Kabanata 1

( Makalipas ang ilang buwan )

"Buong araw ka ng nakahilata diyan couz! Wala ka bang balak bumangon?" Nag-aalalang saad ni Brenda nang mapansin ang matamlay na pangangatawan ng kanyang pinsan. Actually ilang araw niya ng nahahalata na parang maysakit ito.

"Can you just keep your fucking mouth shut? Ayos lang ako okay? Wala lang talaga akong gana ngayon." Irritableng sagot ni Krissy. Isa pang napapansin ni Brenda ay ang pagiging mainitin ng ulo nito these past few days.

"Anong ngayon? araw-araw ka nalang ata walang gana. Tingnan mo tuloy, tuluyan ng naikasal si Papa Brandon mo sa mang-aagaw na babaeng yun. Bakit kasi natakot at nagpadala ka dun kay Calex. Edi sana ikaw ang may happy ending ngayon." Nakaismid na sagot ni Brenda.

Tama nga naman si Brenda. Simula ng komprontahin at bantaan ni Calex si Krissy ay hindi na siya ulit kumilos para sirain ang kasalang magaganap ng ex niyang si Brandon at ang mang-aagaw na si Meghan. Hindi rin alam ni Krissy kung bakit gayun na lamang ang kabang nararamdaman niya kapag kaharap ang atribidang lalaki na si Calex.

"As if naman talaga na hindi ka rin natakot sa banta niya ano? Hindi ba para ka ngang tuta nung pinagbantaan ka niya dahil nakipagsex ka sa kasamahan niyang racer na legally married!" Inis na bulalas naman ni Krissy na ikinatahimik ni Brenda. Napakamot nalang ang babae sa ulo dahil nareal-talk siya nito.

Padabog na bumangon si Krissy sa kama nang makaramdam siya ng pagkahilo. Parang may kung anong lalabas sa kanyang sikmura kaya't nagmamadali siyang tumakbo papuntang banyo.

Parang nakahinga siya ng maluwag nang maisuka niya lahat ng kinain ngayong araw.

Nagtatakang nilapitan ni Brenda ang kanyang pinsan. Ramdam niyang may ibang ibig sabihin sa kinikilos ni Krissy.

"Why are you staring me like that?" Magkasalubong ang kilay na tanong ni Krissy nang mapansin ang makahulugang tingin niya.

"Couz wag ka sanang magagalit sa itatanong ko." Ani Brenda sa kinakabahan na boses.

"What is it?" Tipid na tanong ni Krissy. At bigla na lamang siyang namutla nang marealize ang tanong nito.

"When was your last period? Sorry but I guess kailangan mong magpatingin sa doctor to confirm. You have all the signs of being pregnant!" Kinakabahang anas ni Brenda at halos mapaupo si Krissy sa sahig sa labis na pagkabigla.

Tsaka niya lang naisip na lagpas isang buwan na siyang hindi dinaratnan ng dalaw. And this is the very first time na nangyari ito sa kanya.

"Shit!" Natutop ni Krissy ang bibig at sobrang nagpapanic sa labis na kabog ang kanyang dibdib.

"Mukhang nagkakatotoo ang pagpapanggap mo noon Couz!" Nag-aalalang turan ni Brenda.

Hindi makapagsalita si Krissy at binalot ng kaba ang puso niya. Bakit nga ba hindi niya naisip na may possibility siyang mabuntis sa isang gabi na pinagsaluhan nila ng lalaking kaaway niya. Isang gabi na wala sa kanyang plano ngunit nangyari. Isang gabi ng pagkakamali ngunit puno ng kapusukan.

Brenda was right. Mukhang nagkatotoo nga ang pagpapanggap noon ni Krissy na buntis siya. Yun nga lang hindi ang ex niyang si Brandon ang ama ng nasa sinapupunan niya kundi ang kapatid nitong si Calex na namumuhi sa kanya.

Siya lang naman ang lalaking bukod tanging nakasex ni Krissy simula ng magkahiwalay sila ni Brandon.

