Halos mapasinghap si Jossa nang lumapat ang mga labi ni Lemuel sa kanya. Hindi niya inaasahang gagawin iyon ng binata. Hawak nito ang kanyang batok dahilan para hindi niya maiiwas dito ang kanyang mukha. Ang isang kamay naman nito ay nakatukod sa kinauupuan niyang sofa na wari bang doon kumukuha ng balanse.Mariin ang halik na iginawad sa kanya ni Lemuel. Hindi siya agad nakakilos at aaminin ni Jossa na nakadagdag sa panghihina ng kanyang mga tuhod ang pagdampi ng labi nito sa kanya. She was trembling while they were talking a minute ago and that doubled because of the kiss that after ten years, she has experienced again.Yes, ten years.... Walang sino mang lalaki ang pinahintulutan niyang gawin ang mga bagay na tanging si Lemuel pa lamang ang nakagawa sa kanya.Slowly, she closed her eyes. May ilang butil pa ng luha ang tumakas mula sa kanyang mga mata ngunit hindi na iyon pag-iyak dahil sa pagkakaalala ng mga nangyari noon. Luha na iyon na dulot ng labis na pangungulila niya sa lala
Marahang napalingon si Jossa nang maramdaman niya ang paglapit ni Brix. Bitbit nito ang isang basong tubig na agad nitong inilapag sa ibabaw ng center table. Narinig niya pa nang mapabuntong-hininga ang kaibigan niya bago ito nagsalita."Uminom ka muna, Jossa, para kumalma ka," wika nito sa banayad na tinig.Sinunod niya ang sinabi ng binata. Uminom siya mula sa basong ibinigay nito saka iyon muling inilapag sa ibabaw ng mesa. "S-Salamat," halos pabulong niyang saad.Ilang minuto matapos niyang tawagan si Brix ay dumating ito upang sunduin siya. Agad pang rumihestro ang pag-aalala sa mukha ng kanyang kaibigan nang makita nito ang kalagayan niya. Bakas na bakas kasi sa kanyang mukha ang labis na pag-iyak.Agad siyang nilapitan ni Brix at inalalayang makasakay sa kotse nito. Kinailangan niya na ngang tawagan ang kanyang kaibigan dahil pakiramdam niya'y hindi na niya makakaya pang umuwing mag-isa. Damang-dama niya ang paninikip ng kanyang dibdib. Halos manghina rin ang kanyang mga tuhod
Ipinarada ni Lemuel ang kanyang sasakyan sa harap ng apartment na tinitirhan nina Jossa. Alas-tres na ng hapon at matapos ng mga kailangan niyang gawin sa shop ay nagtungo siya roon. Pinatay na niya ang makina ng kanyang kotse pero nanatili pa muna siya sa loob. Nakahawak pa ang dalawang kamay niya sa manibela habang ang kanyang mga mata ay matamang nakatitig sa bahay na tinitirhan ng kanyang mag-ina.Kanyang mag-ina--- waring may humaplos sa kanyang dibdib pagkaisip sa bagay na iyon. Sa loob ng sampung taon, ni hindi pumasok sa isipan niya na may anak na siya... na nagbunga ang minsang naging relasyon nila ni Jossa.He heaved out a deep sigh. Nasabi niya na kay Masha ang tungkol sa bagay na iyon. Nabigla ito at inaasahan na niyang iyon ang magiging reaksiyon ng kanyang kasintahan. Nang una kasing magkakaharap-harap sila nina Jossa ay hindi niya naman nabanggit na dati niyang nobya ang dalaga. Ang buong akala ni Masha ay kababayan niya lamang ang naging kliyente nito.Ni hindi agad na
Dama ni Jossa ang pananakit ng ilang parte ng kanyang katawan dahil sa biglaang pagdapa ni Lemuel na kasama siya. Humahapdi ang kanyang kaliwang siko at braso na alam niyang may gasgas dahil sa pagkakatama sa sementadong kalsada. Ngunit lahat ng iyon ay hindi na niya alintana pa sapagkat mas nanaig ang takot at kaba sa kanyang dibdib matapos ng ginawang pagpapaputok ng kung sino mang sakay ng motorsiklong bagong dating.Mariing naipikit ni Jossa ang kanyang mga mata habang mahigpit siyang yakap ni Lemuel. Nakahiga na siya sa gilid ng daan samantalang ang kalahati ng katawan ng binata ay nakadagan sa kanya, intensiyon upang maprotektahan siya sa kung sino mang umatake sa kanilang dalawa.Mayamaya'y tumigil saglit ang pagpapaputok ng lalaki. Lahat ng balang pinaulan nito ay sa sasakyan ni Lemuel tumama. Dahil sa biglaang pagdapa ng binata ay nakailag sila sa naturang pamamaril.Nakiramdam pa muna si Lemuel hanggang sa maingat itong bumangon. Kasabay ng pagkilos nito ay ang pagmulat ni J
