"Cel, I need help!" ito ang mga katagang narinig ni Celina pagkasagot sa cellphone niya. Mukhang may suliranin si Lucy base sa tinig nito.
"Problema mo Cy?" tanong niya dito.
"Ayaw ko pag-usapan sa phone, pasok ka ng maaga please," paglalambing nito.
"Sige kita na lang tayo sa school, mag bibihis na ako," ngiting sagot niya.
Hindi niya kayang tanggihan ang bestfriend niya lalo pa at mukhang kinakailangan siya nito.
"Yey! Love you Cel, mwamwa," sabi nito bago ibaba ang tawag.
Pagkatapos magbihis ay nagtungo na si Celina sa school. Habang naglalakad sa corridor papunta sa canteen, napansin niya na parang nagbubulungan ang ilang estudyanteng nakatingin sa kanya.
Hindi niya na lang ito pinansin dahil sa pagmamadali, pero ikanagulat niya nang bigla na lang may bumato sa kanya ng kung ano.
Dali-dali siyang lumingon para tingnan kung saan ito nanggaling pero hindi niya malaman kung sino ang gumawa dahil parang nagkaroon ng kanya-kanyang mundo ang mga tao sa paligid.
Tiningnan niya kung ano iyong bagay na itinapon sa kanya, medyo nakaramdam siya ng inis nang makita ang mantsa sa kanyang uniporme at maamoy na bugok na itlog pala iyon.
Agad siyang nagtungo sa rest room para alisin ito, sakto naman nag-ring ang phone niya bago pa man siya makapasok sa loob. Tumatawag nanaman si Lucy.
"Hello!"
"Cel, nasaan ka na! I so need you right now!" sabi nito sa kabilang linya.
"Nandito na ako sa school, dadaan lang ako sa restroom, may bumato kasi sa akin ng bugok na itlog kainis," sumbong niya dito.
"What! Nakita mo kung sino gumawa, nasaan ka?" mula malungkot ay napalitan ng galit na tono ang boses ni Lucy.
"Hindi ko nakita, pero papunta ako sa C.R. malapit sa canteen," sagot niya dito.
"Iyong malapit sa Lab?" tanong nito.
"Oo."
"Sige, hintayin mo na lang ako diyan," saad ni Lucy bago putulin ang tawag.
Tumungo si Celina sa dulo ng C.R. sabay kumuha ng tissue sa isang malapit na cubicle.
Binasa niya ito ng kaunti, at gamit iyon ay pilit niyang alisin ang malagkit na likido sa kanyang uniporme. Dahil sa pagkaabala ay hindi niya napansin na may ilang babae na ang nakapalibot sa kanya.
"Look who's here!" sabi nang isa sa mga estudyante.
Doon lang natigil si Celina para tingnan ang mga ito mula sa salamin. Lima ang nakapalibot sa kanya, nakaramdam siya ng kaba dahil sa nanlilisik ang titig ng mga ito.
Sa pag-aakalang nakakaharang lang siya ay lumipat na siya ng ibang pwesto, pero bigla na lang hinatak ang kanyang braso ng isa sa mga babae at itinulak, kaya naman tumama siya sa dingding.
"Huwag mo akong tatalikudan!" sigaw ng tumulak sa kanya.
Tuluyan na siyang nabalot ng takot ng mga oras na iyon, batid niya ang galit ng mga ito sa kanya sa hindi niya malamang dahilan.
"Ano bang nakita niya sa iyo! Halata naman mas maganda ako sa iyo at mas mabango," pang aasar nito.
Nagtawanan bigla ang mga iba pang babaeng nakapalibot sa kanya. Imbes na sumagot ay mabilis na lang inayos ni Celina ang mga gamit upang makaalis na, pero mukhang hindi siya basta-basta hahayaan ng mga babae na lumabas dahil hinarangan siya ng mga ito bago makalabas ng pinto.
"Pakiusap, ayaw ko ng gulo," mahinahon niyang sagot sa lima.
"Kung ayaw mo ng gulo hindi ka sana lumalandi!" singhal naman ng isa pakaduro sa kanya.
Walang sabi-sabi ay bigla na lang siyang sinabunutan nito, ngunit hindi nagpadaig si Celina pinilit niyang lumaban at dahil sa medyo mas malakas siya ay nagawa niya itong maitulak.
"Ano bang problema niyo!?" sigaw na niya sa mga ito dahil sa magkahalong inis at takot.
