Isang linggong walang pasok. Kaya gano'n na lang ang tuwa ko dahil binigyan kami ng suweldo na halos doble sa pinakamalaking suweldo ko noon. Nagdadalawang-isip pa nga ako pero buo na rin ang desisyon ko na bisitahin sina mama sa probinsya, sobrang kabado ako dahil ngayon ko na lang ulit sila makikita sa halos isang taong pag-ta-trabaho ko rito. Inayos ko na agad ang maleta ko, naroon ang mga pasalubong kina mama at sa mga kapatid kong maliliit, paniguradong magugustuhan nila iyon, paborito pa naman nila ang mga laruang barbie, dahil hindi sila nakaranas nito. "Grabe, dinaig ang OFW," anas ni Maylene kaya ako napatawa. "Ngayon ko lang naman ulit sila makikita, e. At saka okay na rin ito, may kikitain pa naman ako. At saka babalik din ako rito sa linggo ng gabi," sabi ko saka tumayo. "Pakisabi kay Jona na mauuna na ako, ah?" "Keri lang, at saka siya nagsabi na gisingin ka ng maaga para makapag-asikaso ng sarili. Anyway, nandiyan na ang boyfie mo, punta ka na," ngiting sabi niya at
"Sabihin mo nga sa akin Ada, bakit sa lahat pa ng trabaho iyon ang pinasok mo? May pinag-aralan ka naman, nakapagtapos ka ng hayskul at matalino ka! Bakit ka humantong sa ganiyang karuming trabaho!" Hindi ko alam kung bakit sa dami rami ng naririnig ko ay iyon ang madalas pumasok sa aking tenga. Para akong paulit-ulit na sinasampal ng gano'ng salita na mula pa sa sarili kong ina. Ilang beses naman akong nag-isip, ilang beses akong nag-tiis sa marangal kong trabaho noon pero napuno ako, e. Nasaktan ako sa mga sinasabi ng iba roon kaya nilunok ko ang mga sinabi ko. Pumasok ako roon kahit natatakot ako. Sana bago man lang ako sinampal at hinusgahan, tinanong muna sana ako kung gusto ko ba ang mga nangyayari. Kung maayos lang ang kalagayan ko. "Sakto miss, umabot ka. Kaso rito ka na lang sa ibaba," sabi ni manong na inalalayan ako sa pagsakay sa barko na hindi naman kalakihan. Halos punuan na, sa ibaba pa lang at nakaupo na ang iba kaya hindi na rin kasya. Nakiusap naman ako na sumaba
Hawak nito ang maleta habang mahigpit na nakahawak sa aking kamay, ang polo nito at inilagay niya sa aking likuran at nagawa niya pang suklayan ako sa mismong parking lot kanina habang hinahayaan akong umiyak. Inilabas ko lahat kanina, naiinis ako sa tuwing hindi ko makontrol ang pag-iyak ko. "I have pajama there and shirt, sabihin mo lang kung hindi kasya sa 'yo ang pajama, okay? Huwag ka magtatagal sa tubig para hindi lumala ang sipon at ubo mo, maglinis ka lang ng katawan para mahimasmasan ka," mahinang sabi nito habang ina-adjust ang aircon. Hindi ako sumagot. Ngumiti lang ako saka pumasok sa banyo. Ramdam ko na ang init ng katawan ko dahil halos buong araw ako nabasa ng ulan, hilong-hilo ako na halos gusto ko na lang matulog agad. Itinali ko agad ang aking buhok saka naghilamos ng katawan, nagbihis agad ako at mabuti na lang ay garter ang pajama ni Gab kaya nagkasiya sa akin. Pagkalabas ko wala agad si Gab sa kwarto, malinis iyon, napansin kong bukas ang maleta ngunit wala nam
Matapos kong makapaghugas ay nagpasiya na lang akong maglinis ng bahay, kahit na malinis naman ay pinunasan ko na lang ang bawat bagay na makita ko at ang mga unan ay inayos na rin. Nang matapos sa ibaba ay umakyat agad ako sa taas para naman maayos ang ilan doon, hindi ko na binuksan ang ibang kwarto dahil baka may mawala roon. Pumasok na ulit ako sa kwarto at saka inilagay ang mga damit sa maleta, napansin kong mga damit lang ang natuyo dahil wala pa rito ang shorts ko, kaya kinuha ko na lang ang sinasabi ni Gab na boxer at ako na sa damit. Naghilamos na lang ulit ako at saka nagsuot ng damit. Matapos no'n ay medyo guminhawa ang aking pakiramdam. Gusto ko sanang lumabas para naman maarawan ako kaso nga lang baka hindi naman ako papasukin na, kaya napirmi na lang ako rito at saka muling bumaba para masilip ang laman ng ref. Kahit papaano naman ay marunong akong magluto at gumawa ng meryenda. Inilabas ko ang mga kailangan, palitan ko na lang siguro ang mga ito kapag medyo okay na ak
