Chapter 33 The Past

TANGHALING TAPAT, nagkasundo kaming magkakaibigan na maglaro ng basketball at magkita-kita ng alas dos ng hapon. Kahit nasa edad na ako ay tumakas pa rin ako sa bahay dahil sesermunan na naman ako ng nanay ko. Makakarinig na naman ako na puro ako basketball, mag-aral naman ako.

Sabado ngayon at hindi oras ng pag-aaral!

Pumunta na ako sa court. May bubong naman ito. Presko rin dahil mapuno sa likod ng maliit na stage at hinaharangan lang ng barbwires. Halos tumawid na nga sa kabilang side ang mga gumagapang na ligaw na damo sa barbwire dahil hindi naman pinapupuntahan ang area na iyon. For the green environment na programa ng mayor ng Orlyn City.

Nakaupo ako sa stage habang pinapaikot sa daliri ko ang bola at naghihintay sa mga kaibigan ko. Ang unang dumating ay ang wala man lang kabuhay-buhay na si Brian. Nabigla pa siya nang makita ako.

Nakasuot ito ng kulay puting polo-shirt na nakasara lahat ng butones, at maluwa