"Ikaw na malandi ka, ikaw ang problema ko!" sigaw nito sa kanya sabay sugod ulit.
Hindi na hinayaan ni Celina na masabunutan siya nitong muli, pinilit niyang pigilan ang mga kamay ng babae, ngunit wala na din siya nagawa dahil pinag-tulungan na siya ng mga kasama nito.
Dalawang babae ang sumasabunot sa kanya habang hinahampas siya ng isa pa, iyong dalawa naman pilit siyang hinuhubaran.
"Malandi ka, mang aagaw," sigaw ng isa sa mga babae.
Pero pilit pa rin na lumaban si Celina sa abot ng makakaya, alam niya kasi na kung wala siyang gagawin ay lalo lang siyang makakawawa.
Sinubukan niya ring mahatak ang damit ng isang sumasabunot sa kanya habang iwinawasiwas niya naman ang isang kamay dahilan kaya nakalmot niya ang isa pa.
Lalo lang nilakasan ng mga ito ang paghatak sa kanyang buhok, sinubukan niya muling magpumiglas kaya nagawa niyang masipa ang isa sa mga ito na pilit hinahatak ang palda niya, pero dali-dali din itong tumayo at galit na galit na muling hinatak ang palda niya, kaya naman tuluyan na itong napunit.
Pinipigilan na ni Celina ang maluha, hindi siya dapat magpakita ng kahinaan ngayon, kaya naman sumigaw na lang siya para makahingi ng tulong.
"Heeeyaaa!" isang malakas na sigaw ang bumalot sa buong lugar.
Matapos noon ay bigla na lang tumalsik iyong babaeng humahatak sa palda ni Celina, lagapak ito sa sahig at napahawak sa likod dahil mukhang napuruhan iyon.
"Anong ginagawa niyo sa bestfriend ko!" galit na galit na sigaw ni Lucy mula sa likod.
Sumugod kaagad ang dalawang pang babae na bumubugbog kay Celina papunta dito. Mas nabalot siya ng takot na baka mabugbog din ang matalik na kaibigan,kaya napuno siya bigla ng lakas para magpumiglas sa pag kakahawak sa kanya ng natitira pang mga babae.
Nagawa niyang mapasubsob iyong isang nakahawak sa kanya, kaya naituon niya ang lakas para makipag buno sa taong kasalukuyang pa rin humahatak sa buhok niya.
Naroon ang tindi ng kabog ng kanyang dibdib nang makitang nakabangon ang babaeng napataob niya at papasugod nanaman muli, laking tuwa niya nang mabatid ang paa ni Lucy na tumama sa mukha nito.
Tulog ito sa sahig sa lakas ng sipa ni Lucy, kaya naman wala na siyang pag-aalinlangang gamitin ang lahat ng lakas niya sa katunggali.
Dahil sanay sa mabibigat na trabaho si Celina hindi maipagkakailang mas malakas siya, kaya naman nagawa niya matanggal ang kamay ng babaeng sumasabunot sa kanya.
Hindi siya nagatubiling suntukin ito kung kaya naman duguan lumagapak ang naturang babae sa sahig.
Puno ng pasa at galos ang katawan ni Celina matapos iyon, sira-sira na din ang damit niya at halos kitang-kita na ang kanyang panloob. Dali-daling tumakbo papunta sa kanya si Lucy nang makasigurado itong wala ng malay ang mga kalaban nila.
"Cel, okay ka lang?" sigaw nito na puno ng pag-alala.
Dito na naramdaman ni Celina ang pagod at sakit ng katawan, napaluhod na lang siya at napahagulgol, niyakap naman siya kaagad ni Lucy na tila isang inang pinapatahan ang anak.
*****
Nadatnan ni Vincent na may kaguluhan sa restroom malapit sa canteen, madami-dami na din kasi ang estudyante ang nakikiusyoso sa nasabing lugar, pero nasorpresa siya nang makitang tumatakbo si Luke papasok sa restroom ng mga babae.
"Babes!" sigaw ni Nina habang papatakbo palapit, agad nitong ipinulupot ang kamay sa braso niya nang makalapit."Anong mayroon?" tanong nito kay Vincent.
"I don't know.”
Lumapit na lang din sila para makiusyoso, kinalabit ni Nina ang isang lalaki na mukhang kanina pa nandoon.
"Kuya, anong nangyayari?" tanong ni Nina.
"Mukhang may nag-away sa C.R. ng mga babae," sagot nito.