"K-Kaninong bahay ito?" hindi mapigilang itanong ni Jossa kay Lemuel. Naglalakad na sila papasok sa bahay na pinagdalhan nito sa kanila ni Lianna. Iginala niya pa ang kanyang paningin sa kabuuan niyon nang nagtanong siya.Lemuel shrugged his shoulders. "Sa kakilala ko," anito sa seryosong tinig. "Ipapakilala ko kayo sa kanya."Hindi na nito dinugtungan pa ang mga sinabi. Patuloy lang ito sa paglalakad habang nakasunod sila nina Lianna. Hawak niya sa kanyang kanang kamay ang kanyang anak, sa kaliwa naman si Darlene. Si Brix ay marahang nakasunod sa kanyang likuran.Bago pa man mag-alas singko ng umaga ay gumayak sila sa pag-alis. Walang nagawa si Jossa kundi ang sumama kay Lemuel sapagkat determinado itong dalhin sila sa lugar, na ayon dito ay ligtas sila ni Lianna. Napahinuhod niya rin sina Brix na sumama. Nag-aalala rin siya para sa kaligtasan ng mga ito, lalo na ni Darlene. Ngayong alam na ng kanyang Daddy Eduardo na may alam ang kaibigan niya kung nasaan siya ay malamang na balikan
Pagkatapos makausap ni Jossa si Lemuel ay umakyat na siya sa ikalawang palapag upang sundan sina Lianna. Ang binata naman ay nakita niyang pinuntahan sa study room si Trace. Kung ano man ang pag-uusapan ng mga ito ay hindi na niya inalam pa.Sa pag-akyat ni Jossa ay nakasalubong niya si Manang Tess. Nagtanong siya kung saan ang silid na ookupahin nilang mag-ina na agad namang itinuro ng matandang babae. Nagpasalamat siya rito at pinuntahan na si Lianna. Hindi niya pa maiwasang humanga nang makita ang naturang kwarto. It was huge and screaming elegance. Mas malaki pa nga iyon kaysa sa silid niya sa bahay ng mga Lodado.Hindi rin mawala sa isipan ni Jossa ang mga pinag-usapan nila ni Lemuel kanina. Patay na pala ang Tatay Simeon nito. Nasa kulungan pa lamang ang binata nang inatake ito sa puso at mamatay. And the worst of all, nawala ang matandang lalaki dahil hindi nito nakayang tanggapin ang lahat ng nangyari kay Lemuel--- lahat ng nangyari na sila ang naging dahilan.Hindi niya maiwa
Sunod-sunod ang naging paglunok ni Jossa nang tuluyang makalapit sa kinaroroonan nila sina Lemuel at Masha. Napaupo pa siya nang tuwid nang sa may mismong likuran nila tumayo ang dating kasintahan."Hello..." sambit ni Lemuel na laan para kay Lianna. May masuyong ekspresyon pang nakarehistro sa mga mata nito habang nakatitig sa kanilang anak."Nariyan ka na pala, Lemuel," saad ni Brix. Ito ang gumawa ng hakbang para maputol ang nakaiilang na sitwasyon."Brix, I-I... sinundo ko lang si Masha, my girlfriend---""We've met," mabilis na sansala ng kaibigan niya. "She's the event coordinator in Darlene's birthday, remember?"Lemuel cleared his throat. "Anyway, Mash, s-si... si Lianna, my daughter," saad ni Lemuel. Nakatukod pa ang dalawang kamay nito sa sandalan ng kinauupuan ni Lianna.For a moment, no one spoke among them. Sila ni Brix ay waring kapwa naghihintay kung ano ang sasabihin ni Masha, kung ano ang magiging reaksyon nito ngayong kaharap na ang anak nila ni Lemuel.Pero hindi ag
Napatayo nang tuwid si Jossa habang nakasunod siya ng tingin kay Masha. Dire-diretso itong humakbang patungo sa may lababo at doon ay nagdududuwal. Sa wari niya pa ay wala namang inilalabas ang dalaga. Sadyang hinalukay lang ang sikmura nito nang maamoy ang niluluto nina Manang Tess.Sunod-sunod ang naging paglunok ni Jossa. Babae rin siya at kahit wala pa mang nakapagsasabi ay parang nahuhulaan na niya ang dahilan ng pagkakaganoon ni Masha. Naranasan niya rin iyon nang pinagbubuntis niya si Lianna at halos matigilan pa siya dahil sa reyalisasyong agad na pumasok sa kanyang isipan.Buntis ba si Masha? Iyon ba ang rason kung bakit ayaw nito sa amoy ng ginisang may bawang?Mabilis nang nilapitan ni Lemuel ang kasintahan nito. Nakita pa ni Jossa ang marahang paghawak ng binata sa likod ni Masha na wari ba ay pinapakalma ang dalaga."Are you okay? Masama ba ang pakiramdam mo?" narinig niyang tanong ni Lemuel.Hindi sumagot si Masha at sa halip ay binuksan na ang gripo upang maghugas ng ka