Chapter 6

"Anong nangyari sa'yo bess?" Takang tanong sakin ni Kelly ng makita ako nitong tumatakbo papalapit sa kanya. 

"May humahabol ba sa'yo?" dagdag na tanong nito.

Agad akong umupo sa katabing silya na inuupuan niya.

Sunod sunod na pag iling pa ang ginawa ko at mabilis na kinuha ang baso ng pinneapple juice at ininom ko iyon.

"Wa-wala."

"Wala? Eh parang hinabol ka ng aso sa sobrang bilis ng takbo mo. Anong nangyari? Nakakita ka ba ng multo sa banyo?"  kunot noo pa ring tanong nito sa'kin.

Jusko... Hindi multo ang nakita ko sa banyo kung alam mo lang Kelly. 

Gusto kong sabihin sa kanya 'yon pero pinigilan ko ang sarili ko dahil panigurado matatalakan ako nito.

"Huminga ka nga muna." aniya.

Agad din naman akong nag palinga linga sa paligid at nag aalala na baka nasundan ako ng lalaki kanina sa banyo. Panigurado lagot ako non sa kanya.

"Okay ka lang ba talaga bess?" 

Dinig kong tanong sa'kin ni Kelly habang gumagala pa rin ang paningin ko sa loob ng foodcourt.

Pag baling ko ng tingin sa bandang kaliwa ko ay saka ko naman nakita ang lalaki.

Palinga linga rin ito at hinahanap ako.

Dahil sa kaba at takot ko na makikita ako nito ay agad akong napayuko sa upuan at nag sumiksik sa ilalim ng lamesa.

"Hoy! Ano bang nangyayari sa'yo? Anong ginagawa mo diyan bess?" Naguguluhang tanong sa'kin ni Kelly.

"Shhhh. Wag kang maingay diyan. Wag kang makulit." saway ko dito at bahagya pang sumilip sa gilid ng lamesa upang tignan kung naroon pa ang lalaki.

"Dev---"

"Teka lang... Wag ka munang maingay." saad ko dito at muling tinignan ang kinaroroonan ng lalaki pero wala na ito roon.

Dahan dahan akong umangat at muling iginala ang paningin sa paligid.

Saka lang ako nakahinga ng maluwag ng hindi ko na makita ang lalaki.

Kunot ang noo at halos mapag isang linya na ang kilay ni Kelly ng balingan ko ito.

"Hehe." Ngumiti ako sa kanya.

"Tss. Para kang ewan bess. Siguro napuno na ng hangin ang utak mo dahil sa kakangiti mo kanina. At isama pa na nalipasan ka na ng gutom mo. Lika na nga at kumain na tayo." aniya at nag simula ng kumain.

Habang kumakain ay hindi pa rin matahimik ang utak ko.

Kahit anong saway ko sa sarili ko ay paulit ulit pa ring lumilitaw sa utak ko ang nakita ko kanina sa banyo.

Kahit pilit kong ibinabaling sa iba ang isip ko... bumabalik pa rin siya doon.

Alam kong namumula ngayon ang mukha ko dahil ramdam ko ang pag iinit nito.

"Ang laki..."

"Ha? Anong malaki bess?" Agad akong napatingin kay Kelly ng madinig ko ang tanong nito.

"Ha? May sinabi ba ako?" Naguguluhang tanong ko din sa kanya.

"Sabi mo 'ang laki' malaki ang alin ba?" 

Hala!

Mababaliw na ata ako nito.

Ano bang nangyayari sa'kin at hindi na maalis alis sa utak ko 'yon?

"Yong hot dog malaki..." lumulutang na saad ko habang nakatulalang nakatingin sa batang kumakain ng footlong. 

Agad na napatingin din si Kelly sa direksyon ng bata pag kuwa'y kunot noong binalingan ako.

"Haist. Devee Oliveros." saad nito at nag patuloy na sa pag kain at binaliwala na lamang ako.

Hanggang sa matapos na kaming kumain at mag pasyang bumalik na sa school namin.

Pakiramdam ko lutang na lutang ako. Sa buong mag hapon na klase kasi namin ay wala ako sa sarili. Ramdam ko talaga na ang lakas ng epekto sa'kin ng Jumbo Hot dog na 'yon.

Hindi ako maka concentrate sa liksyon namin.

Hanggang sa mag uwian na kami hindi pa rin matahimik ang utak at imahinasyon ko.

"Oy! Mare. Kanina pa kita tinatawag 'di mo naman ata ako nadidinig." Ang maarteng boses ni Awra ang nagpabalik sa sarili ko ng lapitan ako nito.