Noong sinet-up niya si Brandon ay wala naman talagang nangyari sa kanila. May ibang part lang ng video ang inidet ni Krissy gaya ng audio. Hinubad niya lang ang buong saplot niya habang tinatakpan ng kumot ang kanilang kahubdan na kunyari may nangyari nga sa kanila ng lalaki. Tulog na tulog si Brandon that time kaya napagtagumpayan ni Krissy ang planong iyon.

Halos mabingi na siya sa lakas na kabog ng kanyang puso.

Ngayon iniisip niya kung paano sasabihin kay Calex na nagbunga ang isang gabi ng pagniniig nila gayung kinasusuklaman siya ng lalaki. Halos isumpa pa nga siya nito.

Ngunit may parte ng puso at utak niya na gustong panagutan siya ni Calex sa ayaw man nito o sa gusto!

Ayaw niyang lumaki ang anak niya sa hindi buong-pamilya, kagaya ng naranasan niya.

Nagmamadali siyang tumayo at tinungo ang dala niyang mga gamit para magbihis.

"Magbihis kana rin! May pupuntahan tayo!" Seryosong tugon ni Krissy sa naguguluhan niyang pinsan.

"Saan?" Kunot ang noong tanong nito.

"Magpapacheck-up ako like you said to confirm. Then didiritso na tayo kay Calex. Kailangan niya akong panagutan sa lalong madaling panahon."

Wala sa loob na pahayag niya. Namilog ang mga mata ni Krissy sa pagkabigla ngunit wala na rin siyang nagawa kundi ang sundin ang desisyon ni Krissy.

Kung desperada si Krissy noon dahil sa pagmamahal niya sa ex niyang si Brandon, mas magiging desperada siya ngayon para sa kapakanan ng magiging anak niya.

************

"Congratulations Ms. Kristela Parker, you're four weeks pregnant." Masayang bati ni Doktora Mendez kay Krissy habang pinapakita nito sa kanya ang resulta ng transvaginal ultrasound.

Tumawag siya kanina sa kanilang family doctor na si Dr. Francisco na nakabase sa Manila at dito siya nito ini-refer.

Natutop ni Krissy ang kanyang bibig. Malaki na ang duda niya na nagdadalang-tao nga siya ngunit ibang-iba pa rin pala ang pakiramdam kapag mismong makumpirma ito ng isang doktor.

Halo-halong emosyon ang nararamdaman niya. Hindi niya alam kung matutuwa ba siya dahil magiging mommy na siya o malulungkot dahil ang pagbubuntis niyang ito ay bunga lamang ng isang gabing kalasingan at makamundong pagnanasa.

Basta na lamang tumulo ang mga butil sa kanyang mga mata. Sa loob ng mahabang panahon ay ngayon lang siya ulit naiyak ng ganito. Yung tahimik na hikbi ngunit sobrang emosyonal. Lagi niyang pinapangaralan ang sarili na maging matatag at matapang sa anumang hamon na susuungin niya. Kasama na ang sakit na dinanas niya sa kanyang ex-boyfriend. Kung kailan sana isang araw nalang bago ang kanilang kasal ay umatras ito at ibang babae ang iniharap sa altar. Umiyak man siya sa mga oras na iyon ay dahil sa labis na pagkapoot.

Nag-aalalang nilapitan siya ni Doktora Mendez. Mukhang napakabait makitungo nito sa kanyang pasyente. She's on her mid 40's but still she's gorgeous and looks young on her age. She's not only an OB-gyne but also a physician kaya napakalawak ng kaalaman nito. Kaya marahil ito ang inirekomendang doktora sa kanya ni Dr. Francisco.

"Are you alright?" Nag-aalalang tanong nito habang hinahaplos ang kanyang likuran. Hindi niya alam ang isasagot sa doktora dahil siya mismo ay hindi niya alam kung ano nga ba ang dahilan ng pagiging emosyonal niyang ito.

