"So, everything is settled? Wala na bang kailangan gawin o bilhin pa kaya?" wika ni Brix habang nakatitig ito sa screen ng kanyang laptop. Ipinakita niya kasi sa binata ang mga detalyeng pinadala sa kanya ni Masha para sa birthday party ni Darlene. Those were the balloon designs, logo para sa ilalagay sa makeshift stage, designs ng invitations at iba pa.Hindi umimik si Jossa. Narinig niya namang nagsalita si Brix pero hindi siya sumagot. Okupado kasi ng ibang bagay ang kanyang isipan."Jossa, nakikinig ka ba sa akin?" untag ni Brix sa kanya. "May problema ba?""Kailan ba ako nawalan ng problema, Brix?" balik-tanong niya, pabiro pa ang pagkakasabi niyon."Tell me, tungkol na naman ba sa kanya?" usisa pa nito. Hindi man nito pangalan ay alam ni Jossa kung sino ang tinutukoy ng binata. "Ang sabi mo'y nagkita na kayo ulit, hindi ba? He's occupying your mind again?""Remember Masha, the event coordinator? Kasintahan siya ni Lemuel, Brix. Nang magkita kami nang isang araw, si Lemuel mismo
Matamang pinagmasdan ni Lemuel ang anak ni Jossa. Nakatayo lang ito sa may waiting area at halos magkandahaba pa ang leeg sa pagtanaw sa labas ng gate. Malamang na naghihintay na ito ng sundo. Sinulyapan pa ni Lemuel ang relong suot niya. Maaga pa para sa uwian ng mga bata kaya hindi niya pa maiwasang magtaka kung bakit nagsilabasan na ang mga estudyante.Out of curiosity, he walked towards Jossa's daughter. Hindi niya pa maiwasang matamang pagmasdan ang bata. She's wearing a school uniform. She looked neat and prim and proper. Halos parehong-pareho ito ni Jossa kung tumindig.Tumikhim si Lemuel, sadyang intensiyong kunin ang pansin ng bata. Waring naging alerto naman ito at marahas na napalingon sa kanya. Sa una ay pagtataka ang rumihestro sa mukha nito. Iniisip marahil nito kung sino siya. Until moments later, recognition mirrored in her eyes. Hindi mahirap hulaan na naalala nito ang gabing iyon sa may restaurant."I know you," wika nito. "Ikaw ho ang lalaking bumunggo sa akin sa ma
Hindi na mabilang ni Masha kung ilang beses na niyang sinubukang tawagan ang numero ni Lemuel. Katunayan ay kagabi niya pa iyon ginagawa ngunit hindi man lang sumasagot ang binata. Ilang araw niya na ring hindi nakikita ang kanyang kasintahan. Hindi niya alam kung ano ba ang pinagkakaabalahan nito maliban sa mga gawain sa pag-aaring shop. Nang huli kasi silang nagkausap sa cell phone ay may importante lang daw itong aasikasuhin.And it was so unusual for him not to tell her what he's doing. Basta ang sinabi lang ni Lemuel ay may kailangan lang daw itong alamin. Kung ano man iyon ay hindi na nito sinabi sa kanya. Hindi niya maiwasang manibago. Kahit gaano kasi ito kaabala sa shop at siya naman sa kanyang trabaho ay hindi maaaring hindi sila magkita. Ngayon lang nangyari na inabot ng ilang araw na hindi sila nagkakausap nang personal.Sinubukan rin ni Masha na puntahan ang shop ni Lemuel pero ayon sa empleyadong nakausap niya ay hindi pumapasok ang kanyang kasintahan. Pupunta lang daw i
Agad na iginala ni Jossa ang kanyang paningin sa kabuuan ng bahay na nasa harapan niya. It was a simple townhouse na sa hinuha niya ay kasinglaki lamang ng apartment na tinitirhan nila ni Lianna. Moderno ang disenyo niyon at tamang-tama lamang ang laki para sa isang pamilya.Napalingon siya kay Lemuel. Kapwa pa rin sila nasa loob ng sasakyan nito at halos hindi nagkikibuan. Seryoso ang ekspresyon ng mukha ng binata habang sa harap ng sasakyan nakatuon ang mga mata. Kung bakit doon nito inihinto ang sasakyan ay hindi niya alam. Ni wala din siyang ideya kung kanino ang bahay na nasa harapan nila.Mula nga sa eskuwelahang pinapasukan ng kanyang anak ay natagpuan na lamang ni Jossa ang kanyang sariling sumama sa binata. Hindi niya maipaliwanag ang kabang naramdaman nang banggitin nitong tungkol kay Lianna ang pag-uusapan nilang dalawa. Una nang nasabi ni Lemuel na nakausap nito ang kanyang anak. May alam na ba ito kung sino ito sa buhay ni Lianna?"W-Why are we here? K-Kanino... Kaninong
