Chapter 105.4

Kasalukuyan kaming nagbabyahe papunta sa hospitlal para bisitahin ang ama ni Travis. Kasama ko si Mary at John, nagpupumilit pa kasing itong sumama kahit sinabi ko namang ako na lang ang pupunta. In case kasi raw na baka awayin ako ni Emery roon, may kakampi ako.

“Okay ka lang ba?” tanong ni Mary habang hinawakan ang aking kamay na nanginging. Napatingin ako sa kaniya, hindi ko namalayang nanginginig na pala ako dahil sa kaba.

“Kinakabahan ako.” pagsasabi ko ng totoo sa kaniya.

“Gusto mo bang umuwi na lang muna tayo?”  tanong niya sa akin na ikinailing ko.

“H-Hindi puwede malapit na rin tayo. Okay lang ako,” saad ko sa kaniya.

Rinig ko ang pagbuntong hininga nito.

“Oh sige, basta narito lang kami kapag kailangan mo ng tulong,” saad nito sa akin.

Ilang minuto lang ang nakalipas ay agad kaming napahinto sa isang hospital where tito admitted.

“Tara na, Sofia,” saad ni Mary sa akin. Hindi ko namalayang nasa labas na pala sila at hinihintay na ako.