Magkagayunpaman ay mapait na ngumiti si Krissy. "Can we keep it private for the meantime dok? Even kay Dr. Francisco, close sila ng daddy ko at may possibility na masabi niya kay daddy ang pagdadalang-tao ko. Gusto ko kasi na ako mismo ang magsabi kay daddy tungkol dito." Hiling ni Krissy habang marahang pinupunasan ng tissue ang kanyang mga luha.

Ayaw niyang gulantangin ang daddy Henry niya lalo na't hindi maganda ang relasyon nila ngayon dahil sa ginawa nitong pagtulong sa babaeng kanyang kinamumuhian. Na nagresulta para umatras ang lalaking mahal niya sa magaganap na kasal.

Tapos ngayon dahil sa pagiging desperada niyang bumalik si Brandon sa kanya ay nabuntis pa siya ng half-brother nito. What a shame! Hindi niya alam sa ngayon kung paano haharapin at sasabihin sa daddy niya ang tungkol dito.

"Ofcourse Ms. Krissy. Don't worry about it. Well anyway, bibigyan kita ng reseta para sa vitamins na iinumin mo for you and for your baby. And iwasan mo sanang ma-stress lalo na't maselan ang first trimester ng pagbubuntis mo." Paalala ni doktora.

Yumuko si Krissy at marahang hinaplos ang maliit na umbok sa kanyang sinapupunan. Hindi siya makapaniwalang may isang buhay na nabuo rito.

She smiled politely na hindi niya naman usually ginagawa. "Yes dok. I will. Maraming salamat." Pahayag ni Krissy.

Bumalik si doktora sa kanyang table at maya-maya pa'y may inabot itong isang papel. Reseta iyon ng mga gamot at vitamins na kailangan niyang inumin.

Kinuha niya iyon at agad na nilagay sa mamahalin niyang bag. "I will go now dok. Thank you again." Paalam ni Krissy.

"Don't hesitate to call me when you need anything." Ani doktora at tinanguan niya ito bago siya tuluyang lumabas ng clinic.

Agad na bumungad sa kanya ang maligalig niyang pinsan na si Brenda.

"Ano couz? Confirmed na ba? Buntis ka nga bang talaga?" Sunod-sunod na tanong nito sa curious na mga mata.

Hindi siya umimik. Bagkus ay marahan niya lang itong tinanguan bilang sagot.

"Oh Em Gee!" Malakas na bulalas nito sabay tutop ng kanyang bibig.

Matalim siyang tiningnan ni Krissy. Naalala nitong ang kapalpakan ng plano ni Brenda ang dahilan kaya may nangyari sa kanila ni Calex ng gabing iyon. Hindi man nito naaamin sa kanya ngunit hindi rin naman ito nagdedeny.

"Nasurpresa ka pa? Resulta lang naman ito ng hindi mo pag-iisip ng tama." Inis na saad niya habang hinahawakan ang sumasakit niyang sintido.

Natahimik naman si Brenda na halatang aminado sa kanyang pagkakamali.

Ngunit kahit bugbugin pa niya ang bobang pinsan ay hindi na maibabalik nito ang mga nangyari.

"Sorry na couz, blessing naman ang baby eh. Tsaka you're not getting any younger. Malay mo kaya siguro hindi kayo para sa isa't-isa ni Brandon dahil kayo talaga ni Calex ang nakatadhana." Sentimyento nito. Lalo lang napailing si Krissy sa drama ng kanyang pinsan.

Blessing nga naman talaga ang baby, she knew it. And yeah nasa hustong gulang na rin siya para magkaroon ng anak. Ngunit ang huling sinabi nito ang mukhang napakalayo sa realidad lalo na't alam ni Krissy kung gaano namumuhi sa kanya ang lalaking yun. At dala lang ng kalasingan kaya may nangyari sa kanila. It's purely lust after all.

"Saang teleserye mo na naman nakuha ang ideyang yan? Sa tingin mo magbubunyi yung Calex na yun pag nalaman niya ang tungkol dito?" Pa-hipokritang usal ni Krissy. Bigla namang nagbago ang ekpresyon ni Brenda nang mapagtantong may ponto ang pinsan.

"Well, malalaman naman natin yan. Tiyak gusto mo na ring sabihin kay Calex ang tungkol diyan." Napakamot sa batok na saad niya.