Lahat ng nandoon ay sabay-sabay na napatingin sa pinto ng restroom nang bumukas iyon, iniluwa noon si Luke, karga-karga ng bridal style ang isang babaeng nakabalot ng tuwalya kasunod nito ay si Lucy na pilit tinatakpan ang karga ni Luke.
"Magsi-alis nga kayo sa daan!" sigaw ni Lucy sa mga taong nandoon.
Napansin ni Vincent ang mga galos ng babaeng karga ni Luke, hindi niya kailangan magtanong kung sino ang taong iyon, dahil sa mga kasama nito ay nakasisiguro siyang si Celina iyon.
Nakaramdam siya bigla ng kaba sa nakita, gusto niya malaman kung ano nangyari dito, pero hindi niya din naman magawang magtanong. Bigla na lang niyang narinig na humagikgik si Nina.
"I can't believe tototohanin nila iyon!"
"What do you mean?" Baling ni Vincent sa dalaga.
"Huh, nothing!" pilit ngiti at painosenteng sagot ni Nina.
But he knew that the girl knows something, at iyon ang nagpakulo sa kanyang dugo.
"Nina, what did you do?" matalim niyang tanong dito.
Napalunok si Nina nang mabatid ang galit sa tono ng binata. "Wala naman akong ginagawa, narinig ko lang na nagkuwe-kuwentuhan sina Sheila last week, tungkol sa plano nilang pananakot sa nililigawan ni Jordan, malay ko ba na tototohanin pala nila iyon!" sagot nito.
"Anong klaseng pananakot naman iyon?" tanong niya muli.
"Duh! Kita mo naman diba," sarkastiko nitong sagot sa kanya habang itinuturo ang papalayo na si Luke at Lucy.
Inis niya itong tinalukuran, nagmamadali siyang sumunod sa tumatakbong si Luke.
"Vince, saan ka pupunta?" takang tanong ni Nina, agad din naman itong humabol.
Naabutan ni Vincent ang mga ito sa clinic, nakita niyang yakap-yakap ni Luke si Celina, pilit itong pinapatahan sa pag-iyak.
Si Lucy naman ay kausap ang isa sa mga Professors, mukhang nagsusumbong ito dahil kunot na kunot ang mukha habang nagkuwekuwento.
Pinagmasdang mabuti ni Vincent si Celina, mula sa kinaroroonan nila ay kita niyang punong-puno ng galos at pasa ang katawan ng dalaga. Madali niya itong nakita dahil na din sa punit-punit na kasuotan nito, gulo-gulo rin ang buhok na halatang may humila doon.
Hindi niya maintindihan kung bakit bigla na lang siyang nakaramdam ng matinding galit at inis habang pinagmamasdan ang kalunos-lunos na hitsura ng dalaga.
"Oh, they look so sweet," biglang banggit ni Nina na nasa likod na pala niya.
Tsaka lang napansin ni Vincent ang pagkakayakap ni Luke sa dalaga, dikit na dikit ang mga ito sa isa't isa, nakasubsob ang mukha ni Celina sa dibdib ng kanyang kaibigan. Marahan namang hinahaplos ni Luke ang likod ni Celina habang panaka-nakang hinahalikan ang ulo nito
Lalo siyang nabalot ng galit habang pinagmamasdan ang dalawa, inis na inis niyang naikuyom ang kanyang mga palad dahil sa nararamdaman.
"Tang ina P.D.A. masyado!" napapakiskis ngipin na singhal ni Vincent sabay lakad paalis.
Tulad kanina ay agad naman bumuntot sa kanya si Nina. "Babes wait!" sigaw nito.
Pero hindi niya na ito hinintay, nagtuloy-tuloy lang siya sa paglakad ng mabilis palayo sa nakakaasiwang eksena.
*****
Umuwi ng wala sa oras si Celina dahil sa insidenteng nangyari, kahit papaano ay nasuspend at nabigyan ng warning ang mga estudyanteng nanakit sa kanya.
Nakiusap na lang siya sa kanyang ninang na sunduin siya sa kadahilanang kailangan niya din ng pamalit ng damit.
Naroon ang gulat nito at pag-aalala nang madatanan siya sa clinic. Si Lucy na ang nagpaliwanag dito ng mga nangyari, kung kaya wala na itong naging pagsalungat sa kanilang maagang pag-uwi.
Pagdating sa bahay naabutan nilang naghihintay si Melinda sa kusina.