"Tatanga ka na lang ba diyan sa labas ng bahay mo? Umaabon na oh." anang bakla at pinasukob ako sa payong niya.

"Ha? Ah... Eh..."

"Pinabibigay pala ni baby Keiedrian ko... Nakakaasar ka. Ikaw talaga ang binigyan ng pasalubong at hindi manlang ako." reklamo ng bakla at iniabot sa'kin ang isang plastik na may lamang Durian. Malamang at galing iyon sa Davao dahil sa pag kakaalam ko ay umalis ito kahapon papuntang Davao kasama ang mama niya.

"Ha? Bakit nag bigay pa?"

"Chossey pa mars? Ayaw mo? Akin na lang..."

"Sa'yo na. Hindi naman ako mahilig diyan eh.," saad ko dito t'saka binuksan ang gate ng apartment ko. Sumunod pa ito sa'kin ng mag lakad ako palapit sa pinto.

"Sure mare?"

"Oo. Hindi naman ako nakain niyan eh. Sa'yo na."

Saad ko dito habang ipinapasok ko ang susi sa keyhole.

"Salamat..." nakangiting malandi pa ang bakla. "Makakain ko na rin ang durian ni baby Keiedrian ko. Siya sige at mauuna na ako. Salamat uli."

"Welcome."

Saad ko dito bago tuluyan ng pumasok sa loob ng apartment ko.

Inilapag ko ang bag ko sa ibabaw ng lamesa t'saka pabagsak na umupo sa mahabang sofa. Pakiramdam ko talaga ay napakahaba ng mag hapon ko ngayon.

Napakahina ng usad ng oras...

Nakakatamad.

Pumikit ako para sana umidlip muna tutal at maaga pa naman. Mamaya na lang ako mag bibihis at kakain, medyo busog pa din naman ako dahil sa kinain namin ni Kelly sa mall.

'You want my hot dog baby?'

Agad akong napamulat ng mga mata ng makita ko sa utak ko ang imahe ng lalaking iyon habang nakahubadbaro.

Wala ni isang saplot sa katawan at nag sasayaw sa harapan ko habang tuwang tuwa naman akong nakaupo sa isang silya.

'You can touch me where ever you want... Even my hot---'

"Ahhhhhh... Inay. Itay. Patawad po. Hindi ko naman po sinasadya eh." Pag susumigaw ko habang sinasabunutan ko ang sarili ko.

Hindi ko alam kung paano ang gagawin upang mawala iyon sa isip ko.

Kahit anong gawin ko.

Nag soundtrip na ako. Nanuod ng palabas. Nag basa ng mga kumiks. Wala pa ring nangyayari. Yon talaga ang nakikita ko.

Kahit antok na antok na ako at inabot na ako ng hating gabi ay hindi ko magawang pumikit ng mga mata. 

Hanggang sa mag pasado alas tres na ng madaling araw.

Hindi ko alam kung paano akong nakatulog.

Basta kinabukasan ay napabalikwas na lamang ako ng bangon ng madinig ko ang tunog ng alarm clock ko.

"Devee... Bess buksan mo ang pinto." agad akong napalingon sa pinto ng madinig ko ang boses ni Kelly. Sa sala na din pala ako nakatulog kagabi.

"Bess..."

"Oo na. Nandiyan na." inaantok pa akong nag lakad papalapit sa pinto para pag buksan ito.

"Ang ingay mo. Kay aga aga nangbubulabog ka na." 

"Anong kay aga aga? Alas dyes na. Kaya nga pinuntahan kita rito dahil nag aalala ako sa'yo. Baka kako may sakit ka kaya 'di ka naka pasok." 

Kunot noo naman akong napatitig sa kanya.

Alas dyes na? 10am na?

"Ha? Alas dyes na?"

"Opo mahal na señorita. Absent ka sa morning subjects na'tin." 

Nanglulumo at naiinis na napaupo na lamang ako sa sofa ng maisip ko ang mga nangyari sa'kin kagabi.

Kasalanan kasi 'yon ng 'Hot Dog' eh. Kung bakit kasi ayaw mag patulog. Hiast.

Ang sarap isumpa ng lalaking iyon.

"Ano bang nangyayari sa'yo bess? Kahapon ka pa ganyan." nag tatakang tanong sa'kin ni Kelly.

"Tss. Wala. Teka at maliligo lang ako. Sabay na tayong pumasok sa school." saad ko na lang rito at tumayo na sa sofa upang mag tungo sa banyo at maligo.