Walang pagdadalawang-isip naman na sumagot si Krissy.

"Ofcourse! Kailangan niya akong panagutan. I can't imagine people threw words on me if I'll raise my child alone. Baka makapanakit lang ako ng tao pag nagkataon." Anas ni Krissy while rolling her eyes. Pinakaayaw niya sa lahat ay ang binubully siya. May trauma na siya sa ganitong bagay dahil sa naranasan niya noon.

"That's right couz. But yan ba talaga ang main reason?" Nakangising sambit ni Brenda na para bang may iba pa itong gustong marinig na sagot.

Nagsimula ng maglakad si Krissy habang nakasunod lang sa kanya ang chismosang pinsan.

"Syempre kahit masama ang loob ko kay daddy ayaw ko naman siyang bigyan ng kahihiyan." Dagdag na paliwanag ni Krissy.

"That's it?" Ani Brenda na parang hindi pa rin kumbinsido.

"Yeah that's it! Ano bang gusto mong sabihin ko pa?" Inis na sagot ni Krissy.

"Ni minsan ba hindi ka humanga kay Calex?" Nakahagikhik na usal nito.

Natigilan naman si Krissy. Aaminin niyang napakalakas ng dating ni Calex. Kahit sinong babae mapapalingon sa kakisigan niyang taglay.

Ngunit hindi pa makumpirma ng puso niya kung may espesyal nga ba siyang pagtingin sa lalaki maliban sa namamanhid ang tuhod niya pag kaharap ito.

"Ano namang pumasok diyan sa walang laman mong isip?" Sarkastikong sambit niya.

"Naisip ko lang ang naikwento mo noon. Hindi ba't pangarap mo na mapangasawa ang lalaking mahal mo at mahal ka. So paano yun? Magsasama kayo ni Calex na walang pagmamahalan?" Pahayag ni Brenda and she's right. Kaya niya nga ginawa ang lahat noon para kay Brandon sa kadahilang gusto niyang maikasal sa lalaking kinababaliwan niya, na inakala niyang mahal din siya. Naniniwala kasi siyang if nagmamahalan ang mag-partner ay malabo nilang saktan ang isa't-isa. Na makakabuo sila ng masaya at buong pamilya. Isang pamilyang malayo sa kinalakihan niya.

Ngunit dahil sa mga naranasan niya ay nagbago na ang paniniwala niyang iyon.

"Well, that's before. Pwede ba, wag ka ng masyadong maraming tanong. Umalis nalang tayo." Inis na saad niya sa pinsan. Sakto namang nasa parking area na din sila.

At nang buksan ni Krissy ang pintuan ng sasakyan ay tsaka palang pumasok sa isip niya ang tungkol sa kinaroroonan ni Calex.

"Oh shit! I don't even know his address." Anas ni Krissy at natapik ang kanyang noo.

"Tatawagan ko nalang si Trisha. For sure may alam naman yun."Mungkahi ni Brenda. Tinutukoy nito ang kanyang kaibigan na may manliligaw na racer na kasamahan ni Calex.

Nabuhayan naman ng loob si Krissy. "Infairness couz huh gumana yang utak mo ngayon." Ani Krissy.

Pagkatapos matawagan ni Brenda ang kanyang kaibigan ay muli itong bumaling kay Krissy.

"May bahay at condo si Calex dito sa Cebu pero bihira nalang daw siya nakalagi dahil sa minamanage niyang resort." Paliwanag ni Brenda . Kumunot naman ang noo ni Krissy. Bakas sa mukha nito ang kalituhan.

"Can you tell it clearly? So ano nga? Saan nga natin siya pupuntahan?" Magkasalubong ang kilay na tanong nito.

"Napakamainitin naman ng ulo mo. Ganyan nga siguro talaga pag buntis. Well anyway, sa La Vista resort tayo didiritso." Nakangising sambit nito na animo'y nang-aasar pa.

"Okay fine!" Anas niya at inirapan ito bago binuksan ang sasakyan at nauna na siyang sumakay.