"Lina, ano nangyari sa iyo!" Alalang sabi ni Melinda habang pinagmamasdan ang bugbog na katawan niya..
"Ayos lang ako ate Mel, huwag ka mag-alala," sagot niya dito
Pero ang totoo ay halos hindi niya na maigalaw ang isang braso dahil sa matinding sakit at kirot doon.
"Naku, ano bang klaseng mga estudyante mayroon ang eskwelahan na yan, naturingan pa naman pang mayaman," napapamaywang na pagsesermon ni Melinda.
"Shhhh, baka may makarinig sa iyo!" suway ng ninang niya dito.
Napatakip bigla si Melinda ng bibig nang mapagtanto ang dahilan noon, halatang nag-sisisi sa mga nasabi. Buti na lang at wala pa ang senyorito nila kung hindi ay sigurado nilang malalagot sila dahil sa sinabi nito.
"Hala siya, mamaya na tayo magkuwentuhan, mabuti pa kung gamutin na muna natin ang mga sugat mo!" biglang suway ng Ninang Isme niya.
"Ay, oo nga! halika na nga Lina, dahan-dahan lang!" sagot ni Melinda sabay alalay kay Celina na halatang nanghihinga pa.
Hinayaan na muna nilang maligo si Celina upang malinis ang sarili, nabigyan na din naman ito ng paunang lunas sa clinic ng eskwelahan. Matapos noon ay muli nilang nilagyan ng gamot ang mga sugat nito at hinayaan ng magpahinga ang dalaga.
Nang mapag-isa ay doon na hinayaan ni Celina na tumulo ang kanyang mga luha na kanina pa niya pinipigilan. Hindi niya alam kung bakit nangyari ang bagay na iyon, napapa-isip na lang siya kung talaga bang may mali siyang ginagawa at ganoon na lang kadaling magalit ang mga tao sa kanya.
Naalimpungatan si Celina ng gabing iyon, kumikirot kasi ang ilang tama niya katawan niya kaya naman hindi niya mainda ang sakit.Naisipan niyang iinom iyon ng gamot kaya naman bumangon na siya sa kinahihigaan. Marahan niyang kinuha ang pitsel sa lamesa, sa tabi ng kama upang magsalin ng tubig sa kanyang baso, pero wala na pala itong laman.Hindi niya na ginising ang kanyang ninang dahil ayaw niya din naman abalahin pa ito. kaya naman napilitan siyang lumabas ng kuwarto nila para kumuha ng tubig sa kusina.Madilim na ang lugar pero kahit papaano ay may nakikita naman siya dahil sa ilaw na nanggagaling mula sa labas ng bintana.Dahan-dahan ang paglakad niya papunta sa refrigerator, medyo iika-ika pa dahil na din sa bugbog ang isang hita.Matapos makapaglagay ng tubig sa dala niyang baso ay inilabas niya na ang gamot sa kanyang bulsa, medyo nanggigil pa siya sa pagbukas ng foil dahil hindi niya ito mapunit.Nanginginig pa siya sa pagkain sa tableta dahil sa pananakit ng kanyang braso, ma
Inabot ng dalawang araw ang pagpapagaling ni Celina dahil sa mga bugbog na inabot niya,kaya naman excited siya sa pagpasok ngayon.Na mimiss niya na din kasi ang mga kaibigan dahil sa tagal ng panahon na hindi sila nagkikita, gusto nga sana siyang bisitahin ng mga ito, pero nakiusap siyang huwag na lang dahil nahihiya siya at baka masita pa sila dahil na din sa nakikitira lang siya doon.Tiningnan niya muna ang kanyang bag para makasiguradong wala siyang nakalimutan, nang makasigurado ay madalian siyang humarap sa salamin para tingnan ang sarili bago dali-daling lumabas ng kwarto"Ninang aalis na po ako.""Sige Lina, ingat sa pag pasok!" paalala ng ninang niya."Opo."Masaya siyang lumabas ng bahay, mabilis pa ang kanyang mga hakbang, halatang excited na pumasok."Ano bang ginagawa mo at ang tagal tagal mo?" sita ng isang malalim at irritableng boses.Napatigil siya bigla ng marining ang boses na iyon, dahan dahan siyang tumingin sa pinanggalingan nito at laking gulat niya nang makit
