikong tumayo ito at niyakap s'ya at mabilis na kinintalan ng h***k sa labi. Para s'yang nasa alapaap habang nasa bisig ng asawa. Pasimpleng itinulak n'ya ito palayo sa katawan.

"Sinagot na ba kita?" Pilya n'yang tanong.

"Kailangan pa ba? Pagkatapos ng nangyari kagabi?" Balik-tanong nito na naging dahilan ng pagkulay-makopa ng pisngi ng asawa. Halos matunaw s'ya sa malagkit na titig ni Gab. Dama n'ya ang pagtahip ng d****b dahil sa matinding kilig.

Nagtilian ang mga empleyado na pasimple palang nakamasid sa mag-asawa. Napatingin ang dalawa sa direksiyon ng mga empleyado na mabilis namang inayos ang mga sarili na tila walang nangyari at nakita.

Nakatitig pa rin ang gwapong boss nila sa maganda nitong asawa at halos ayaw bitiwan ang maliit nitong beywang. Kumalas si Irish mula sa pagkakayakap ng asawa. Kinilig s'ya sa isiping hindi na bata ang tingin nito sa kan'ya, kundi asawa.

"Back to work muna, Mister Gabriel Villaflor..." Iniwan n'ya ito at bumalik sa harap ng sariling computer table.

Ang sarap ng ngiti ng asawang umupo na rin sa swivel-chair at muling hinarap ang trabaho. Maghapon silang nagkakasulyapan at nagka-kangitian ni Irish. Paminsan- minsang nilalapitan ni Gab ang asawa at tinitingnan ang ginagawa nito, bigla itong naging instant personal assistant ni Irish. Naging malambing ito at hindi nagsungit maghapon.  Ang gaan ng paligid. Lumalabas at pumapasok si Alma nang hindi nila namamalayan. Maghapon 'ding kinilig ang mga empleyado nila na pasimpleng nakikiramdam sa kilig-overload na namamagitan sa dalawa. Tila ngayon lang ito nagliligawan matapos ang ilang buwan mula ng ikasal.