Chapter 65: Dinner

Napatingin si Carmela sa kanyang kapatid na humihikbi. Nagkapatawaran na sila ng kanyang kapatid na si Bernadette. Niyakap niya si Bernadette upang maramdaman nito na may kasama siya.

"Don't worry, kakausapin ko sila daddy tungkol dito. Makasarili ako, Carmela. Nakalimutan kong magpaka-ate sa'yo dahil sa letcheng si Martin." gigil na sabi ni Bernadette. Totoo naman ang sinasabi nito, para sa kanya isang malaking hadlang si Carmela sa kanilang dalawa.

"Naiintindihan ko. Nagmamahal ka lang, Bernadette. Naiintindihan ko ang nararamdaman mo." pag-aalo ni Carmela na mas lalong ikinaiyak ng kanyang kapatid.

"Ano ka ba! Pwede kang magalit sa akin. Hindi naman ako magagalit." biro ni Bernadette. Natawa tuloy si Carmela. Naglakad ito papasok sa kusina at kumuha ng tubig.

"Bernadette, para saan pa kung magagalit ako? May mangyayari ba kapag sinaktan kita o magtanim ako ng galit sa'yo. Ito na nga eh, pangarap ko na sana maging close tayo at mahalin niyo ako