Huminto sila sa isang napakalaking parke, puno ng iba’t-ibang disenyo ang harapan nito at napakaraming tao sa paligid. Mula sa kinalalagyan nila ay naaninag na ni Celina ang isang malaking roller coaster at Ferris wheel.Manghang-mangha niyang pinalilibot ang tingin sa paligid, pinagmamasdan ang ganda at laki ng lugar habang nakasunod kay Vincent. Mas lalo pa siyang napuno ng tuwa nang makita niyang bumibili ang binata ng ticket para dito."Tara na, baka gabihin pa tayo." Tuwid ang mukha ng binata habang iniaabo sa kanya ang binili nito.Walang pag-aalinlangan niya na iyong inabot at dali-daling sumunod muli sa lalake. Halos napayakap na siya sa sarili nang makapasok sila, bakas na bakas ang tamis ng kanyang ngiti at ang kakaibang ningning sa kanyang mga mata habang pinagmamasdan ang malaking nakasulat sa daanan nila na "Star City."Ito ang unang beses niyang nakapunta sa ganitong lugar, madalas ay naririnig niya lamang o napapanood ito mula sa mga patalastas noon sa telebisyon. Pero
Litong-lito na naman si Celina sa inaasal ni Vincent, akala niya sanay na siya dito pero nitong nakaraan ay parang nag-iba nanaman ito.Napapaisip na lang tuloy siya kung nagalit ba ito dahil sa ginawa niyang pagpipigil sa gusto ng binata nang pababa na sila sa sasakyan nito, pero masyado talaga siyang nagulat doon. Batid niyang normal na kay Vincent ang ganoon kaya nagawa iyon. Ngunit tila nagdulot ng kung anong bagay iyon sa kanyang pakiramdam, lalo pa at tila naukit na sa kanyang isipan ang kakaibang init at tamis ng ginawa nito na siyang nagdudulot ng kakatwang tuwa at kiliti sa kanyang pakiramdam.Lahat ng iyon ay nangyari isang buwan na ang nakakaraan, noon sinama siya nito sa amusement park, nang mga panahong iyon akala niya magiging maayos na ang pakikitungo nila sa isa't-isa ngunit kinabukasan din ay balik nanaman ito sa dati.Pero kahit papaano ay sinasabay pa din naman siya nito sa pag-pasok kapag may pagkakataon at madalang na din itong mag-utos ng kung ano-ano.Hindi siya
Halos palutang-lutang ang isip ni Celina nitong mga nakaraang linggo, hindi siya makapaniwala na talagang nagbago na si Vincent, parang isang panaginip lang ang lahat, mula sa pagiging bugnuting masungit nito ay napalitan ng mabait at maalalahanin, kung ano ang dahilan ng biglaang pagbabago nito hindi niya alam, basta ngayon masaya siya at kahit papaano ay nagkakasundo na sila."Hoy Lina, ayos ka lang ba?" biglang bati sa kanya ni Melinda.Napatingin siya dito na medyo nagulat dahil hindi niya napansin na katabi niya na pala ito."Ate ikaw pala, bakit?""Parang ang lalim ng iniisip mo, anong meron? eeeeeh iniisip mo ba kung sinong sasagutin sa mga manliligaw mo?" biro nito sa kanya."Naku ate, baka may makarinig sa iyo!" suway niya dito.Bigla siya nitong niyakap at ramdam niya ang kilig sa katawan ng kasama. "Lina, kung ako sa iyo, sasagutin ko na ang isa sa mga poging iyon! ayeee!"Umangat tuloy ang dugo sa mukha ni Celina. "Tumigil ka na nga ate, bahala ka na dito, tapos ko na huga
Pilit nilalakasan ni Celina ang loob upang manatiling nakasunod kay Lucy at yakap-yakap ang sarili, habang ito naman ay abalang hinahanap si Luke sa lupon ng mga taong masayang nagsasayaw sa pinapatugtog ng DJ.Lahat ng nandoon ay nakasuot din ng swim wear kaya medyo nakahinga ng maluwag si Celina.Ilang saglit pa ng pagsusumiksik at pagpapaikot ng tingin ay nakita na nila si Luke, todo bigay itong nakikipag sayawan sa ilang mga kababaihan na nakapalibot dito."It's pay back time!" masayang sabi ni Lucy sabay baling kay Celina ng nakangisi.Mukhang hindi napansin ni Luke ang paglapit ni Lucy at Celina dahil abalang-abala itong nakikipag bump and grind sa ilang dalaga. Halatang enjoy na enjoy si Luke habang ikinakaskas ng isang babaeng kasayaw ang likuran nito sa harapan ng binata."Looks like you're having fun brother," bating kalabit ni Lucy dito nang makalapit sila. Nanatili naman si Celina na hatak-hatak at hawak sa braso ng kaibigan."Sis you’re fi ," biglang napatigil ang masaya
