Chapter 82

Parehas kaming nagulat ng isang malakas na busina ang kumuha sa aming atensyon. Napatili ako ng muntikan na kaming bumangga sa isang malaking truck. Naging mabilis ang pagkabig ni Ellaine sa manibela para maiwasan ang truck dahil doon ay inalis niya ang pagkakatutok ng baril sa akin. Napakapit naman ako sa upuan at bintana dahil sa lakas ng pagkakaliko.

Nakakuha naman ako ng tiyempo. Hindi na ako nagkapag isip ng matino, ang gusto ko lang kung sakaling mamatay ako ngayon lumaban ako at may ginawa. Mabilis akong lumapit kay Ellaine at inagaw ang baril na hawak niya.

“Shit! Bitawan mo akong babae ka!” Naging malikot ang sasakyan namin at puro busina ng mga nakakasalubong namin na sasakyan ang maririnig.

“Hindi ba't sabi mo kanina, magsama tayo sa empyerno? then see you in hell, Ellaine!” Kinabig ko ang manibela sa kanan at tumama iyon sa poste. Dahil sa lakas ng impact ay napunta ang kalahati ng katawan ko sa unahan at tumama sa dashboard ang ulo ko. Habang si Ellaine