Halos mapasinghap si Jossa nang lumapat ang mga labi ni Lemuel sa kanya. Hindi niya inaasahang gagawin iyon ng binata. Hawak nito ang kanyang batok dahilan para hindi niya maiiwas dito ang kanyang mukha. Ang isang kamay naman nito ay nakatukod sa kinauupuan niyang sofa na wari bang doon kumukuha ng balanse.Mariin ang halik na iginawad sa kanya ni Lemuel. Hindi siya agad nakakilos at aaminin ni Jossa na nakadagdag sa panghihina ng kanyang mga tuhod ang pagdampi ng labi nito sa kanya. She was trembling while they were talking a minute ago and that doubled because of the kiss that after ten years, she has experienced again.Yes, ten years.... Walang sino mang lalaki ang pinahintulutan niyang gawin ang mga bagay na tanging si Lemuel pa lamang ang nakagawa sa kanya.Slowly, she closed her eyes. May ilang butil pa ng luha ang tumakas mula sa kanyang mga mata ngunit hindi na iyon pag-iyak dahil sa pagkakaalala ng mga nangyari noon. Luha na iyon na dulot ng labis na pangungulila niya sa lala
Marahang napalingon si Jossa nang maramdaman niya ang paglapit ni Brix. Bitbit nito ang isang basong tubig na agad nitong inilapag sa ibabaw ng center table. Narinig niya pa nang mapabuntong-hininga ang kaibigan niya bago ito nagsalita."Uminom ka muna, Jossa, para kumalma ka," wika nito sa banayad na tinig.Sinunod niya ang sinabi ng binata. Uminom siya mula sa basong ibinigay nito saka iyon muling inilapag sa ibabaw ng mesa. "S-Salamat," halos pabulong niyang saad.Ilang minuto matapos niyang tawagan si Brix ay dumating ito upang sunduin siya. Agad pang rumihestro ang pag-aalala sa mukha ng kanyang kaibigan nang makita nito ang kalagayan niya. Bakas na bakas kasi sa kanyang mukha ang labis na pag-iyak.Agad siyang nilapitan ni Brix at inalalayang makasakay sa kotse nito. Kinailangan niya na ngang tawagan ang kanyang kaibigan dahil pakiramdam niya'y hindi na niya makakaya pang umuwing mag-isa. Damang-dama niya ang paninikip ng kanyang dibdib. Halos manghina rin ang kanyang mga tuhod
Ipinarada ni Lemuel ang kanyang sasakyan sa harap ng apartment na tinitirhan nina Jossa. Alas-tres na ng hapon at matapos ng mga kailangan niyang gawin sa shop ay nagtungo siya roon. Pinatay na niya ang makina ng kanyang kotse pero nanatili pa muna siya sa loob. Nakahawak pa ang dalawang kamay niya sa manibela habang ang kanyang mga mata ay matamang nakatitig sa bahay na tinitirhan ng kanyang mag-ina.Kanyang mag-ina--- waring may humaplos sa kanyang dibdib pagkaisip sa bagay na iyon. Sa loob ng sampung taon, ni hindi pumasok sa isipan niya na may anak na siya... na nagbunga ang minsang naging relasyon nila ni Jossa.He heaved out a deep sigh. Nasabi niya na kay Masha ang tungkol sa bagay na iyon. Nabigla ito at inaasahan na niyang iyon ang magiging reaksiyon ng kanyang kasintahan. Nang una kasing magkakaharap-harap sila nina Jossa ay hindi niya naman nabanggit na dati niyang nobya ang dalaga. Ang buong akala ni Masha ay kababayan niya lamang ang naging kliyente nito.Ni hindi agad na
Dama ni Jossa ang pananakit ng ilang parte ng kanyang katawan dahil sa biglaang pagdapa ni Lemuel na kasama siya. Humahapdi ang kanyang kaliwang siko at braso na alam niyang may gasgas dahil sa pagkakatama sa sementadong kalsada. Ngunit lahat ng iyon ay hindi na niya alintana pa sapagkat mas nanaig ang takot at kaba sa kanyang dibdib matapos ng ginawang pagpapaputok ng kung sino mang sakay ng motorsiklong bagong dating.Mariing naipikit ni Jossa ang kanyang mga mata habang mahigpit siyang yakap ni Lemuel. Nakahiga na siya sa gilid ng daan samantalang ang kalahati ng katawan ng binata ay nakadagan sa kanya, intensiyon upang maprotektahan siya sa kung sino mang umatake sa kanilang dalawa.Mayamaya'y tumigil saglit ang pagpapaputok ng lalaki. Lahat ng balang pinaulan nito ay sa sasakyan ni Lemuel tumama. Dahil sa biglaang pagdapa ng binata ay nakailag sila sa naturang pamamaril.Nakiramdam pa muna si Lemuel hanggang sa maingat itong bumangon. Kasabay ng pagkilos nito ay ang pagmulat ni J