Inis na inis si Vincent ng mga oras na iyon, masyadong maraming oras ang nasayang sa kanya dahil sa pag aaway nila ni Nina. Ayaw siya nito paalisin kanina para sundan sina Celina, kaya ngayon hindi niya na ito mahanap.Napakalaki ng exclusive resort na iyon, pero wala siyang magawa kung hindi ikutin ang buong lugar at magbakasakali na makita niya ito. Kumukulo ang dugo niya ngayon at gusto niya humingi ng paliwanag mula dito, kung bakit ito nagsinungaling sa kanya. Ang naaalala niya, sinabi nito na wala itong planong umalis ngayong bakasyon.Hindi niya mapigilan ang magalit ng bigla niya itong nakita sa may cottage nila, pero mas ikinagagalit niya nang maalala niya ang suot nito, kahit na mayroon itong suot na polong panlalaki halata pa rin na nakabikini lang ito, kung hindi lang biglang lumabas si Nina, marahil nahatak niya na ito pauwi. Bigla niyang naalala ang tagpo nila kanina, nabatukan niya na lang ang kanyang sarili nang maalala iyon, nakita nga pala sila nito na magkasama sa
Pabirong hinampas ni Celina ng unan si Lucy nang hindi pa din ito gumising. Kahit papaano ay nakahupa na siya mula sa dinanas kahapon, kung kaya naman heto siya at nilulubos ang pananatili nila sa lugar na iyon. Nais niyang magkaroon ng masasayang memorya kasama ang kaibigan at nais niya din matutunan kung paano maaaliw at pagaanin ang loob ng hindi kinakailangan ng ibang tao."Cy, ano ba, akala ko ba gusto mo picturan iyong pagsikat ng araw!" paalala niya dito."Yeah, five minutes pa!" tumagilid lamang si Lucy sa pagkakahiga upang umiwas."Hindi na natin iyon maabutan kung magfifive minutes ka pa, bilis na, tumayo ka na diyan!" sita dito ni Celina.Pero nanatili pa rin itong nakahilata sa higaan nila, kaya naman hindi ito tinigilan ni Celina sa pag uga, sa sobrang alog niya dito ay hindi niya napansin na umuusog na pala ito papunta sa dulo ng kama, kaya nagulat na lang siya ng bigla itong mahulog sa kama."Cy!" alala niyang sigaw habang nakahawak ang kamay sa bibig para pigilan ang t
Maagang nagising si Vincent ng araw na iyon, gusto niya ipaghanda ng almusal ang asawa kaya nag isip siya ng maari niyang ihanda.Tiningnan niya ang loob ng ref, kinuha niya ang hotdog, tocino at itlog, inihanda niya na din ang pancake mix."Oh! Senyorito, ang aga niyo pong nagising," bati sa kanya ni manang Isme.Halatang nagulat ito sa kanya dahil nasa kusina siya ng ganoon oras."Goodmorning po ninang!" nakangiti niyang saad dito habang hinahalo ang pancake mix."Ako na lang gagawa niyan." Abot nito sa bowl.Pero inilayo niya kaagad ang inihahalo bago pa man ito mahawakan ni manang Isme."I want to prepare breakfast for Celina today."Napansin ni manang Isme ang kislap sa mga mata ni Vincent kaya nginitian na lang din siya nito."Sige ho, aayusin ko na lang muna ho iyong mga labahin," pagpapaalam nito bago pumunta sa likod bahay.Isang malakas na kalabog ang biglang nagpa-alisto sa kanya, agad-agad siyang tumakbo sa pinagmulan nito at nadatnan niya ang bunso niya na nakakunot ang no
Nagulat si Vincent nang may datnan bisita sa may sala pakauwi niya mula sa eskwelahan."Hi, good afternoon," ngiting bati ng babae sa kanya.Napakunot na lang siya ng noo dito."who're you?" may tono ng angas ang pakasabi niya noon.Pinagmasdan niya ang babaeng naka brown na pencil skirt at coat. Medyo nagmukha lang itong matured dahil sa pagkaka-bun ng buhok at pagsusuot ng salamin, pero tantsa niya na ilang taon lang ang tanda nito sa kanya."Hi, I'm Cecille. You're Vincent right?" magiliw nitong sambit sabay tayo upang makipagkamay sa kanya.Inabot na lamang niya ang iniaalok nitong kamay, hindi niya kilala ang babae pero maaaring isa nanaman ito sa mga pakana ng daddy niya para makuha ang gusto nito."I'm going to be your new tutor," pagpapaalam nito.Doon na kumunot ang noo ni Vincent."Who the hell told you I need a tutor!" hindi niya mapigilang maasar dito."I did!" biglang pasok ng daddy niya. "Your grades have been failing Vincent! And I think Cecille here well be of help to yo