"Kaya pala nag-asikaso agad, kasi may date si Mr. Andrada," bungad ni Sir Davela nang makababa kami sa kotse.Dumaan kasi muna kami sa kumpaniya dahil may kukunin lang siya, ako naman ay nagpa-iwan na lang dito sa kotse dahil baka mamaya ay maulit na naman ang nangyari noon. Halos kagabi lang din kami nag-impake na good for three days, hindi naman related sa trabaho ang pupuntahan namin kaya buong tatlong araw kaming magkasama. Dahil wala pa si Gab ay lumabas na muna ako ng kotse para sana magbanyo, alam ko naman kung saan puwedeng gumamit dito dahil dito ako nagtrabaho noon. Inayos ko ang aking sarili, medyo okay naman na ang pakiramdam ko at hindi na inisip ang mga nangyari no'ng nakaraang araw. Tapos na iyon, mas gusto ko na lang pagtuonan ng pansin ang mga mga mangyayari pa ngayon sa buhay ko. Lumabas agad ako ng banyo nang matapos at nakita si Gab na may bitbit na envelope, papasok na sana siya nang kinuha nito ang selpon at agad na lumayo sa kotse. Agad akong nagtago dahil pa
Halos isang oras na akong nandito sa banyo dahil sa mga nangyari kanina. Sabay naming kumain ng tanghalian ang mga magulang ni Gab. Hindi ko makakalimutan ang araw na ito dahil halos wala akong ibang makita sa mga mata ng magulang ni Gab kundi ang pagkabigo. Lalo na nang marinig nila kung ano ang trabaho ko. Para bang gusto nilang masuka dahil sino nga ba ang may gustong marinig iyon sa harap ng pagkain. Sinabi man ni Gab na tapikin ko lang siya kung gusto ko ng umalis, pero mas pinili kong manatili. Pinasok ko ito kaya kailangan kong tanggapin. Halatang dismayado si Gab hanggang ngayon dahil sa pag-alis ng nanay nito na sinundan ng tatay ni Gab. Mas lalo pang nakakahiya dahil medyo maraming tao roon na mukhang narinig pa ng mga katabi namin. "Ada? You okay? Kanina ka pa riyan." Kumatok ito nang mahina kaya ako napahawak sa tuwalya. "A-Ah, oo, magbibihis lang ako," sabi ko saka sinuot ang damit na binili niya. Pinunasan ko agad ang aking luha at saka nagbihis. Pagkatapos ay luma
Halos naging maayos ang natirang araw namin ni Gab sa mismong resort na iyon, gaya nga ng sinabi niya ay hindi muna ako pumasok sa trabaho dahil hindi ko pa naman kaya at baka maapektuhan lang ang gagawin ko. Nanatili na lang ako sa loob ng condo ni Gab dahil siya naman ang namilit sa akin, gusto ko lang din makalimot sa mga nangyari no'ng umuwi ako. Pagbalik namin dito sa condo at agad kong nilabhan ang mga pinanggamitan namin dahil kaunti lang din ang damit ko rito kaya tuwing dalawang araw ay nilabhan ko na. "Let's eat na?" bungad ni Gab sa akin sa banyo at agad akong nailing. "Hindi pa ako tapos, e. Nagugutom ka na ba? Una ka na," sabi ko pero imbes na umalis at pumasok siya sa loob. "Dryer na lang ba? Ako na." Kinuha agad nito ang ilan sa mga damit na nasa timba at napatingin pa sa akin nang kunin niya iyon. Halos mamula ito at saka titig na titig na nilakihan ako ng mata. "This is my brief," bulong niya saka ako napatango. "O-Oo, bakit?" tanong ko habang pinagpatuloy pag-a
Maaga kaming nagising dahil darating ngayon si Lucy, tuwing MWF kitaan nilang dalawa pero dahil sabado ngayon ay pinagbigyan na ni Gab dahil na rin next week ay aalis na si Gab, hindi pa namin alam kung anong araw. Nagsuot lang ako ng maayos na damit at siniguradong maayos akong tingnan. Bumaba na ako ng kwarto at nadatnan si Gab na may kausap sa telepono, seryosong-seryoso ito na gusto man niyang sumigaw ah kinokontrol niya ang sarili siya dahil halata ang pagkuyom nito sa kaniyang kamao. Hindi ko na lang siya tinawag at dumiretso ako ng kusina para makapaghanda ng pagkain, nasabi na rin naman kasi sa akin minsan ni Gab kung anong mga pagkain ang kinakain ni Lucy, mabuti na lang at may iba ritong mga ingredients. Hindi ko na lang pinakilaman si Gab dahil alam kong mainit ang ulo niya, mahirap din kasing magpigil ng galit lalo na't ayaw ko pa naman na masyado niyang tinatago ang nararamdaman niya na baka maapektuhan ang lahat. Hindi rin nagtagal ay napansin ko ang presensya nito at