Extra Chapter 2 James’ POV (Before Chapter 58)

“CRYSTAL! BWISIT ka talaga! Bakit ba palagi mong ginugulo ang mga gamit ko rito?! Talo mo pa si Blue kung maghalungkat!”

“Aba’t—! Hoy, Hija, ikukumpara mo na lang ang diyosang kagaya ko, sa aso pa! Gusto mong makalbo? Akong gagawa para sa iyo!”

My everyday with these two ladies is as loud as a disco bar. Buti at soundproof ang buong kwarto, sila-sila lang ang nakakarinig ng batuhan nila ng salita na wala namang kwenta. Mga isip-bata na nga, warfreak, at ang lalakas pa ng boses na animo’y mga tindera sa palengke.

Isang taon na rin mula nang samahan niya si Elle dahil walang John sa tabi nito, at nagsisimula nang mapagod ang tainga ko sa dalawang ito.

“Pwede ba, hinaan niyo ang boses niyo. Natutulog si Raizel.” Saway ko sa kanila.

Hapon na at naisipan kong magluto na ng makakain. May sabaw para sa pagpapadede ni Elle. Palagi akong humihingi ng advice kay Mom kung paano ko maalagaan ang kapatid ko.