Naburang parang bula ang mga agam-agam ni Celina, wala na ang sama ng loob na matagal ng nagpapahirap sa kanya, maikukumpara siya ngayon sa isang ibong nakawala sa hawla."Lucien! Come back here!" alingawngaw ng boses ni Vincent mula sa labas.Nakita na lang niyang tumatakbo ang panganay nila na walang pang-itaas, kunot na kunot ang noo at nakabusangot pa."No! I don't want to wear that" galit na balik ng bata sa ama.Ilang sandali lang ay nakita niyang humahabol na si Vincent dito, dala-dala ang ilang polo ng bata, napansin niyang hinahanap nito kung saan nagtungo ang anak nila, subalit siya ang nabalingan ng mga mata nito. Agad na lang itong tumungo sa kanya."Babe, where did he go?" Namamaluktot na ang labi ni Vincent at humahangos pa habang sinilipang ilang mga pwedeng taguan nito sa silid.Kita niya ang pagod sa mukha ng asawa, ito na kasi ang nagprisinta na mag alaga sa mga bata simula nang magkaayos sila dahil ayaw nitong napapagod siya. Kukuha sana ito ng yaya para sa mga bata
(FLASHBACK)Medyo kumalma na siya nang siguraduhin ni Celina na ayos lang ito, biglang nag-ring ang kanayng cellphone, medyo nakakaramdam na siya ng pagkairita nang makitang si Nina nanaman ang tumatawag, nakakailang tawag na ito sa kanya kung kaya naman tila nauubos na ang pasensya niya dito. Dali-dali na lang niya itong sinagot upang alamin kung ano nanaman ang kailangan."What!" inis niyang sagot."Vincent naman, please. Kailangan ko talaga ng model ngayon. Promise, hindi na ko ulit hihingi ng favor sa iyo!" pagmamakaawa nito."What. No! I told you ," Napapakiskis ngipin niyang saad.Hindi na niya natapos ang sasabihin dahil bigla nanaman itong nagsalita."Let's make a deal! If you do this one favor for me, I promise you, tutulungan kita with your proposal sa mga Valtimore," pang eenganyo nito sa kanya.Napaisip siya bigla sa sinabi ng babae, malaking bagay ang inaalok nito sa kadahilanan kailangan niya ang tulong ng mga Valtimore para sa kanyang plano, subalit nag-aalala siya sa k
Hindi mapigilan ni Celina ang umiyak habang pinagmamasdan si Vincent at Lucien, nahihirapan siyang makitang nasasaktan ang mga anak, pero bumalik sa kanya lahat ng masamang alaala ng nakaraan ng sugudin siya ni Nina.Kahit hindi niya ginusto ay hindi niya napigilan ang sarili na ilabas ang lahat ng sama ng loob kay Vincent, lalo na at hindi nito nagawa ang ipinangako sa kanya na wala ng mangyayaring masama sa kanila.Isa lang naman ang naiisip niyang dahilan kung bakit siya sinugod ni Nina, iyon ay dahil may namamagitan pa din sa dalawa hanggang ngayon. Alam niya naman na ito ang nauna kay Vincent at pangalawa lang siya.Nandoon din ang katotohanan na binabalikan pa din ito ni Vincent noon, kahit na ibinibigay niya dito ang lahat.Pakiramdam niya hindi siya sapat para kay Vincent, kaya naisip niya na hindi malayong ganoon pa din ang ginagawa ng dalawa hanggang ngayon. Napagtanto niya iyon dahil na din sa nakita nilang tagpo noon nakaraan sa hotel na malapit sa mall nang mahuli ang dal
Todo pagpapahinahon ang ginagawa ngayon ni Vincent sa kanyang sarili, pansin niya na wala sa tamang pag iisip si Nina ngayon, kaya kailangan niyang masiguradong ligtas si Lucien bago gumawa ng kahit anong hakbang.Seryoso at puno ng awtoridad ang tindig ni Vincent nang magsimula siyang maglakad patungo sa condo ni Nina, tatlong katok ang ginawa niya sa pintuan nito, ilang sandali lang at nadinig niya na sa kabila ang mga nagmamadaling yabag ng babae."Vincent, kanina pa kita hinihintay," masaya nitong bati.Kita niya ang abot tenga nitong ngiti sa kanya, kahit na ganoon ay galit lang ang nadadama niya para dito ngayon, ikinuyom niya na lang ang palad para kontrolin ang sarili.Walang alin-langan pumasok si Vincent sa loob, subalit alerto siya sa kilos ng babae. "Where's my son?" walang emosyon ang tono niya nang magsalita."He's in the room," sagot nito sabay turo sa naturang silid.Mabilis pa sa alas kuwatro na tinungo niya ang kuwarto nito, nadatnan niya ang tulog na tulog na si Luc
"Celina, please open your eyes, please," pagmamakaawa niya habang humahabol sa kinalalagyan nito.Kasalukuyan itong itinatakbo papasok sa emergency room. Napatigil na lang siya nang biglang may humarang sa kanyang mga nurse."Sir, dito na lang po kayo, hindi po kayo pwede sa loob," saad sa kanya ng babaeng nurse."What do you mean? I'm her husband!" galit niyang sagot dito subalit hindi pa din siya pinadaan.Tuluyan ng nagwala si Vincent doon dahil sa pagpupumilit na pumasok ng emergency room. Natigil lang ito nang madama ang isang pamilyar na kamay sa balikat."Ijo, that's enough," mahinahong pag aawat nito sa kanya."Pero grandpa, si Celina! Iyong baby namin," humahagulgol niyang sambit dito habang mahigpit siya nitong inaakap."Don't worry, she's strong, just think positive" pagpapalakas loob ng kanyang lolo habang tinatapik ang kanyang likod..Ilang sandali lang ay huminahon na din siya, subalit hindi pa din mawala ang pangamba sa kanyang isip dahil sa kalagayan ni Celina, taimtim
Masayang naglalaro ng buhangin si Celina at Lucien sa dalampasigan, pabalik-balik ang panganay niya sa dagat para kumuha ng tubig para sa kastilyong buhangin na ginagawa nila, habang masaya naman nagtatampisaw si Vincent at Leon sa mga alon ng dagat."Lina, pwede ng kumain" sabi ng ninang niya pagkakita sa kanila."Sige po ninang, tatawagin ko na po sila," sagot niya habang tumatayo at ipinapagpag ang buhangin na nagkalat sa kanyang paa.Tinungo niya ang mag-ama niya na tuwang-tuwang naglalaro sa tubig, habang patakbo naman nagtungo ang panganay niya sa mga ito, tumalon ito paakap sa paanan ni Vincent habang nilalaro nito ang kapatid ng bata."Daddy! Kain na daw!" masaya nitong pagpapaalam sa ama.Mabilis na nag-unahan ang magkapatid nang magsimulang maglakad ang ama nila, patakbo ang mga itong tumungo sa cottage, sumunod naman siya dito, pero napatigil siya ng mahabol siya ng asawa, mabilisan nitong ipinulupot ang kamay sa kanyang baywang sabay halik sa kanyang pisngi."Aren't you ha
"Celina, hinahanap ka ni boss," tarantang saad ng isa sa mga kaopisina niya."Huh? Bakit daw?" taka niyang tanong."Hindi ko alam, pero sa tingin ko importante iyon," balisa pa din saad nito.Mabilis niyang tinungo ang opisina ng kanyang bagong manager, naabutan niya itong hindi magkandaugaga sa mga papel na pinipirmahan at pinagpapawisan."Mi...Miss Manuel pi..pinapatawag ka sa taas ni boss," takot na takot na saad ng lalake.Napakunot na lang siya ng noo, alam niyang wala naman katuturan kung pupunta siya doon."Pasensya na po, pakisabi na lang sa kanya madami akong ginagawa," walang kaabog-abog niyang sagot."Mi...Miss Manuel please, if you don't go, I'm going to lose my job," pagmamakaawa nito.Napabuntong hininga na lang siya sa sinabi nito, hindi niya naman gustong maging dahilang muli ng pagkawala ng trabaho ng isa nanaman tao kaya nagtungo na lang siya sa opisina ni Vincent kahit labag sa loob niya.Nabalot ng pagtataka ang hitsura niya nang mapansin may mangilan-ngilan na tao